ဘရိုက်တန်နောက်ခံလူ ကူကူရယ်လာကို ပေါင်သန်း(၆၀)ကျော်နဲ့ ချဲလ်ဆီး ခေါ်ယူ

ချဲလ်ဆီးအသင်းဟာ ဘရိုက်တန်အသင်းက စပိန်နောက်ခံလူ ကူကူရယ်လာကို ပေါင်သန်း(၆၀)နဲ့ ခေါ်ယူခဲ့ပါတယ်။ အသက်(၂၄)နှစ်အရွယ်ဘယ်နောက်ခံလူဟာ ချဲလ်ဆီးနဲ့(၆)နှစ်စာချုပ်ချုပ်ဆိုလိုက်ပါတယ်။ ကူကူရယ်လာက “ကျွန်တော့်တကယ့်ကို ပျော်ရွှင်ပါတယ်။ ကမ္ဘာ့အကောင်းဆုံးအသင်းတွေထဲက တစ်သင်းကို ပြောင်းရွှေ့ခွင ့်ရခဲ့တာက ကျွန်တော့်အတွက် ကြီးမားတဲ့အခွင့်အရေးပါပဲ။ အသင်းကို ကူညီဖို့နဲ့ ဒီမှာပျော်ရွှင်ဖို့အတွက် ကျွန်တော် ကြိုးစားသွားပါမယ်”လို့ ပြောကြားခဲ့ပါတယ်။ ကူကူရယ်လာရဲ့ပြောင်းရွှေ့ကြေးဟာ ဘရိုက်တန်အတွက်ကစားသမား ရောင်းချတာကနေ စံချိန်တင်ကြေးရရှိခဲ့တာဖြစ်ပြီး ပြီးခဲ့တဲ့နွေရာသီက အာဆင်နယ်ကို ပေါင်သန်း(၅၀)နဲ့ ရောင်းချခဲ့တဲ့ ဘန်ဝှိုက်ပြောင်းရွှေ့ကြေးကို ကျော်ဖြတ်ခဲ့ပါတယ်။ ဘရိုက်တန်ဟာ ပြီးခဲ့တဲ့လက ကူကူရယ်လာ အတွက် မန်စီးတီးအသင်းရဲ့ပေါင်သန်း(၃၀)နဲ့ကမ်းလှမ်းမှုကို ပယ်ချခဲ့ပါတယ်။