ကြမ်းခင်းဈေး ယူရို (၈)သန်း (၈)သိန်းကျော် ကျောက်စိမ်းတွဲပါဝင်ပြသမည့် ကျောက်မျက်ပြပွဲဖွင့်လှစ်
နေပြည်တော်ရှိ မဏိရတနာကျောက်မျက်ခန်းမ၌ နိုဝင်ဘာ(၂၀)ရက်မှ စတင်ဖွင့်လှစ်လိုက်သည့် ၂၀၁၆ ခုနှစ် နှစ်လယ် မြန်မာ့ကျောက်မျက်ရတနာပြပွဲတွင် အမြင့်ဆုံးကြမ်းခင်းဈေး ယူရို (၈)သန်း (၈)သိန်းကျော် ကျောက်စိမ်း တွဲအပါအဝင် ကျောက်မျက်အတွဲပေါင်း (၄၃၉) တွဲနှင့် ကျောက်စိမ်းအတွဲပေါင်း (၅၉၈၈) တွဲကို ရောင်းချ သွားမည်ဟု သိရသည်။
အဆိုပါ ကျောက်မျက်ရတနာပြပွဲကို နိုဝင်ဘာ(၂၀)ရက်မှ (၂၉)ရက် အထိ ပြသသွားမှာဖြစ်ပြီး နိုင်ငံတော်နှင့် အကျိုးတူကုမ္ပဏီ (၁၇)ခုမှ တင်ပြသည့် ကျောက်မျက်ရတနာ (၈၉) တွဲ၊ ပုဂ္ဂလိကကုမ္ပဏီ (၃၆) ခုမှ တင်ပြသည့် ကျောက်မျက်အတွဲပေါင်း (၃၁၅)တွဲ၊ ရတနာဆိုင်နှင့် ပုဂ္ဂလိကကုမ္ပဏီ(၅)ခုမှ ကျောက်မျက် လက်ဝတ်ရတနာ အတွဲပေါင်း (၃၅)တွဲတို့ကို နိုဝင်ဘာ (၂၀) ရက်မှ (၂၁) ရက်အထိ ခင်းကျင်းပြသသွားမှာဖြစ်ပါတယ်။ နိုဝင်ဘာ(၂၂) ရက်တွင် ကျောက်မျက်အတွဲ ပေါင်း(၃၀၇)တွဲကို အိတ်ဖွင့်တင်ဒါစနစ်ဖြင့် လည်းကောင်း၊ ကျန် ကျောက်မျက်အတွဲ (၁၃၂)တွဲကို ဈေးပြိုင်စနစ်ဖြင့် လည်းကောင်း၊ စုစုစုပေါင်း ကျောက်မျက်အတွဲပေါင်း (၄၃၉) တွဲတို့ကို ရောင်းချသွားမည်ဖြစ်ကြောင်း သိရသည်။
ယခုကဲ့သို့ ကျောက်မျက်ရတနာတူးဖေါ်လိုက်သည့်အတွက် ယိုယွင်းပျက်စီးသွားသည့် ရတနာမြေ၏ သဘာဝ ပတ်ဝန်းကျင်များကို ပြန်လည်ပြုပြင်ရန်အတွက် လုံးခင်းနှင့် ဖားကန့်ဒေသများတွင် သဘာဝပတ်ဝန်းကျင် စီမံ ခန့်ခွဲမှုအစီအစဉ် (Environmenal Management Plan) ရေးဆွဲနေကြောင်း လုပ်ကွက်ချထားရေးဌာန ဌာနမှူး ဦးသက်ခိုင်က ပြောသည်။
ကျောက်ကုန်သည်များအတွက် ယခင်နှစ်များက သတ်မှတ်ထားသည့် စည်းကမ်းချက်များအတိုင်း ထားရှိမည် ဖြစ်ကြောင်း မြန်မာနိုင်ငံ ကျောက်မျက်လုပ်ငန်းရှင်များအသင်းချုပ် အတွင်းရေးမှူး(၂) ဦးထွန်းလှအောင်က ဆိုသည်။
ပြည်တွင်းရတနာကုန်သည်များနှင့် နိုင်ငံပေါင်း (၂၁) နိုင်ငံက ပြည်ပရတနာကုန်သည် (၄၈၃၆) ဦးကိုလည်း ဖိတ်ကြားထားကြောင်း သိရသည်။
ယခုကဲ့သို့ ပြပွဲကျင်းပခြင်းနှင့် ကုန်သည်များဖိတ်ကြားရာတွင် ပြည်ပနိုင်ငံများ၌ ကျောက်မျက်ပြပွဲကျင်းပသည့် ရက်များကို ရှောင်၍လုပ်ဆောင်ရခြင်းဖြစ်ကြောင်း ဦးထွန်လှအောင် ကပြောပါတယ်။
မြန်မာနိုင်ငံတွင် ကျောက်မျက်ပြပွဲများကို (၁၉၆၄) ခုနှစ်ကတည်းက ကျင်းပခဲ့ရာ အခုကျင်းပတဲ့ ကျောက်မျက် ပြပွဲမှာ (၉၀)ပွဲ မြောက်ဖြစ်သည်ဟူ သိရသည်။
Central News Bureau
