ဒီမိုကရေစီ အစိုးရအစစ်
ရွေးချယ်ခံတို့သည် ယုံကြည်ထိုက်သူဖြစ်အောင်ရိုးသားရပါမည်။ ရွေးချယ်ခံတို့သည် အားကိုးထိုက် သူဖြစ်အောင် ကြိုးစားရပါမည်။ ရွေးချယ်ခံတို့သည် လေးစား ထိုက်သူဖြစ်အောင် စင်ကြယ်ရပါမည်။ ခေါင်းဆောင်မှုဆိုသည်မှာ အင်အားသုံးခြင်းမဟုတ်ဘဲ အများပြည်သူကို ဆွဲဆောင်စည်းရုံး၍ လိုက်ပါလုပ်ဆောင်စေခြင်း သာဖြစ်သည်ဟု သီအိုရီ ကဆိုပါသည်။
အနိုင်ရပါတီအစိုးရသည် ပြည်သူ့ကိုယ်စားဖြစ်ရပါမည်။ ပြည်သူ့ဝန်ထမ်းတစ်မျိုးလည်း မည်ပါသည်။ အစိုးရသည် ပြည်သူကိုလေးစားသင့်သည်။ ပြည်သူများ၏ ယေဘုယျသဘောမှာ လုံခြုံမှုနှင့် စားဝတ်နေမှုပြေလည်မှုကို ရယူလို ကြသည်။ ၎င်းအချက်ကို ပထမဦးစားပေး ဖြေရှင်းသင့်သည်။ အစိုးရအဖွဲ့ဟူသည် စွမ်းရည်ထူး ပိုင်ဆိုင်ထားသူများသာ ဖြစ်သင့်ရာ တိုးတက်ဖွံ့ဖြိုးမှုကို ချက်ချင်းဆောင်ရွက်နိုင်သင့်သည်။
အစိုးရအဖွဲ့သည် ခိုင်မာတောင့်တင်းသင့်သည်။ ပညာအခြေပြုလူတော်လူကောင်းများ၊ မြော်မြင်နိုင်သူများ၊ ရလဒ် ကောင်းဖော်ဆောင်ပေးနိုင်သူများဖြင့် ဖွဲ့စည်းထားခြင်းဖြစ်ရမည်။ စေတနာကောင်းသော်လည်း စွမ်းရည်ချို့တဲ့နေလျှင် ရည်မှန်းချက် ပေါက်မြောက်မည်မဟုတ်ချေ။ အစိုးရအဖွဲ့ဝင်များကို နိုင်ငံတကာစံနှုန်းဖြင့် သတ်မှတ်လေ့ရှိသည်။ စံနှုန်းပြည့်ဝသူများသာ ကောင်းကျိုးဆန္ဒကို ဖြည့်ဆည်း နိုင်ကြမည်ဖြစ်ပါသည်။ နိုင်ငံတကာနှင့် စီးပွားရေးကို ကောင်းစွာ စေငုနိုင်သော တောင့်တင်းသည့် ပညာရှင်အဖွဲ့ (Think Tank) ထားရှိရန်လည်းလိုသည်။
ဗိုလ်ချုပ်အောင်ဆန်းကိုယ်တိုင်ကတော့ ”ဒီမိုကရေစီတိုင်း ဒီမိုကရေစီတာ မဟုတ်ဘူး။ ဒီမိုကရေစီ ခေတ်စားလာတဲ့ အခါမို့ ရောယောင်ပြီး သံဖမ်းပြောကြတာတွေလည်း အများကြီးပဲ။ ဒါဖြင့် ဒီမိုကရေစီဆိုတာဘာလဲ။ လူလူချင်း၊ လူတန်းစားအချင်းချင်း၊ လူမျိုးအချင်းချင်း အစရှိသည်အားဖြင့် အခွင့်အရေး တန်းတူကျပ်ပြည့် မရှိသမျှကာလပတ်လုံး ဒီမိုကရေစီကျပ်ပြည့်တင်းပြည့် မဟုတ်သေးဘူး။ တကယ့်ဒီမိုကရေစီဆိုတာ နိုင်ငံရေးသဘောတရားအရ ပြည်သူ တွေရဲ့ အကျိုးအတွက် ပြည်သူတွေက တင်မြှောက်တဲ့ ပြည်သူတွေရဲ့အစိုးရဖြစ်ရုံနဲ့ မဖြစ်သေးဘူး။ အဲဒီအစိုးရဟာ ပြည်သူတွေရဲ့ လက်ငင်း စီးပွားရေးအဆင့်အတန်းကို အခွင့်အရေးတန်းတူရနိုင်တဲ့အခြေအထိ မြှင့်တင်နိုင်အောင် ဆောင်ရွက်ပေးမှ တကယ့်ဒီမိုကရေစီအထိ တက်လှမ်းနိုင်မယ်” ဟု မိန့်ကြားဖူးသည်။ ၁၉၄၅ ခုနှစ် သြဂုတ်လ နိုင်ငံရေးအစည်းအဝေးတစ်ခုတွင် အကျယ်တဝင့် ပြောကြားခဲ့ခြင်းဖြစ်ပါသည်။
ဗိုလ်ချုပ်အောင်ဆန်း မှာကြားမြွက်ကြားသွားသည့်အတိုင်း အားလုံးအခွင့်အရေး တန်းတူကျပ်ပြည့် တင်းပြည့်ရရှိရန် နိုင်ငံတော်အစိုးရနှင့်ပြည်သူတို့ အတူလက်တွဲ ကြိုးပမ်းကြဖို့လိုပါသည်။ သို့မှသာ ဒီမိုကရေစီအစိုးရအစစ်၊ ဒီမိုကရေစီ နိုင်ငံအစစ်၊ ဒီမိုကရက်တစ်ပြည်သူအစစ်၊ ဒီမိုကရေစီ ယဉ်ကျေးမှုအစစ်ကို ကျွန်ုပ်မြင်တွေ့ရရှိခံစား နှလုံးသားများလှပ၊ ဘဝများလှပလာလိမ့်မည်ဟု မမှိတ်မသုန်ယုံကြည်လျက်ရှိပါကြောင်း ရေးသားလိုက်ရပါသည်။
၂၀၁၆ ခုနှစ်၊ မေလ (၁၉) ရက်နေ့ထုတ် ပြည်ထောင်စုနေ့စဉ် အယ်ဒီတာ့အာဘော်မှ ကောက်နှုတ် ဖော်ပြပါသည်။
