NCA လက်မှတ်ထိုးရေး UNFC နှင့် အစိုးရညှိနှိုင်းမှု ပြေလည်ရန် နီးစပ်နေပြီဟုဆို
ညီညွတ်သော တိုင်းရင်းသား လူမျိုးများ ဖက်ဒရယ်ကောင်စီ (UNFC) အနေဖြင့် တစ်နိုင်ငံလုံးအပစ်ရပ် လက်မှတ်ရေးထိုးရန်အတွက် အစိုးရနှင့် ညှိနှိုင်းနေသည့် အချက် ၈ ချက်အနက် သုံးပုံ နှစ်ပုံကျော် ပြေလည်ပြီး အချက်အားလုံးပြေလည်ရန် လတ်တကမ်းအလိုရောက်လာပြီဟု DPN ဒုတိယ အဖွဲ့ခေါင်းဆောင် နိုင်အောင်မငေး ကပြောဆိုလိုက်သည်။
ညီညွတ်သော တိုင်းရင်းသား လူမျိုးများ ဖက်ဒရယ်ကောင်စီ (UNFC) ဘက်မှ အစိုးရသို့ အချက် ၈ ချက် တောင်းဆိုထားပြီး အဆိုပါအချက်များအား လုံးပြေလည်ပါက အပစ်ရပ်လက်မှတ် (NCA) ရေးထိုးမည် ဖြစ်ကြောင်း ပြောဆိုထားသည်။ လက်ရှိတွင် အချက် ၈ ချက်အနက် အချက် ၄ ချက်ကို အစိုးရနှင့် UNFC မှ ဖွဲ့စည်းထားသည့် နိုင်ငံရေးတွေ့ဆုံ ဆွေးနွေးရေး ကိုယ်စားလှယ်အဖွဲ့ (DPN) တို့ ဆွေးနွေး ချက်အရ မူအားဖြင့် သဘောတူညီချက်ရရှိထား ပြီး ကျန်ရှိနေသည့် နံပတ် ၅ မှ ၈ အထိအချက်များကို ဆွေးနွေးနေကြ ခြင်းဖြစ်သည်။
“ နံပတ် ၅ ကအခြေခံအားဖြင့်ရပြီ။ နံပတ် ၆ ကပြေလည်သလောက်ဖြစ်ပြီ ။နံပတ် ၇ကဆုံးဖို့နည်းနည်းပဲ ကျန်တော့တယ်။ ပြန်ကြည့်လိုက်ရင် ဒီ ၈ချက်က ပြောဆိုရင် ၃ ပုံ ၂ ပုံကျော်လာပြီပေါ့။ လက်တကမ်း အလိုလောက်ပဲရောက်လာပြီ။ ဒါပေမယ့် မနက်ဖြန်အစည်းအဝေး ဘယ်လောက်ပြတ်ဦးမလဲတော့ မသိသေး ဘူး ပေါ့ “ ဟု DPN ဒုတိယ အဖွဲ့ခေါင်းဆောင် နိုင်အောင်မငေးကပြောသည်။ ယနေ့ (အောက်တိုဘာ ၂၃ ရက်) ရန်ကုန်မြို့ ရွှေလီလမ်းရှိ အမျိုးသားပြန်လည်သင့်မြတ်ရေးနှင့် ငြိမ်းချမ်းရေးဗဟိုဌာန (NRPC) တွင် အစိုးရ၏ငြိမ်းချမ်းရေး ကော်မရှင် (PC) နှင့် DPN တို့ ပြုလုပ် နေသည့်အစည်းအဝေးအပြီးတွင် ပြော ဆိုခဲ့ခြင်းဖြစ်သည်။
UNFC ၏ အဆိုပြုချက် ၈ ချက်အပေါ် DPN နှင့် PC တို့အကြား ညှိနှိုင်းဆွေးနွေးသည်မှာ ၇ ကြိမ် ရှိပြီ ဖြစ် သော်လည်း အပြီးသတ် သဘောတူညီမှု မရရှိသေးသည်မှာ ၁၅ လ ကြာခဲ့ပြီ ဖြစ်သည်။ ညီညွတ်သော တုိုင်းရင်းသား လူမျိုးများ ဖက်ဒရယ်ကောင်စီ (UNFC) တွင် NCA လက်မှတ် မရေးထိုးသေးသည့် ရခိုင်အမျိုးသားကောင်စီ (ANC) ၊ လားဟူ ဒီမိုကရက်တစ်အဖွဲ့အစည်း(LDU)၊ မွန်ပြည်သစ်ပါတီ (NMSP)၊ ကရင်နီအမျိုးသားတိုးတက်ရေးပါတီ(KNPP) တို့ ပါဝင်သည်။
