လူငယ်နှင့်နိုင်ငံရေး
အခြားလိုအပ်ချက်များမှာ စိတ်ရှည်သည်းခံ နိုင်စွမ်းရှိမှု၊ ဇွဲလုံ့လရှိမှု၊ အပင်ပန်း အဆင်းရဲ ခံနိုင်မှု၊ အဝေဖန်ခံနိုင်မှု၊ မိမိယုံကြည်ချက်ကို မကြောက်မရွံ့ ထုတ်ဖော်ပြောဆိုရဲမှု၊ မိမိယုံကြည် ရာနိုင်ငံရေးလုပ်ငန်းများကို မကြောက်မရွံ့ ဆောင် ရွက်ရဲသော သတ္တိရှိမှုများပင်ဖြစ်သည်။ ထို့ပြင် နိုင်ငံရေးသမားကောင်းတစ်ယောက်သည် မည် သည့်အချိန်အခါ၊ အခြေအနေမျိုးတွင်မှ မာန်မာန ထောင်လွှားခြင်း၊ အောက်ခြေလွတ် ဘဝင်မြင့် ခြင်းမျိုး မဖြစ်သင့်ပေ။ နိုင်ငံရေးသမားကောင်း တစ်ဦးသည် အမြဲတစေ အောက်ခြေလူထုနှင့် ထိတွေ့မှုရှိနေရမည်ဖြစ်ပြီး မရှိမဖြစ်လိုအပ်ချက်မှာ ကိုယ့်ကိုယ်ကိုယ်ဝေဖန်ရေး (Self Critism) ရှိရေး ပင်ဖြစ်သည်။ ထို့အပြင် လုပ်ဖော်ကိုင်ဖက်၊ ရဲဘော်ရဲဘက်များ၏ လုပ်ရပ်မှားယွင်းနေပါက ထောက်ပြဝေဖန်၊ ထိန်းကျောင်းတည့်မတ်ပေးရ မည်ဖြစ်သည်။ ထိုသို့ ဆောင်ရွက်ရာတွင် အကွက် ရတုန်းဆော်လိုက်မည်၊ နှက်လိုက်မည်၊ အပြတ် နှိပ်ကွပ်လိုက်မည်ဆိုသော စိတ်ဓာတ်မျိုးနှင့် မဟုတ်ဘဲ ရဲဘော်ရဲဘက် စိတ်အပြည့်ဖြင့် ဖေးကူ တည့်မတ်ခြင်းမျိုးကိုသာ လုပ်ရမည်ဖြစ်သည်။ နိုင်ငံရေးသမားကောင်းတစ်ဦး၏ အခြားအရေး ကြီးအရည်အချင်းတစ်ခုမှာ နိုင်ငံရေးအတွေ့အကြုံ နှင့် ဗဟုသုတပြည့်ဝရေးပင်ဖြစ်သည်။ နိုင်ငံရေး အကျပ်အတည်းတစ်ခုခုနှင့်ကြုံတွေ့ရပါက မှန် ကန်သော ခေါင်းဆောင်မှုမပေးနိုင်ဘဲ တွေဝေ ခြင်း၊ ဆုံးဖြတ်ချက်မှားခြင်း၊ မျက်ကလူးဆန်ပျာ ဖြစ်ခြင်း၊ ခြေမကိုင်မိလက်မကိုင်မိဖြစ်ကာ သွေး ပျက်ခြင်းမျိုးမဖြစ်ရအောင် နိုင်ငံရေးအတွေ့ အကြုံနှင့်ဗဟုသုတမှာ အရေးကြီးလှသည်။ ထိုသို့ ကြုံလာပါက ပြဿနာ၏ ဇာစ်မြစ်ကိုရှာဖွေပြီး ပြေလည်အောင် ဖြေရှင်းသွားရမည်ဖြစ်သလို ရေ တိုနိုင်ငံရေးအကျိုးစီးပွားကို ဦးစားမပေးဘဲ ရေရှည်နိုင်ငံရေးအကျိုးစီးပွားကိုသာကြည့်ပြီး စွန့် လွှတ် အနစ်နာခံဖြေရှင်းသွားဖို့လိုသည်။ နိုင်ငံရေး သမားကောင်းတစ်ယောက်အတွက် မရှိမဖြစ် လိုအပ်သော နောက်ထပ်အရည်အသွေးတစ်ခုမှာ နိုင်ငံရေးပဉ္စသီလကို ခါးဝတ်ပုဆိုးကဲ့သို့ မြဲမြံရေး ပင်ဖြစ်သည်။ နိုင်ငံရေးပြိုင်ဘက်နှင့် ပြည်သူကို သတ်ဖြတ်ခြင်းမှ ရှောင်ကြဉ်ဖို့၊ နိုင်ငံပိုင်ငွေကြေး ကို အလွဲသုံးစားပြုခြင်း၊ ငွေကြေးအရ ကိုယ်ကျိုး ရှာမှုကိုရှောင်ကြဉ်ဖို့၊ နိုင်ငံရေးမမှန်မကန်လုပ်မှုကို ရှောင်ကြဉ်ဖို့၊ ပြည်သူကိုလိမ်ညာခြင်း၊ မမှန်မကန် ပြောဆိုခြင်းမှ ရှောင်ကြဉ်ဖို့၊ နိုင်ငံရေးတည်ငြိမ်မှု ပျက်ပြားစေခြင်းမှ ရှောင်ကြဉ်ဖို့တို့ ဖြစ်သည်။ နိုင်ငံတစ်နိုင်ငံတွင် နိုင်ငံရေးအခြေအနေကောင်းမှ သာ တိုင်းပြည်ဖွံ့ဖြိုးတိုးတက်ပြီး ပြည်သူတို့၏ ဘဝ သာယာဝပြောမည်ဖြစ်ရာ လူငယ်များအနေ ဖြင့် နိုင်ငံရေးသမားကောင်းဖြစ်ရန် ကြိုးပမ်းသင့် လှပေသည်။
လူငယ်များလုပ်သင့်သည့်နိုင်ငံရေး
——————————————
အချုပ်အားဖြင့်ဆိုရလျှင် လူငယ်များ နိုင်ငံရေးလုပ်သည်ကို အားပေးရမည်ဖြစ် သည်။ နိုင်ငံရေးသည် ရက်စက်ယုတ်မာ ကောက်ကျစ်သည့်လုပ်ငန်းမဟုတ်။ ဖြူစင် သန့်ရှင်းမွန်မြတ်ပြီး မိမိနိုင်ငံကို ဖွံ့ဖြိုးတိုး တက်အောင်၊ ပြည်သူများ စားဝတ်နေရေး ဖူလုံပြည့်စုံအောင်ဖန်တီးပေးနိုင်သည့် လုပ် ငန်းတစ်ရပ်ပင်ဖြစ်ပေသည်။ နိုင်ငံနှင့်ချီ၍ မလုပ်နိုင်လျှင်တောင် ရပ်ကွက်အတွင်း ပရဟိတအသင်းထူထောင်ခြင်းသည်လည်း နိုင်ငံရေးပင်ဖြစ်သည်။ ရေပြတ်လပ်နေ သောနေရာများသို့ စက်ရေတွင်းများတူး ပေးနိုင်ရေး အလှူခံပေးခြင်းသည်လည်း နိုင်ငံရေးပင်ဖြစ်သည်။ ကျောင်းမတက်နိုင် သော ကလေးငယ်များကို ထောက်ပံ့ပေး ခြင်းသည်လည်း နိုင်ငံရေးပင်ဖြစ်သည်။သို့ဖြစ်ရာ လူငယ်များ နိုင်ငံရေးလုပ်သည် ကို ကြိုဆိုရမည်သာဖြစ်သည်။ သို့သော် တစ်စု၊ တစ်ဖွဲ့၏လက်ကိုင်တုတ်အဖြစ်လုပ် ရသည့်နိုင်ငံရေးမျိုးကိုတော့ သတိကြီးစွာ ထား၍ ရှောင်ရှားရမည်ဖြစ်သည်။ အထူး သဖြင့် ထိုတစ်စု၊တစ်ဖွဲ့သည် အဓမ္မတရား ကိုလက်ကိုင်ထားသော တစ်စုတစ်ဖွဲ့၊ သို့ မဟုတ် အာဏာငမ်းငမ်းတက်လိုချင်နေ သော တစ်စုတစ်ဖွဲ့ဖြစ်နေလျှင် ပို၍ဆိုးပေ မည်။ လူငယ်များအနေဖြင့် တရားမျှတ သော လမ်းကြောင်းပေါ်မှနေ၍ ကိုယ်ကျိုး မဖက်၊ နိုင်ငံနှင့်လူမျိုးအတွက် အသက်ပေး ၍ဆောင်ရွက်သွားမည့် တစ်စုတစ်ဖွဲ့မျိုး တွင်သာ ပါဝင်လျှောက်လှမ်းသွားကြဖို့ တိုက်တွန်းလိုပါသည်။ ထို့ကြောင့် လူငယ် များ နိုင်ငံရေးလုပ်သည်ကို ကြိုဆိုရမည်။ အားပေးရမည်။ သို့သော် ပြည်သူ့အကျိုး ပြု၊ နိုင်ငံအကျိုးပြုနိုင်ငံရေးမျိုးဖြစ်ဖို့ လို အပ်ပါကြောင်း ရေးသားလိုက်ရပါသည်။
မှီငြမ်း ဗိုလ်ရဲထွဋ်(ရဲဘော်သုံးကျိပ်)၏ အမျိုးသားခေါင်းဆောင်ကြီး ဗိုလ်ချုပ်အောင်ဆန်း
The Union Daily မှ ကောက်နုတ်ဖော်ပြပါသည်။
