မြန်မာအလုပ်သမား ၁၅၀ ဦးတောင်ကိုရီးယားနိုင်ငံသို့ ထပ်မံရောက်ရှိ

မြန်မာနိုင်ငံသား တရားဝင်အလုပ်သမား ၁၅၀ ဦးသည် တောင်ကိုရီးယားနိုင်ငံ၌ အလုပ်လုပ်ကိုင်ရန် ဇွန် ၂၈ ရက်တွင် ရန်ကုန်လေဆိပ်မှတဆင့် အင်ချွန်းလေဆိပ်သို့ ထွက်ခွာရောက်ရှိခဲ့ကြောင်း တောင်ကိုရီးယားနိုင်ငံဆိုင်ရာ မြန်မာသံရုံးမှ သိရသည်။ တောင်ကိုရီးယားနိုင်ငံသို့ ရောက်ရှိလာသည့် မြန်မာအလုပ်သမားများမှာ Re-entry လုပ် သားအဖြစ် ပြန်လည် ဝင်ရောက်လာသည့် ကုန်ထုတ်လုပ်သား ၁၃၃ ဦးနှင့်စိုက်ပျိုးရေးလုပ်သား ၁၇ ဦး(စုစုပေါင်း ၁၅၀ ဦး)ဖြစ်ကြောင်း သိရသည်။ ထိုသို့ ဝင်ရောက်လာသည့် မြန်မာနိုင်ငံသားများအား မြန်မာသံရုံး၊ဆိုးလ်မြို့မှ အလုပ်သမားသံအရာရှိကကြိုဆို၍ အလုပ်သမားများ သိရှိလိုက် နာသင့်သည့် အချက်များအားမှာကြားကာ လိုအပ်သည်များကူညီပံ့ပိုးပေးခဲ့သည်။ တောင်ကိုရီးယားနိုင်ငံအစိုးရသည် မြန်မာနိုင်ငံမှ တရားဝင်အလုပ်သမားများ အား ပြန်လည်လက်ခံလျက်ရှိသည်။

ဆိုင်ငံ့ငွေပေးချေမှုဖြင့် စက်သုံးဆီတင်သွင်းနိုင်ရေးစီစဉ်

ပြည်တွင်း စက်သုံးဆီ ဝယ်ယူတင်သွင်းရာမှာ ဆိုင်းငံ့ငွေပေးချေမှုစနစ်နဲ့ တင်သွင်းနိုင်ဖို့အတွက် ညှိနှိုင်းစီစဉ် နေတယ်လို့ မြန်မာနိုင်ငံ စက်သုံးဆီတင်သွင်းရောင်းချဖြန့်ဖြူးရေးအသင်း၊ အတွင်းရေးမှူး ဦးဝင်းမြင့်က ပြောပါတယ်။ ဆိုင်းငံ့စနစ်နဲ့ စက်သုံးဆီ တင်သွင်းနိုင်ဖို့အတွက် စီးပွားရေး နှင့် ကူးသန်းရောင်းဝယ်ရေး ဝန်ကြီးဌာန၊ စက်သုံးဆီ တင်သွင်း သိုလှောင် ဖြန့်ဖြူးခြင်းလုပ်ငန်း ကြီးကြပ်ရေးကော်မတီက အဆိုပြု ဖိတ်ခေါ်ထားတာ ဖြစ်တယ်လို့လည်း ဆိုပါတယ်။ လတ်တလောမှာတော့ စက်သုံးဆီ တင်သွင်းတဲ့ ကုမ္ပဏီတွေနဲ့ ညှိနှိုင်း စီစဉ်နေတုန်း ဖြစ်တယ်လို့ ဦးဝင်းမြင့်ကပြောပါတယ်။

Covid-19 ရောဂါ ဓာတ်ခွဲ အတည်ပြုလူနာသစ်(၉) ဦး တွေ့ရှိ

(၂၇-၆-၂၀၂၂) ရက်နေ့၊ ည (၈:၀၀) နာရီမှ (၂၈-၆-၂၀၂၂) ရက်နေ့၊ ည (၈:၀၀) နာရီအတွင်း ဓာတ်ခွဲနမူနာစုစုပေါင်း (၆,၁၁၅) ခုအား စစ်ဆေးပြီးစီးခဲ့ရာ COVID-19 ရောဂါ ဓာတ်ခွဲ အတည်ပြုလူနာသစ် (၉) ဦး တွေ့ရှိရပါသည်။ ထို့ကြောင့် ယနေ့အတွက် ရောဂါပိုးတွေ့ရှိမှု ရာခိုင်နှုန်းမှာ (၀.၁၅) ရာခိုင်နှုန်း ရှိပါသည်။

ဘတ်၊ ကျပ်နှင့်ယွမ်၊ ကျပ် သုံးစွဲရေး တိုးချဲ့ဆောင်ရွက်မည်

မြန်မာ-ထိုင်းနဲ့ မြန်မာ-တရုတ် နယ်စပ်ကုန်သွယ်ရေးတို့မှာ ဘတ်/ကျပ်တိုက်ရိုက်ပေးချေမှုစနစ် အသုံးပြုမှုနဲ့ ယွမ်/ကျပ်တိုက်ရိုက်ပေးချေမှုစနစ် အသုံးပြုမှုတွေကို တိုးချဲ့ဆောင်ရွက်သွားမှာဖြစ်တယ်လို့ သိရပါတယ်။ အဲဒီလို တိုးချဲ့အသုံးပြုနိုင်ဖို့အတွက် အစည်းအဝေးကို ဇွန် ၂၆ ရက်က နေပြည်တော်မှာ သက်ဆိုင်ရာဌာနတွေ၊ ပြည်တွင်း ဘဏ်တွေ၊ ထိုင်းနဲ့ တရုတ်ဘဏ်တွေက တာဝန်ရှိသူတွေ တက်ရောက်ခဲ့ပါတယ်။

ဗိုလ်လောင်းဝင်ခွင့်အတွက် အသက်တိုးမြှင့်ခေါ်ယူ

စစ်တက္ကသိုလ် သုံးခုအတွက် ဗိုလ်လောင်း ခေါ်ယူရာမှာ အရင်နှစ်ထက် အသက်တိုးမြှင့် ခေါ်ယူထားတယ်လို့ နိုင်ငံတော် စီမံအုပ်ချုပ်ရေး ကောင်စီ၊ သတင်းထုတ်ပြန်ရေး အဖွဲ့ခေါင်းဆောင် ဗိုလ်ချုပ် ဇော်မင်းထွန်းက ပြော ပါတယ်။

Covid-19 ရောဂါ ဓာတ်ခွဲ အတည်ပြုလူနာသစ်(၁၂) ဦး တွေ့ရှိ

(၂၆-၆-၂၀၂၂) ရက်နေ့၊ ည (၈:၀၀) နာရီမှ (၂၇-၆-၂၀၂၂) ရက်နေ့၊ ည (၈:၀၀) နာရီအတွင်း ဓာတ်ခွဲနမူနာစုစုပေါင်း (၄,၉၂၂) ခုအား စစ်ဆေးပြီးစီးခဲ့ရာ COVID-19 ရောဂါ ဓာတ်ခွဲ အတည်ပြုလူနာသစ် (၁၂) ဦး တွေ့ရှိရပါသည်။ ထို့ကြောင့် ယနေ့အတွက် ရောဂါပိုးတွေ့ရှိမှု ရာခိုင်နှုန်းမှာ (၀.၂၄) ရာခိုင်နှုန်း ရှိပါသည်။

Covid-19 ရောဂါ ဓာတ်ခွဲ အတည်ပြုလူနာသစ်(၃) ဦး တွေ့ရှိ

(၂၅-၆-၂၀၂၂) ရက်နေ့၊ ည (၈:၀၀) နာရီမှ (၂၆-၆-၂၀၂၂) ရက်နေ့၊ ည (၈:၀၀) နာရီအတွင်း ဓာတ်ခွဲနမူနာစုစုပေါင်း (၃,၆၁၀) ခုအား စစ်ဆေးပြီးစီးခဲ့ရာ COVID-19 ရောဂါ ဓာတ်ခွဲ အတည်ပြုလူနာသစ် (၃) ဦး တွေ့ရှိရပါသည်။ ထို့ကြောင့် ယနေ့အတွက် ရောဂါပိုးတွေ့ရှိမှု ရာခိုင်နှုန်းမှာ (၀.၀၈) ရာခိုင်နှုန်း ရှိပါသည်။

မြဝတီနယ်စပ်ကုန်သွယ်ဇုန်မှ ပြည်ပသို့ ပို့မည့် ပို့ကုန်များ ကန်ဒေါ်လာဖြင့်သာ ဈေးနှုန်းသတ်မှတ်ခွင့်ပြုတော့မည်

မြဝတီနယ်စပ်မှ တဆင့် ပြည်ပသို့ တင်ပို့သည့် ပို့ကုန်အားလုံးကို ဇူလိုင်လ (၁) ရက်မှ စတင်ကာ အမေရိကန်ဒေါ်လာဖြင့်သာ တန်ဖိုးသတ်မှတ် တင်ပို့ခွင့် ပြုတော့မည်ဖြစ်ကြောင်း ပို့ကုန်လုပ်ငန်းရှင် အချို့ထံမှ သိရသည်။ ယင်းသို့ တင်ပို့ပြီးပါကလည်း ပို့ကုန်ရငွေ ဝင်ရောက်ပြီးကြောင်း ဘဏ်စလစ်ပြနိုင်မှသာ နောက်တစ်ကြိမ် ထပ်မံတင်ပို့နိုင်မည် ဖြစ်ကြောင်းလည်း သိရသည်။

နယ်စပ်တောလမ်းများကိုဖြတ်ပြီး ထိုင်းနိုင်ငံအတွင်း ဝင်ရောက်သည့် မြန်မာနိုင်ငံသား ၆၇ ဦးနှင့် ကလေးငယ်သုံးဦး ဖမ်းဆီးခံရ

နယ်စပ်တောလမ်းများကို ဖြတ်ပြီး ထိုင်းနိုင်ငံအတွင်း ဝင်ရောက်လာသည့် မြန်မာနိုင်ငံသား ၆၇ ဦးနှင့် ကလေးငယ်သုံးဦး ဖမ်းဆီးခံရ ကြောင်း ထိုင်းနိုင်ငံမီဒီယာများတွင် ဖော်ပြထား ချက်အရ သိရသည်။