ကြားဖြတ်ရွေးကောက်ပွဲကျင်းပပေးရန်လွှတ်တော် အကြောင်းကြားလျှင် ကျင်းပပေးမည်ဟု ရွေးကောက်ပွဲ ကော်မရှင် ပြော
လွှတ်တော်တွင်းရှိ လွှတ် တော်ကိုယ်စားလှယ် လစ်လပ်နေရာများအတွက် ကြားဖြတ်ရွေး ကောက်ပွဲကျင်းပပေးရန် လွှတ်တော်မှ အကြောင်းကြားစာပေးပို့လာပါက ကြားဖြတ်ရွေးကောက်ပွဲ ကျင်းပပေးမည်ဖြစ်ကြောင်း ပြည်ထောင်စု ရွေးကောက်ပွဲကော်မရှင်မှ သတင်းရရှိသည်။
မြန်မာနိုင်ငံဆိုင်ရာ ဗြိတိန်သံအမတ်ကြီး H.E. Mr.Andrew Patrick နှင့်အဖွဲ့အား ပြည်ထောင်စုရွေးကောက်ပွဲ ကော်မရှင် ဥက္ကဋ္ဌဦးလှသိန်းက မေလ ၁၈ ရက်တွင် နေပြည်တော်၌ လက်ခံတွေ့ဆုံရာတွင် ဦးလှသိန်းက ယင်းသို့ ပြောကြားဖြစ်ကြောင်း ပြည်ထောင်စုရွေးကောက်ပွဲကော်မရှင်၏ သတင်းထုတ်ပြန်ချက်၌ ဖော်ပြထားသည်။
အဆိုပါတွေ့ဆုံမှုတွင် ရွေးကောက်ပွဲကော်မရှင်အဖွဲ့ခွဲအဆင့်ဆင့်ကို အသစ်ပြန်လည်ဖွဲ့စည်းမည်ဖြစ်ပြီး လစ်လပ်မဲဆန္ဒ နယ်များအတွက် ကြားဖြတ်ရွေးကောက်ပွဲကျင်းပပေးရန် လွှတ်တော်မှ အကြောင်းကြားစာပေးပို့လာပါက ကျင်းပ ဆောင်ရွက်မည်ဖြစ်ကြောင်း၊ နောင်ရွေးကောက်ပွဲများကျင်းပရာတွင် လက်ရှိမဲဆန္ဒရှင်စာရင်းအား Update ပြုလုပ် ဆောင်ရွက်သွားမည်ဖြစ်ပြီး မဲစာရင်းမှန်ကန်ရေးရန် ပူးပေါင်းဆောင်ရွက်မည်ဟု ပြည်ထောင်စုရွေးကောက်ပွဲ ကော်မရှင်ဥက္ကဋ္ဌ ဦးလှသိန်းက ဆွေးနွေးခဲ့သည်။
လက်ရှိလွှတ်တော်တွင် အမျိုးသားဒီမိုကရေစီအဖွဲ့ချုပ်နေရာ အများစုရထားပြီး ပြည်သူ့လွှတ်တော်နှင့် အမျိုးသား လွှတ်တော်တို့ နှစ်ရပ်ပေါင်းထားသည့် ပြည်ထောင်စုလွှတ်တော်တွင် လစ်လပ်လွှတ်တော်ကိုယ်စားလှယ် ကိုးနေရာရှိ နေကြောင်း လွှတ်တော်ကိုယ်စားလှယ်များထံမှ သိရသည်။
ပြည်သူ့လွှတ်တော်တွင် လွှတ်တော်ကိုယ်စားလှယ်နေရာ ခုနစ်နေရာနှင့် အမျိုးသားလွှတ်တော်တွင် လွှတ်တော် ကိုယ်စားလှယ်နေရာ နှစ်နေရာတို့ လစ်လပ်နေခြင်းဖြစ်သည်။ အဆိုပါ လစ်လပ်နေရာများသည် အစိုးရအဖွဲ့ ၀င်များနှင့် နိုင်ငံတော်အဆင့် အဖွဲ့အစည်းများတွင် လွှတ်တော်ကိုယ်စားလှယ်အချို့ ပါဝင်သွားခြင်းကြောင့် ဖြစ်သည်။
ကျင်းပဆဲလွှတ်တော်တွင် ကြားဖြတ်ရွေးကောက်ပွဲများကို သတ်မှတ်ထားသည့်အချိန်အတွင်း ကျင်းပပေးရမည့် လွှတ် တော်ဆိုင်ရာ ရွေးကောက်ပွဲဥပမျေားကို ဆွေးနွေးနေပြီး ယင်းဥပဒေကြမ်းများ၌ လွှတ်တော်ကိုယ်စားလှယ်နေရာ လစ်လပ်နေကြောင်း လွှတ်တော်သက်တမ်း ပထမနှစ်အတွင်း လွှတ်တော်ဥက္ကဋ္ဌက အကြောင်းကြားလျှင် ကြားဖြတ် ရွေးကောက်ပွဲကို တစ်နှစ်အတွင်းလည်းကောင်း၊ လွှတ်တော်သက်တမ်း ဒုတိယနှစ်၊ တတိယနှစ်နှင့် စတုတ္ထနှစ်များ တွင် အကြောင်းကြားပါက ခြောက်လအတွင်းလည်းကောင်း ရွေးကောက်ပွဲကျင်းပပေးရမည်ဟု ပြင်ဆင်ထားသည်။
အဆိုပါ ဥပဒေကြမ်းများကို ပြည်သူ့လွှတ်တော်က အတည်ပြုထားပြီးနောက် အမျိုးသားလွှတ်တော်တွင် ဆက်လက် ဆွေးနွေးမှုများ ပြုလုပ်နိုင်ရန် အမျိုးသားလွှတ်တော်သို့ ပေးပို့ထားကြောင်း သိရသည်။
7 Day Daily
