ဆန္ဒပြပွဲတွေကိုင်တွယ်ပုံပျော့ညံ့ကြောင်း ပြည်နယ်အုပ်ချုပ်ရေးမှူးတွေကို သမ္မတ Trump ဝေဖန်
အမေရိကန် ပြည်ထောင်စု မင်နီဆိုးတား ပြည်နယ်Minneapolis မြို့မှာ လူဖြူရဲတပ်ဖွဲ့ဝင် တဦးကြောင့် လူမည်း အမျိုးသား တဦး သေဆုံးခဲ့ရပြီးနောက် နိုင်ငံတ၀န်း ဒါဇင်နဲ့ချီတဲ့ မြို့တွေမှာ ၆ ည ဆက်တိုက် ပရမ်းပတာ ဆန္ဒပြပွဲတွေ ဖြစ်နေတာမှာ ဆန္ဒပြသူတွေကို ဖမ်းဆီး ဖြိုခွဲဖို့ သမ္မတ Donald Trump က တောင်းဆိုလိုက်ပြီး ပြည်နယ်အုပ်ချုပ်ရေးမှူးတွေဟာ ပျော့ညံ့တယ်လို့လည်း တနလာင်္နေ့မှာ ပြင်းပြင်းထန်ထန် ဝေဖန်လိုက်ပါတယ်။
တနင်္ဂနွေနေ့ ညက ဆန္ဒပြပွဲတွေက ငြိမ်းချမ်းစွာ စတင်ခဲ့ပေမယ့်လည်း နောက်ပိုင်းမှာတော့ ရဲတွေ၊ တခြား အာဏာပိုင်တွေနဲ့ ဆန္ဒပြသူတွေကြား ရုန်းရင်းဆန်ခတ် ဖြစ်ခဲ့ပြီးနောက်မှာတော့ ဆန္ဒပြသူတွေကို ပိုပြီး တင်းတင်းကြပ်ကြပ် ကိုင်တွယ်ရမယ်လို့ အမေရိကန် သမ္မတက ပြည်နယ် အုပ်ချုပ်ရေးမှူးတွေကို ဗွီဒီယိုရုပ်သံနဲ့ လုပ်တဲ့ ဆွေးနွေးပွဲမှာ ပြောဆိုခဲ့တာ ဖြစ်ပါတယ်။
ပြည်နယ်အုပ်ချုပ်ရေးမှူး အများစုဟာ ပျော့ညံ့ကြောင်း၊ လူတွေကို ဖမ်း၊ စုံစမ်းဖော်ထုတ်ပြီး ထောင် ၁၀နှစ် ချလိုက်ရင် ဒါမျိုး နောက်ထပ် မတွေ့ရတော့ဘူးလို့ သမ္မတက ပြောဆိုခဲ့ပါတယ်။ ၀ါရှင်တန် ဒီစီက သမ္မတအိမ်ဖြူတော်ရှေ့ လမ်းမှာလည်း ဆန္ဒပြပွဲ ဖြစ်ခဲ့ပါတယ်။
အမေရိကန် မြို့ကြီး တချို့မှာ ရဲတပ်ဖွဲ့က မျက်ရည်ယိုဗုံးတွေ၊ ရာဘာကျည်ဆံတွေနဲ့ ဆန္ဒပြသူတွေကို ဖြိုခွဲခဲ့သလိုဘဲ တချို့ ဆန္ဒပြသူတွေကလည်း ရဲကားတွေကို မီးရှို့၊ ဈေးဆိုင်တွေကို ဖောက်ထွင်း လုယက်ခဲ့ကြပါတယ်။
-Ref:VOA
