မြန်မာ့ဆေးဖက်ဝင် နနွင်းပင်
မြန်မာဆေးကျမ်းများအလိုအရ နနွင်းသည် ပူ၏။ စပ်ရှားရှားအရသာရှိ၏။ ခါးသက်၍ ဆိမ့်သောအရသာ အနည်းငယ်ရှိ၏။ ကိုယ်ရေနွေးစေ၏။ ပူသောဂုဏ်သတ္တိရှိ၏။ လေကိုနိုင်၏။ ၀မ်းမီးကိုတောက်စေ၍ အစာမကြေရောဂါကို ပျောက်ကင်းစေ တတ်၏။
ဥတက်အသုံးပြုပုံ
၁။ နနွင်းသည် ရောဂါအမျိုးမျိုးတို့ကိုပယ်နိုင်၍ အသက်ရှည်စေသောဆေးအဖြစ် ထင်ရှား၏။ နနွင်းကို ငန်းဆေးအမျိုးမျိုး၊ မျက်စိဆေး အမျိုးမျိုး၊ ဒူလာဝမ်းရပ်ဆေး အမျိုးမျိုး၊ လိမ်းဆေးအမျိုးမျိုး၊ မှိုင်းဆေးအမျိုးမျိုး ဖော်စပ်ရာတွင် အသုံးပြု၏။
၂။ ကိုယ်ဝန်ဆောင်စဉ်အတွင်း ဖျားခြင်း၊ သားဖွားပြီး သွေးတက်ခြင်း၊ သွေးပုပ်ကျန်ခြင်း၊ သွေးမသန့်ခြင်း၊ မီးဖွားပြီး နောက် ချိနဲ့ခြင်း၊ အသားအေးခြင်း၊ သားမြတ်ကိုက်ခြင်း၊ ရောင်ခြင်း၊ မီးယပ်သွေးဖောဖြစ်ခြင်း၊ ယားယံခြင်း တို့အတွက် နနွင်းကို အမှုန့်ပြုကာ ရေနှင့်ဖျော်၍ လိမ်းပေးခြင်း၊ သောက်ပေး ခြင်း၊ မှိုင်းရှူပေးခြင်း၊ ရေနွေးနှင့် ပြုတ်၍ ရေချိုးပေး ခြင်း၊ ကြပ်ထုပ်ထိုးပေးခြင်းတို့ဖြင့် ပျောက်ကင်းစေနိုင်၏။
၃။ သားအိမ်မသန့်သောရောဂါ၊ မျက်စိကိုက်၊ နှာစေးအဖျားရောဂါတို့အတွက်လည်း နနွင်းကိုဆေးဖက်အဖြစ်အသုံးပြုရ၏။
၎။ နနွင်းကို လက်ထုပ်ခေါက်မှုန့်နှင့်ရော၍ ရေနှင့်ကျိုပြီး ပျားရည်သင့်ရုံစပ်၍ သောက်ပါက သွေးအန်၊ သွေးလျှံ၊ သွေးဝမ်း ရောဂါ များ ပျောက်၏။
၅။ သွားဖုံးရောင်ခြင်း၊ သွားနာခြင်း၊ ကိုက်ခဲခြင်းတို့အတွက် နနွင်းမှုန့်ကို ရေနွေးနှင့်ဖျော်၍ ငုံပေးခြင်း၊ ဆားနိုင်နိုင် ထည့် သောက်ခြင်း၊ သွားရင်းတွင် သိပ်ပေးခြင်းဖြင့် ပျောက်ကင်းစေ၏။
၆။ နနွင်းသည် ချောင်းဆိုး၊ ပန်းနာရင်ကျပ်၊ ၀မ်းလျှောရောဂါ တို့ကို ပျောက်ကင်းစေ၏။
၇။ နနွင်းကို ဆားအနည်းငယ်ခတ်၍ တစ်နေ့ ၃ ကြိမ်သောက်သော် လေထိုးလေအောင့်ရောဂါ ပျောက်၏။
၈။ အကျိတ်နာ၊ ထိခိုက်ရှနာခြင်း၊ အတွင်းကြေဒဏ်ရာရခြင်းတို့အတွက် နနွင်းနှင့်ထုံးကို ရောစပ်လိမ်းပေးခြင်း၊ ဒဏ်ရာမှ သွေးထွက်လွန်ခြင်းတို့အတွက် နနွင်းမှုန့်သိပ်ပေးခြင်းတို့ဖြင့် ပျောက်ကင်းစေနိုင်၏။
၉။ နနွင်းကို သကြားနီခဲနှင့် ရောစပ်၍ ဆန်ဆေးရည် နှင့် သောက်သုံးပါက သားအိမ်တွင် ကျောက်တည်ခြင်း ပျောက်၏။
၁၀။ နနွင်းမှုန့်၊ ဆီးဖြူသီးရည်၊ ပျားရည်သုံးမျိုး ရောသောက်သော် ဆီးပူ၊ ဆီးအောင့်မှစ၍ ဆီးရောဂါအမျိုးမျိုး ပျောက်၏။
၁၁။ နနွင်းဥကိုပါးပါးလှီး၍ နေရိပ်တွင်လှန်းပြီး ပျားရည်နှင့် တစ်ကြိမ် ၃ ပြား၊ တစ်နေ့တစ်ကြိမ် သောက်သော် အစာအိမ် ရောဂါ ပျောက်၏။ မြန်မာ့ဆေးဖက်ဝင်အပင်များ
