၂၀၂၃ ခုနှစ်အတွက် realme Myanmar မှ လူကြိုက်များသော realme ထုတ်ကုန်များစွာထဲမှ နံပါတ်စီးရီး တစ်ခုဖြစ်သည့် realme 10 ကို realme Brand Ambassador မှ ခေါ်ဆောင်လာပေးတော့မှာဖြစ်သည်။
ဖေဖော်ဝါရီလ ၂၃ ရက်နေ့တွင် realme ရဲ့ မိသားစုဝင်မှ ပရိသတ်အချစ်တွေကို တစ်ကျော့ပြန်သိမ်းယူဖို့ “RAM နှစ်ဆချိန်း၊ 256 နဲ့ သိမ်း” realme 10 နဲ့အတူ ရောက်ရှိလာပါမည်။
ကယ်လီဖိုးနီးယား ကုမ္ပဏီ Aptera က သူ့ရဲ့ နေရောင်ခြည် စွမ်းအင်သုံး လျှပ်စစ်ကားဟာ အားလုံးဝမသွင်းဘဲနဲ့ လပေါင်းများစွာ မောင်းနှင်နိုင်တယ်လို့ ပြောပါတယ်။ စတာလင်ပေါင် ၂၇,၀၀၀ သတ်မှတ်ထားပြီး လက်ရှိ ငွေလဲလှယ်နှုန်းအရ မြန်မာငွေ သိန်း ၇၀၀ လောက်ပဲ ရှိပါတယ်။
ဖေ့စ်ဘွတ်ခ်နှင့် အင်စတာဂရမ်တို့၏ မိခင်ကုမ္ပဏီဖြစ်သော မက်တာ ပိုင်ရှင် မာ့ခ်ဇူကာဘတ်က အဆိုပါအက်ပ်များကို အသုံးပြုသူများသည် သူတို့၏ အကောင့်များကို တရားဝင်မှန်ကန်ကြောင်း အတည်ပြုပေးမည့် အပြာရောင်အမှန်ခြစ် ဘလူးမာ့ခ်ကို လစဉ် အခကြေးငွေပေးသွင်းကာ ရယူနိုင်မည့် အစီအစဉ်ကို မကြာမီ စတင်မည်ဖြစ်ကြောင်း ဖေဖော်ဝါရီလ ၁၉ ရက် တနင်္ဂနွေနေ့တွင် ကြေညာခဲ့သည်။
NASA က အာကာသယာဉ်မှူးတွေကို ၄၅ ရက်ထဲနဲ့ အင်္ဂါဂြိုလ်ကို ပို့ဆောင်နိုင်တဲ့ နယူးကလီးယား စွမ်းအင်သုံး ဒုံးပျံ အင်ဂျင်ကို ဖန်တီးမယ့် စီမံကိန်းကို ကြေညာလိုက်ပါတယ်။
NASA က ပန်တဂွန်ရဲ့ Defense Advanced Research Projects Agency (DARPA) နဲ့ ပူးပေါင်းကာ အဲဒီ ဒုံးပျံကို တည်ဆောက်မှာ ဖြစ်ပြီး ၂၀၂၇ ခုနှစ်မှာ အောင်မြင်စွာ တီထွင် အသုံးပြုနိုင်မယ်လို့ ခန့်မှန်းထားပါတယ်။
Counterpoint Research က iPhone 14 Pro Max ရဲ့ ထုတ်လုပ်မှုကုန်ကျစားရိတ်ဟာ ၄၅၄ ဒေါ်လာပဲ ရှိတယ်လို့ ပြောပါတယ်။ iPhone 13 Pro Max ရဲ့ ထုတ်လုပ်မှုကုန်ကျစားရိတ်ထက် ၃.၄ ရာခိုင်နှုန်း ပိုများပါတယ်။
Meta က စီအီးအို Mark Zuckerberg နဲ့ မိသားစုရဲ့ လုံခြုံရေး အသုံးစားရိတ်ကို တိုးမြှင့်ပေးလိုက်ပြီး ဒေါ်လာ ၄ သန်း ကနေ ၁၄ သန်းအထိ တိုးပေးလိုက်တာပါ။ Meta က လိုအပ်တဲ့အတွက် အခုလို တိုးပေးလိုက်တာလို့ ပြောပါတယ်။
5G ကွန်ရက်တွေ ပေါ်ပေါက်လာပြီးနောက်မှာ နောက်မျိုးဆက် 6G နည်းပညာကို စတင် ဖန်တီးနေကြပါပြီ။ လက်ရှိမှာ 5G ကွန်ရက်ကို နိုင်ငံတိုင်းမှာ အသုံးမပြုနိုင်သေးပေမယ့် 6G ကို စတင် သုတေသန ပြုလုပ်နေကြပါပြီ။ 5G လိုပဲ 6G နည်းပညာမှာ တရုတ်က ဦးဆောင်နေပါတယ်။ မတ်လ ၂၂ ရက်ကနေ ၂၄ ရက်အထိ 2023 Global 6G Technology Conference ကို တရုတ်က နန်ဂျင်းမှာ ကျင်းပမှာပါ။ အဲဒီပွဲရဲ့ Theme က “ 6G Integrating the World and Creating the Future Together” ဖြစ်ပါတယ်။
အိန္ဒိယက နည်းပညာဆိုင်ရာ ကျွမ်းကျင်သူ တစ်ယောက် ရေးသားထားတဲ့ ဖုန်းအားသွင်းရာမှာ ရှောင်ကြဉ်သင့်တဲ့ နည်း ၃ မျိုးကို ဖော်ပြလိုက်ပါတယ်။ နံပါတ် တစ်ကတော့ ဖုန်းကာဗာများနဲ့ အားသွင်းတာကို ရှောင်ကြဉ်ရပါမယ်။ အရည်အသွေးညံ့ဖျင်းပြီး ဒီဇိုင်းဆိုးရွားတဲ့ ကာဗာတွေက ဖုန်းဘက်ထရီကို ပိုပြီး ပူစေသလိုအားသွင်းတဲ့ အရာတွေကိုလည်း တဖြည်းဖြည်း ပျက်စီးစေပါတယ်။ နံပါတ် နှစ်ကတော့ နေ့စဉ်တိုင်း fast charger ကို သုံးတာ ရှောင်ရပါမယ်။ ဘက်ထရီရဲ့ စွမ်းဆောင်နိုင်စွမ်းကို တဖြည်းဖြည်း ကျဆင်းနိုင်စေလို့ပါ။ နံပါတ် သုံးကတော့ ဖုန်းဘက်ထရီကို ၅ ရာခိုင်နှုန်းအောက် သုံးပြီးမှ အားသွင်းတာကို ရှောင်ရပါမယ်။ ဖုန်းကို အမြဲတမ်း ၅ရာခိုင်နှုန်းပဲကျန်အောင် သုံးပြီး မှအားသွင်းမယ်ဆိုရင် ဘက်ထရီကို ပိုပြီး ဖိအားပေးရာရောက်ပါမယ်။
အကြမ်းခံ ဖုန်းတွေ ထုတ်လုပ်နေတဲ့ Doogee က 22,000mAh ဘက်ထရီပါတဲ့ Doogee V Max ကို ကြေညာတော့မှာပါ။ အဲဒီဖုန်းကို အားအပြည့်သွင်းထားပြီး Standby ထားရင် နာရီပေါင်း ၂,၃၀၀ အသုံးခံပါတယ်။ ဂိမ်း ကစားရင် ၂၅ နာရီ၊ ဗီဒီယို ကြည့်ရင် ၃၅ နာရီ၊ သီချင်းနားထောင်ရင် ၈၀ နာရီနဲ့ ဖုန်းပြောရင် ၁၀၉ နာရီ အသုံးခံပါတယ်။
