ကွင်းအတွင်း ကျူးကျော်ဝင်ရောက်တဲ့ ပရိသတ်တွေကို ပရီးမီးယားလိဂ်နဲ့ အင်္ဂလန် ဘောလုံးလောကမှာ ရာသက်ပန် ပွဲကြည့်ခွင့်ပိတ်ပင်တော့မှာဖြစ်တယ်လို့ အင်္ဂလန်ဘောလုံးအဖွဲ့ချုပ် FA က ထုတ်ပြန်လိုက်ပါတယ်။  အဲဒီထုတ်ပြန်ချက်မှာ ပရိသတ်တွေအနေနဲ့ ကွင်းထဲကို မီးရှူးမီးပန်းတွေ၊ မီးခိုးဗုံးလို အငွေ့ထွက်စေတဲ့အရာတွေကို ယူဆောင်လာလို့ မရတော့သလို တွေ့ရှိခဲ့ရင် ရဲတပ်ဖွဲ့ထံအပ်နှံ စစ်ဆေးသွားမယ်လို့လည်း ဖော်ပြထားပါတယ်။ ဒါ့အပြင် သက်ဆိုင်ရာကလပ်ကိုလည်း အရေးယူသွားမယ်လို့ ဆိုပါတယ်။ လာမယ့်ရာသီသစ်မှာ ပရီးမီးယားလိဂ်နဲ့ အင်္ဂလန်ဘောလုံးကလပ်တွေအားလုံး ပရိသတ်တွေကို ရှာဖွေစစ်ဆေးမှုပြုလုပ်ရမှာဖြစ်သလို လုံခြုံရေးအရ အနံ့ခံ ခွေးတွေလည်းအသုံးပြုရတော့မှာဖြစ်ပါတယ်။ ဒါ့အပြင် လူမှုကွန်ရက်စာမျက်နာတွေပေါ်မှာ ပရိသတ်တွေတင်တဲ့ မသင့်လျော်တဲ့ ဗီဒီယိုဖိုင်တွေကိုလည်း ချက်ချင်းဖြုတ်ချပစ်ရမှာဖြစ်တယ်လို့ FA က လုံခြုံရေး စည်းမျဉ်း စည်းကမ်း အသစ်တွေ ထုတ်ပြန်လိုက်တာဖြစ်ပါတယ်။ လက်ရှိမှာ အဲဒီစည်းမျဉ်းသစ်တွေကို ပရီးမီးယားလိဂ် ကလပ်တွေအားလုံး သဘောတူထားပြီး ဖြစ်တယ်လို့ သိရပါတယ်။  
သတင္းအျပည့္အစံုကိုၾကည့္ရႈရန္

လက်ရှိနွေရာသီအပြောင်းအရွှေ့ဈေးကွက်တွင် ဇူလိုင်(၂၃)ရက်အထိ ကစားသမားခေါ်ယူမှု စာရင်းအရ အာဆင်နယ်အသင်းက ငွေအများဆုံးသုံးစွဲထားသည့်အသင်းအဖြစ် ဦးဆောင်နေပြီး ထိပ်ဆုံး(၁၀)သင်းတွင် ပရီးမီးယားလိဂ်မှ (၆)သင်းအထိ ပါဝင်နေကြောင်း သိရသည်။အာဆင်နယ်အသင်းသည် ဇူလိုင် (၂၂)ရက်က မန်စီးတီးအသင်းမှ ဇင်ချန်ကို ကို ယူရို(၃၅)သန်းဖြင့် ခေါ်ယူခဲ့ပြီးနောက် ကစားသမားသစ်(၅)ဦးအတွက် စုစုပေါင်း သုံးစွဲငွေ ယူရို(၁၃၂)သန်း ရှိသွားသည့်အတွက် ဥရောပ၏ ငွေသုံးအများဆုံးအသင်းအဖြစ် ရပ်တည်နိုင်ခဲ့ခြင်းဖြစ်သည်။

မိမိအနေဖြင့် အသင်းရဲ့တိုးတက်မှုကို စိုးရိမ်ကြောင်းနဲ့ အမေရိကန် ရာသီကြို ခရီးစဉ်မှာ ကစားသမားတွေရဲ့ အာရုံစိုက်မှု နည်းပါးတာနဲ့ ပတ်သက်လို့ ပူပန်ကြောင်း ဖလော်ရီဒါမှာ အာဆင်နယ်ကို ၄-၀ ဂိုးနဲ့ ရှုံးပြီးနောက်မှာ ချယ်လ်ဆီးနည်းပြ သောမတ်စ်တူချယ်က ပြောလိုက်ပါတယ်။

မန်ယူအသင်းဆီကို ပြန်လည်ရောက်ရှိလာတဲ့ တိုက်စစ်မှူးစီရော်နယ်ဒိုဟာ သူ့ရဲ့အနာဂတ်နဲ့ ပတ်သက်ပြီး အသင်းတာဝန်ရှိသူတွေနဲ့  ဆွေးနွေးမှု ပြုလုပ်ဖို့ရှိနေပါတယ်။ရော်နယ်ဒိုဟာ မန်ယူအသင်းရဲ့ အာရှခြေစမ်းခရီးစဉ်မှာ လိုက်ပါခြင်းမရှိခဲ့ဘဲ နေအိမ်မှာပဲ တစ်ဦးတည်း လေ့ကျင့်မှုတွေ ပြုလုပ်နေခဲ့တာပါ။

ဇူလိုင် ၂၅ ရက်က အသင်းဆီကို ပြန်လာခဲ့ပြီးနောက် အသင်းဘုတ်အဖွဲ့ဝင်တွေအပါအဝင် နည်းပြတန်ဟတ်ဂ် နဲ့လည်း တွေ့ဆုံဆွေးနွေးတော့မှာ ဖြစ်ပါတယ်။မန်ယူအသင်းနဲ့ နည်းပြတန်ဟတ်ဂ်ဘက်ကတော့ ရော်နယ်ဒိုကို ရောင်းချမှာ မဟုတ်ကြောင်း ပြောထားပေမဲ့ ရော်နယ်ဒိုကတော့ ချန်ပီယံလိဂ်ဆက်ပြီး ကစားခွင့်ရမယ့် အသင်းသစ်ဆီကို ပြောင်းရွှေ့ဖို့ဆန္ဒရှိနေတာပါ။  
သတင္းအျပည့္အစံုကိုၾကည့္ရႈရန္

ပီအက်စ်ဂျီမှာပဲ ဆက်နေချင်ပြီး သူအနေနဲ့ အသင်းနဲ့ ငါးနှစ်ကစားပြီးဖြစ်လို့ ဘယ်သူ့ကိုမှ သက်သေပြစရာ မလိုတော့ဘူးလို့ နေမာ ကပြောကြားပါတယ်။ မိမိရဲ့ အနာဂတ်နဲ့ ပတ်သက်လို့ ပီအက်စ်ဂျီ က မည်သူတစ်ဦးတစ်ယောက်ကမှ သူ့ကိုစကားလာပြောတာမရှိပေမယ့် သူ့အနေနဲ့ကတော့ ပြင်သစ်မြို့တော်မှာပဲ မက်ဆီ ၊ ဘက်ပေ တို့နဲ့အတူ ဆက်ကစားချင်တယ်လို့ ဘရာဇီးတိုက်စစ်မှူး က ပြောပါတယ်။

အင်ဒိုနီးရှားနိုင်ငံမှ အိမ်ရှင်အဖြစ်လက်ခံကျင်းပမည့် အာဆီယံယူ-၁၈ အမျိုးသမီးချန်ပီယံရှစ်(AFF U-18 Girl’s Championship)ပြိုင်ပွဲအား ဝင်ရောက်ယှဉ်ပြိုင်ရန် မြန်မာ့လက်ရွေးစင်အမျိုးသမီး ယူ-၁၈ ဘောလုံးအသင်းသည် ဇူလိုင် ၂၁ ရက် (ယနေ့)ညနေပိုင်းက ရန်ကုန်လေဆိပ်မှထွက်ခွာသွားခဲ့သည်။ ရန်ကုန်လေဆိပ်မှတဆင့် ပြိုင်ပွဲကျင်းပမည့် အင်ဒိုနီးရှားနိုင်ငံ၊ပလမ်ဘန်မြို့သို့ ထွက်ခွာသွားခဲ့ခြင်းဖြစ်ကြောင်း သိရသည်။  
သတင္းအျပည့္အစံုကိုၾကည့္ရႈရန္

အာဂျင်တီးနားတိုက်စစ်မှူး ဒိုင်ဘာလာဟာ စီးရီးအေကလပ် ရိုးမားအသင်းဆီ ၃ နှစ်စာချုပ်နဲ့ ပြောင်းရွှေ့ သွားခဲ့ပါတယ်။ ဂျူဗင်တပ်အသင်းနဲ့ ဇွန်လမှာ စာချုပ်သက်တမ်း ကုန်ဆုံးသွားတဲ့ ဒိုင်ဘာလာကို ဥရောပ ထိပ်တန်းအသင်းတွေက ခေါ်ယူဖို့ စိတ်ဝင်စားခဲ့ကြတာပါ။ အခုနောက်ဆုံးမှာတော့ ပေါ်တူဂီနည်းပြ မော်ရင်ဟို တာဝန်ယူနေတဲ့ ရိုးမားအသင်းက အလွတ်ခေါ်ယူနိုင်ခဲ့တာ ဖြစ်ပါတယ်။ အသက်(၂၈)နှစ်အရွယ် ဒိုင်ဘာလာက မိမိကိုအလိုချင်ဆုံးအသင်းကို ရွေးချယ်ခဲ့တာဖြစ်သလို နည်းပြမော်ရင်ဟိုနဲ့ လက်တွဲအလုပ်လုပ်ရဖို့ စိတ်လှုပ်ရှား နေမိတယ်လို့ ဖွင့်ဟခဲ့ပါတယ်။  
သတင္းအျပည့္အစံုကိုၾကည့္ရႈရန္

၂၀၂၂-၂၀၂၃ ဘောလုံးရာသီ အင်္ဂလန်ပရီးမီးယားလိဂ်ပွဲစဉ်အားလုံးကို SKYNET ရုပ်သံလိုင်းကနေ တိုက်ရိုက်(live) ထုတ်လွှင့်ပြသပေးသွားမှာဖြစ်ပါတယ်။SKYNET ဟာ အင်္ဂလန်ပရီးမီးယားလိဂ်ပွဲစဉ်တွေကို ၂၀၁၃-၂၀၁၄ ဘောလုံး ရာသီကတည်းက ထုတ်လွှင့်ပြသ လာခဲ့တာ ဖြစ်ပြီး အခုဘောလုံးရာသီနဲ့ပါဆိုရင် ၁၀နှစ်ဆက်တိုက်ထုတ်လွှင့်ပြသ နိုင်တာဖြစ်ပါတယ်။ပရီးမီးယားလိဂ်ပွဲစဉ်တွေ ထုတ်လွှင့်ပြသရာမှာလည်း မူရင်းထုတ်လွှင့်ပြသတဲ့ဘက်က ထုတ်လွှင့်တဲ့ အရည်အသွေးအတိုင်း တိုက်ရိုက်ထုတ်လွှင့်ပြသပေးသွားမယ်လို့ဆိုပါတယ်။  
သတင္းအျပည့္အစံုကိုၾကည့္ရႈရန္

မန်ယူအသင်း၏ တိုက်စစ်မှူး စီရော်နယ်လ်ဒိုသည် အသင်းပြောင်းရွှေ့ခွင့်ရရန်အတွက် နည်းလမ်းမျိုးစုံ ရှာဖွေနေရာ အသင်းသစ်တွင် လစာ(၃၀%)အထိ လျှော့ယူပေးသွားရန် စီစဉ်နေကြောင်းလည်း သိရသည်။

စီရော်နယ်လ်ဒို(၃၇ နှစ်)သည် မန်ယူအသင်း ချန်ပီယံလိဂ်ဝင်ခွင့်နှင့် လွဲချော်ခဲ့သည့်အတွက် ပြီးခဲ့သည့် ဇွန်လက အသင်းပြောင်းရွှေ့ခွင့်ပြုရန် မန်ယူအသင်းကို တောင်းဆိုခဲ့ပြီး လက်ရှိအချိန်အထိ အသင်းနှင့် ပြန်လည်ပူးပေါင်းခြင်း မပြုခဲ့ပေ။  
သတင္းအျပည့္အစံုကိုၾကည့္ရႈရန္

ဂျူဗင်တပ်အသင်းမှ နယ်သာလန်နောက်တန်းလူ ဒီလစ်ကို ၂၀၂၇ ခုနစ် အထိစာချုပ်နဲ့ ခေါ်ယူလိုက်တယ်လို့ ဂျာမနီချန်ပီယံ ဘိုင်ယန်မြူးနစ်က ပြောကြားပါတယ်။ ဘိုင်ယန်က ဒီလစ်ကို ယူရို ၆၇ သန်းနဲ့ ခေါ်ယူလိုက်တာ ဖြစ်ပြီး အပိုဆုကြေး နောက်ထပ် ၁၀ သန်း လည်း ပေးရဖွယ်ရှိပါတယ်။  
သတင္းအျပည့္အစံုကိုၾကည့္ရႈရန္