မိုင်းရှူးမြို့နယ်တွင် လုံခြုံရေး အခြေအနေကြောင့် အုပ်စုသုံးစုမှမဲရုံများ ရွှေ့ပြောင်းခဲ့ရဟုဆို
ရှမ်းပြည်နယ်တောင်ပိုင်း မိုင်းရှူးမြို့နယ်တွင် နယ်မြေလုံခြုံရေး အခြေအနေကြောင့် ကျေးရွာအုပ်စုသုံးစု၊ ကျေးရွာပေါင်း ၄၀ ကျော်ရှိ မဲရုံပေါင်းခြောက်ရုံကို လမ်းပန်းဆက်သွယ်ရေး ကောင်းသည့်နေရာများသို့ ရွှေ့ပြောင်းပေးခဲ့ရသည်ဟု လွိုင်လင်ခရိုင် ရွေးကောက်ပွဲကော်မရှင်အဖွဲ့ခွဲမှ သတင်းရရှိသည်။
မိုင်းရှူးမြို့နယ်တွင်းရှိ ကွန်ချောင်း၊ နောင်အက်၊ မော်မေ့ စသောအုပ်စုသုံးစုရှိ ၀မ်လွယ်တစ်ရုံ၊ မော်မေ့နှစ်ရုံ၊ ကွန်ချောင်းတစ်ရုံ၊ နောင်အက်နှစ်ရုံ စုစုပေါင်း မဲရုံခြောက်ရုံရှိပြီး ၀မ်လွိုင်တွင်လည်း တိုင်ကြားစာမပို့မီ ကတည်းက မဲရုံကို နေရာရွှေ့ပြောင်းထားခြင်းဖြစ်ကြောင်း လွိုင်လင်ခရိုင် ရွေးကောက်ပွဲကော်မရှင် အတွင်းရေးမှူး ဦးသိန်းနိုင်က ပြောကြားသည်။
“မဲရုံရွှေ့လိုက်တာကတော့ အဲဒီနေရာမှာ လက်နက်ကိုင်တွေကလည်း ရှိနေတာလေ။ တချို့ပါတီတွေ သွားပြီး မဲဆွယ်ချိန်မှာ သွားရေးလာရေး အကန့်အသတ်ရှိတာပေါ့။ သတင်းပို့ပြီးတော့ သွားရမယ်ဆိုတော့ ပါတီတွေက လွတ်လပ်မှုကို ထိခိုက်ပါတယ်ဆိုပြီးတိုင်ကြတယ်လေ။ ဒေသခံတွေကတော့ မဲရုံဆောက်စေ ချင်တယ်။ ပါတီတွေကတော့ အဆင်မပြေဘူး ပြောတာပေါ့။ ရွေးကောက်ပွဲ ရပ်ဆိုင်းလိုက်တာကိုတော့ မလို ချင်ဘူး။ အတတ်နိုင်ဆုံး လုပ်သွားမယ်ဆိုတဲ့ စေတနာလေးနဲ့ ဒီဘက်ကိုရွှေ့လိုက်တာပါ။ လွတ်လပ်စွာ မဲပေးခွင့်ရမယ်လို့တော့ ယုံကြည်ပါတယ်ဗျ” ဟု လွိုင်လင်ခရိုင် ရွေးကောက်ပွဲကော်မရှင် အတွင်းရေးမှူး ဦးသိန်းနိုင်က ပြောကြားသည်။
မိုင်းရှူးမြို့နယ်တွင် မဲဆန္ဒနယ် (၁) နှင့် (၂) ရှိပြီး ရပ်ကွက်နှင့် ကျေးရွာအုပ်စုပေါင်း ၂၄ စု၊ ကွန်ကျောင်း ကျေးရွာအုပ်စု၊ နမ့်တောင်ကျေးရွာအုပ်စု၊ နားစံကျေးရွာအုပ်စု၊ နားဝိုင်၊ နောင်အက်၊ ဖာယ၊ မိုင်းစံမိုင်း အော့မော်မေ့၊ မြို့မပန်ခွဲ၊ လွိုင်နိုင်း၊ ၀မ်ဆော့၊ ၀မ်လွိုင်၊ ဟိုက်ပါ၊ ဟိုဆိုင်၊ ဟိုပုံ၊ ဟွေဟေး၊ အမှတ် (၁) ရပ်ကွက် (မိုင်းစံ)၊ အမှတ် (၁) ရပ်ကွက် (မိုင်းရှူး)၊ အမှတ် (၂) ရပ်ကွက် မိုင်းစံ၊ အမှတ် (၂) မိုင်းရှူး၊ အမှတ် (၃) ရပ်ကွက် မိုင်းစံ၊ အမှတ် (၃) ရပ်ကွက် မိုင်းရှူး၊ အမှတ် (၄) ရပ်ကွက် မိုင်းရှူးတို့ရှိကြောင်း သိရသည်။
မိုင်းရှူးမြို့နယ်တွင် မဲပေးနိုင်သော မဲဆန္ဒရှင်ဦးရေ ၄၂၀၀၀ ကျော်၊ ကျေးသီးမြို့နယ်တွင် မဲဆန္ဒရှင်ဦးရေ ၅၃၀၀၀ ကျော်ရှိကြောင်း၊ မိုင်းရှူးမြို့နယ်တွင် NLD ပါတီ၊ ပြည်ခိုင်ဖြိုးပါတီ၊ ရှမ်းတိုင်းရင်းသားများ ဒီမိုကရေစီအဖွဲ့ချုပ်ပါတီ၊ ရှမ်းတိုင်းရင်းသားများ ဒီမိုကရက်တစ်ပါတီ၊ ၀လစ်ဘရယ်ဒီမိုကရက်တစ် တိုးတက် ဖွံ့ဖြိုးရေးပါတီ၊ စုစုပေါင်းပါတီငါးပါတီ ၀င်ရောက်ယှဉ်ပြိုင်မည်ဖြစ်ကာ ကိုယ်စားလှယ်သုံးဦး ရွေးကောက်ခံ ရမည်ဖြစ်ကာ ပြည်သူ့လွှတ်တော်တွင် လေးပါတီ၊ ပြည်နယ် (၁) တွင်လေးပါတီ၊ ပြည်နယ် (၂) တွင် ငါးပါတီ တို့ဖြစ်ကြောင်း သိရသည်။
မိုင်းရှူးမြို့နယ်တွင် ကျေးရွာအုပ်စု ၁၁ အုပ်စု၊ မဲရုံပေါင်း ၄၄ ရုံ၊ ကျေးရွာပေါင်း ၁၄၀ ရှိပြီး မဲဆန္ဒရှင်ဦးရေ ၄၂၀၀၀ ကျော်ရှိကြောင်း မိုင်းရှူးမြို့နယ် NLD ပါတီဥက္ကဋ္ဌ ဦးထွန်းဝင်းက ပြောကြားသည်။ # Eleven
