လင်းခေးမြို့ကို ဗဟိုပြု၍ အင်အားအနည်းငယ်ရှိ ငလျင် လှုပ်ခတ် ၊ ဧပြီလအတွင်း ပထမဆုံးအကြိမ်အဖြစ်

ရှမ်းပြည်နယ် တောင်ပိုင်း၊ လင်းခေးမြို့ကို ဗဟိုပြု၍ အ င်အားအနည်းငယ်ရှိ ငလျင်တစ်ခု ယနေ့  ဧပြီလ (၆) ရက် နံနက်ပိုင်းက လှုပ်ခတ်ခဲ့ကြောင်း မြန်မာနိုင်ငံ မိုးလေဝသနှင့် ဇလဗေဒညွှန်ကြားမှု ဦးစီးဌာနမှ သိရသည်။

ရန်ကုန်လေဆိပ်တွင် Grab တက္ကစီဝန်ဆောင်မှု စတင်ပြေးဆွဲ

ရန်ကုန်အပြည်ပြည်ဆိုင်ရာ လေဆိပ်၏ လေဆိပ်ဝန်ဆောင်မှု အသုံးပြုသူ ခရီးသည်များ ပိုမိုအဆင်ပြေချောမွေ့သော ခရီးသွားလာမှုအတွက် Grab Airport Taxi  ဝန်ဆောင်မှုကို ဧပြီ ၃ ရက်မှ စတင်၍ ဝန်ဆောင်မှု ပေးလျက်ရှိပြီဖြစ်ကြောင်း Yangon International Airport မှ သိရသည်။

ထိုင်းနိုင်ငံ၌ နိုင်ငံကူးလက်မှတ်ပြုလုပ်ခြင်းကို ယခုလဧပြီ ၁၂ ရက်အထိဆောင်ရွက်ပေးမည်ဟု မြန်မာသံရုံးထုတ်ပြန်

ထိုင်းနိုင်ငံ၊ ဘန်ကောက်မြို့ရှိမြန်မာသံရုံးက သင်္ကြန်ကာလရုံးပိတ်ရက်အား ဧပြီ ၁၃ ရက်မှ ၁၇ ရက်အထိ သတ်မှတ်ထားပြီး နိုင်ငံကူးလက်မှတ်ပြုလုပ်ခြင်းအား (ဧပြီ ၁၂ ရက်) အထိဆောင်ရွက်ပေးသွားမည်ဖြစ်ကြောင်း ထုတ်ပြန်ထားသည်။ ထို့ပြင် အပတ်စဉ် စနေနေ့တိုင်း ပုံမှန်ဆောင်ရွက်ပေးနေသည့် နိုင်ငံကူးလက်မှတ် ရက်ချိန်း ထုတ်ပေးခြင်းအား ယခုလဧပြီ ၇ ရက်ထိ လုပ်ဆောင်ပေးမည်ဖြစ်ကြောင်း အဆိုပါထုတ်ပြန်ချက်တွင် ဖော်ပြထားသည်။ နိုင်ငံကူးလက်မှတ်ထုတ်ပေးရေး အခြားလုပ်ငန်းစဉ်များကို သင်္ကြန်ကာလရုံးပိတ်ရက် ကျော်လွန်မှသာ ထပ်မံအသိပေးကြေညာသွားမည်ဖြစ်ကြောင်း သိရသည်။

သင်္ကြန်ပွဲတော်ကာလအတွင်း လူငယ်များကိုဖြန့်ဖြူး‌ရောင်းချမည့် ငွေကျပ် ၃ ဒသမ ၂ ဘီလီယံတန်ဖိုးရှိ စိတ်ကြွ ရူးသွပ်ဆေးပြား ၃၂ သိန်းအား လှိုင်နှင့် မရမ်းကုန်းမြို့နယ်တို့တွင် ဖမ်းဆီးရမိ

မြန်မာ့ရိုးရာနှစ်သစ်ကူးမဟာသင်္ကြန်ပွဲတော်ကာလအတွင်း လူငယ်များကိုဖြန့်ဖြူး‌ရောင်းချမည့် ငွေကျပ် ၃ ဒသမ ၂ ဘီလီယံ တန်ဖိုးရှိ စိတ်ကြွရူးသွပ်ဆေးပြား ၃၂ သိန်းအား ရန်ကုန်တိုင်းဒေသကြီး၊ လှိုင်နှင့် မရမ်းကုန်းမြို့နယ်တို့တွင် ဖမ်းဆီးရမိခဲ့ကြောင်း ရဲတပ်ဖွဲ့ထံမှ သိရသည်။

သထုံမြို့ရှိ ခရိုင် လဝက အား လူသတ်အကြမ်း ဖက် pdf အဖွဲ့မှ မီးရှို့ဖျက်ဆီး

ဧပြီ ၃ ရက် ညနေ ၃ နာရီ ၄၀ မိနစ်ချိန်ခန့်တွင် မွန်ပြည်နယ်၊ သထုံမြို့၊ အောက်ကျင်းရပ်ကွက်၊ ရှမ်းစုအလယ်တန်းရှိ သထုံခရိုင် လဝက ရုံးသို့ လူသတ်အကြမ်းဖက် pdf ၄ ဦး မှ မှတ်ပုံတင်ပြုလုပ်ရန်ဟု ပြောပြီး ရုံးထဲသို့ ဝင်ရောက်ခဲ့ကြောင်း၊ ၎င်းနောက် ဝန်ထမ်းများအား လက်နက်ဖြင့်ချိန်ရွယ်၍ လက်ကိုင်ဖုန်းများအားသိမ်း ဆည်းကာ စာရွက်စာတမ်းများအား မီးရှို့ထွက်သွားခဲ့ကြောင်း သိရှိရပါသည်။

ချောင်းဆုံမြို့နယ်နှင့် ဆယ်မိုင်အကွာ သံလွင်မြစ်အတွင်း အထောက်အထားမဲ့ ဘင်္ဂါလီ ၁၂၈ ဦး တပ်မတော်ရေမှ ဖမ်းဆီးရမိ

 

ဧပြီ ၂ ရက် နံနက် ၁ နာရီအချိန်တွင် မွန်ပြည်နယ် ၊ ချောင်းဆုံမြို့နယ်နှင့် ဆယ်မိုင်အကွာ သံလွင်မြစ်အတွင်း အမည်မပါရှိသည့် မသင်္ကာစရာ  စက်လှေတစ်စီးအား တပ်မတော်ရေမှ  တက်ရောက်စစ်ဆေးရာ စက်လှေ ဝမ်းဗိုက်ထဲအတွင်း အထောက်အထားမဲ့ ဘင်္ဂါလီ ကျား ၁၀၂ ဦး၊ မ ၂၀ ဦး၊ ကလေး ကျား၁ ဦး၊ မ ၅ ဦး စုစုပေါင်း ၁၂၈ ဦး အား သယ်ဆောင်လာကြောင်း စစ်ဆေးဖမ်းဆီးရမိခဲ့သဖြင့် ခိုးဝင်ဘင်္ဂါလီများအား မော်လမြိုင်မြို့ သို့ပို့ဆောင် စစ်ဆေးလျက်ရှိကြောင်း သတင်းရရှိပါသည်။ #pan

Online ငွေလွှဲလုပ်ငန်းလုပ်ကိုင်သူက ငွေလာလွှဲသည့်အမျိုးသမီးအား သတ်ကာ ငွေကျပ်သိန်း ၂၀၀ နှင့် ဆိုင်ကယ်ကို ယူဆောင်ထွက်ပြေး

ဧပြီ ၂

မနေ့က မွန်းလွဲ ၁၂ နာရီ ၄၇ မီးနစ်အချိန်တွင် မန္တလေးတိုင်းဒေသကြီး၊ အောင်မြေသာစံမြို့နယ်၊ မေဃဂီရိရပ်ကွက်၊အကွက်(၁၄၆)၊ ၁၈×၁၉ လမ်း ကြား၊၈၀×၈၁လမ်းကြားရှိ ဒေါ်သူဇာလှိုင်၏နေ အိမ်တွင် အိမ်ငှားနေထိုင်ပြီး Online ငွေလဲလှယ်ခြင်းလုပ်ငန်းလုပ်ကိုင်သူ အောင်နိူင်ဝေ၊ ကုန်းတန်းရပ်၊ ပုသိမ်ကြီးမြို့နယ်နေသူထံသို့ Online ငွေလဲလှယ်မည့်သူ မေသဇင်ဦး၊၃၇နှစ်၊(ဘ)ဦးဝင်းမြင့်၊ဥပုသ်တော်ရပ် ကွက်၊အောင်မြေသာစံမြို့နယ်နေသူရောက်ရှိလာပြီး ငွေလဲလှယ်ဆောင်ရွက်စဥ် အောင်နိူင်ဝေမှ မေသဇင်ဦးအား ကြိုးဖြင့်တုပ်ကာ သတ်ဖြတ်ခဲ့သည့်အတွက် မေသဇင်ဦးတွင် လည်ပင်းပြတ်ရှဒဏ်ရာ၊ဝဲ-ပါးစောင်ပေါက်ပြဲ ဒဏ်ရာများဖြင့်သေဆုံးသွားခဲ့ကြောင်းနှင့် ၎င်းနောက် အောင်နိူင်ဝေမှ မေသဇင်ဦး၏ ငွေသိန်း ၂၀၀ကျပ်နှင့် မေသဇင်ဦးစီးနင်းလာသော Scoopy ဆိုင်ကယ်တို့အား ယူဆောင်ထွက် ပြေးသွားကြောင်း သတင်းရရှိပါသည်။

ဧပြီနှင့်မေလအတွင်း နေ့အပူချိန်များမြင့်တက်ပြီး အပူပျံတက်တိမ်များဖြစ်ထွန်းနိုင်

မြန်မာနိုင်ငံအရပ်ရပ်မှာနွေကာလဖြစ်တဲ့ ဧပြီလနဲ့မေလတွေအတွင်း နေ့အပူချိန်တွေတဖြည်းဖြည်း မြင့်တက်လာရာ ကနေ အပူပျံတက်တိမ်တွေဖြစ်ထွန်းပြီး မွန်းလွဲ/ညနေပိုင်းတို့မှာ မိုးတိမ်တောင်တွေဖြစ်ပေါ်နိုင်တယ်လို့ မိုးလေဝသနှင့်ဇလဗေဒညွှန်ကြားမှု ဦးစီးဌာနကထုတ်ပြန်ပါတယ်။

ဧပြီလ(၁)ရက်နေ့ကထုတ်ပြန်ထားတဲ့ နွေကာလမှာဖြစ်ပေါ်တတ်တဲ့ မိုးလေဝသဖြစ်စဉ်တွေနဲ့ပတ် သက်လို့ ကြိုတင်သတိပေးနှိုးဆော်ချက်ထုတ်ပြန်ရာမှာဖော်ပြပါရှိတာပါ။

အဲဒီမိုးတိမ်တောင်တွေရွေ့လျားရာ နေရာတစ်လျှောက်မှာ လေပြင်းတွေတိုက်ခတ်တာ၊ လေပြင်းနဲ့အတူ ထစ်ချုန်းတာ၊ မိုးကြိုး ပစ်တာ၊ လျှပ်စီးလက်တာ၊ မိုးသီးကြွေတာနဲ့ နေရာကွက်ကျား မိုးထစ်ချုန်းရွာတာစတဲ့

ကျောက်ကြီးမြို့နယ်အတွင်း KNLA အဖွဲ့မှ အကြမ်းဖက်မှုကို လိုလားသောအဖွဲ့က ထောင် ထားသည့် ဒေသန္တရကား မိုင်းအား နင်းမိပေါက်ကွဲပြီး အပြစ်မဲ့ ပြည်သူ ၁ ဦးသေ၊ ၄ ဦးဒဏ်ရာရရှိ

မတ်  ၃၀

ပဲခူးတိုင်းဒေသကြီး၊ ကျောက်ကြီးမြို့နယ်၊ နတ်သံကွင်း- ကျောက်ကြီးသွား ကားလမ်းပေါ်၌ KNLA အဖွဲ့မှ အကြမ်းဖက်မှုကို လိုလားသော အဖွဲ့က ထောင်ထားသည့် ဒေသန္တရာကားမိုင်းအား ယနေ့နံနက်ပိုင်းတွင် မော်တော်ယာဉ် တစ်စီးက နင်းမိပေါက်ကွဲခဲ့သဖြင့် အပြစ်မဲ့ပြည်သူ ၁ ဦးသေဆုံးပြီး ၄ ဦးဒဏ်ရာ ရရှိခဲ့ကြောင်း သိရှိရသည်။

ထိုင်းတွင် မြန်မာအပါ ခြောက်နိုင်ငံ ဗီဇာမလိုဘဲ နေထိုင်ခွင့် ၁၄ ရက်သို့လျှော့ချ

ထိုင်းနိုင်ငံသို့ လာရောက်မည့် မြန်မာနိုင်ငံသားများအတွက် ယခင်က ၄၅ ရက်အခမဲ့ဗီဇာရရှိခဲ့သော်လည်း ဧပြီ ၁ ရက်မှ စတင်ကာ ၁၄ ရက်သာရရှိတော့မည်ဖြစ်ကြောင်း ထိုင်းနိုင်ငံဆိုင်ရာ မြန်မာသံရုံးက သတင်းထုတ်ပြန်သည်။

၂၀၂၃ ခုနှစ် ဧပြီ ၁ ရက်မှစ၍ ယခင်အတိုင်း အခမဲ့ဗီဇာ (Visa Free) ဖြင့် ၁၄ ရက်သာ ခွင့်ပြုမည်ဖြစ်သောကြောင့် ရက်ရှည်နေထိုင်လိုသူများအနေဖြင့် ထိုင်းသံရုံး (ရန်ကုန်) ၌ ဗီဇာလျှောက်ထား၍ လာရမည်ဖြစ် ကြောင်း အသိပေးအပ်သည်ဟု ထိုင်းနိုင်ငံဆိုင်ရာ မြန်မာသံရုံးက သတင်းထုတ်ပြန်သည်။