မြန်မာ့ဆေးဖက်ဝင် သံမနိုင်ကျောက်မနိုင်ပင်
မြန်မာနိုင်ငံအနှံ့အပြားတွင် အထူးသဖြင့်ပူအိုက်သော ဒေသများတွင် ပေါက်ရောက်သည်။ သဘာဝ အလျောက် ပေါက်ရောက်သည်။ တစ်နှစ်ခံပင်ပျော့ပင်ငယ်မျိုး ဖြစ်သည်။ ၁ ပေမှ ၃ ပေ အထိ မြေတွင် လျှောက်၍ ပေါက်သည်။ ပင်စည်သေးသွယ်ပြီး တစ်ခါတစ်ရံ ထောင်မတ်၍ နေသည်။
အရွက်။ ရွက်လွှဲထွက်သည်။ ဘဲဥပုံသဏ္ဍာန်ရှိသည်။ ရွက်ထိပ် ၀ိုင်းသည်။ ရွက်ညှာရင်းတွင် သေးငယ် သော ရွက်စွယ်ရှိ၏။ ရွက်ကြောများ ထင်ရှား၏။ ရွက်ပြားချော၍ ရွက်နားညီပြီး ရွက်ညှာ ရှည် သည်။
အပွင့်။ ရိုးတံ၏ အဆစ်များတွင် နီဝါရောင်အပွင့်များ အဆုပ်လိုက်ပွင့်၏။ တပို့တွဲလ၌ ပွင့်၏။
အသီး။ သီးတောင့်ရှည်ဖြစ်ပြီး ပြားနေသည်။ ကဆုန်၊ နယုန်တွင် သီးသည်။
အသုံးဝင်ပုံ
အရွက်၊ ပဉ္စငါးပါးအသုံးဝင်သည်။ မြန်မာဆေးကျမ်းများ အလိုအရ သံမနိုင်ကျောက်မနိုင်သည် ချုပ်သော သတ္တိရှိ၏။ ဖောရောင်ခြင်းကို ကျစေ၏၊ ထိုင်းမှိုင်းစေ၏၊ ၀မ်းသွားခြင်း၊ သွေးဝမ်းသွားခြင်း၊ ဆီးချုပ်၊ ကျောက်တည်ရောဂါများကို ပျောက်ကင်းစေ၍ အနာများကို ပြည်ပေါက်စေသည်။
အသုံးပြုပုံ
၁။ အရွက်ကိုအရည်ညှစ်၍ နို့နှင့်ရောသောက်ပါက ကလေးသူငယ်များ ၀မ်းဗိုက်အောင့်ခြင်းကို သက်သာစေ၏။
၂။ အရွက်ခြောက်များကို ရေစိမ်၍သောက်ပါက ၀မ်းသွားခြင်း၊ သွေးဆင်းခြင်း၊ မီးယပ်ဖြူဆင်းခြင်း စသည်တို့ကို ပျောက်ကင်းစေ၏။
၃။ ပဉ္စငါးပါးကိုအရည်ညှစ်ပြီး ကျိုချက်၍လည်းကောင်း၊ အခြောက်ကို လက်ဖက်ရည်ကဲ့သို့ပြုလုပ်၍ လည်းကောင်း သောက်လျှင် ဆီးချုပ်၊ ဆီးပူ၊ ကျောက်တည်ရောဂါများ ပျောက်ကင်းစေ၏။
၎။ ပဉ္စငါးပါးအစိုကို ထမင်းနှင့်ဆတူရော၍ကြိတ်ပြီး နံနက် ည နှစ်ကြိမ်အုံပေးပါက နို့နာများ ပြည် ပေါက်ပြီး ပျောက်ကင်း၏။
မြန်မာ့ဆေးဖက်ဝင်အပင်များ
