ဗိဿနိုးမြို့ဟောင်းတွင် သဘာဝဘေးအန္တရာယ် ကြိုတင်ကာကွယ်ရန် ဆောင်ရွက်
ကမ္ဘာ့ယဉ်ကျေးမှု အမွေအနှစ်စာရင်းဝင် ဗိဿနိုးမြို့ဟောင်းအတွင်း ယခုနှစ်နှင့် လာမည့်နှစ်အတွက် စီမံကိန်း သုံးခုရေးဆွဲကာ ယူနက်စကိုသို့ တင်ပြရန်ရှိပြီး လက်ရှိတွင် သဘာဝဘေးအန္တရာယ်ဆိုင်ရာ ကြိုတင်ကာကွယ်မှု များဆောင်ရွက်နေကြောင်း ရှေးဟောင်းသုတေသနဦးစီးဌာနမှ သတင်းရရှိသည်။
‘‘ဒီနှစ်ကစပြီး ဗိဿနိုးဒေသအတွင်းမှာ စီမံချက်သုံးခုချပြီး လုပ်သွားဖို့ရှိတယ်။ ဒါကို ၂၀၁၇ နှစ်ကုန်မှာ ယူနက်စကို ကိုတင်ပြမှာဖြစ်ပါတယ်။ အခုကတော့ ဒီမှာရှိတဲ့ ရှေးဟောင်းအုတ်ကုန်းတွေ၊ ကုန်းဘောင်ခေတ်နှောင်းပိုင်းက ဘုရားတွေ သဘာဝဘေးအန္တရာယ်ကျရောက်မှု မရှိစေရေး ကြိုတင်ပြင်ဆင်မှုတွေ လုပ်နေပါတယ်’’ ဟု ဗိဿနိုး မြို့ဟောင်း ရှေးဟောင်းသုတေသနဌာနနှင့် အမျိုးသားပြတိုက်ဦးစီးဌာန လက်ထောက်ညွှန်ကြားရေးမှူး ဦးနိုင်ဝင်း ကပြောကြားသည်။
ဗိဿနိုးမြို့ဟောင်း သဘာဝဘေးအန္တရာယ် ကာကွယ်စီမံချက်များ၊ ခရီးသွားများအတွက် ခရီးသွားလာရေးဆိုင်ရာ လုံခြုံရေးစီမံချက်များနှင့် ယူနက်စကိုစာရင်းဝင် မြို့ဟောင်းဇုန်များတွင် ဒေသခံလူထု ဖွံ့ဖြိုးမှုစီမံချက်စသည့် စီမံချက်များကို ၂၀၁၇ တွင် ယူနက်စကိုသို့ တင်ပြမည်ဖြစ်ပြီး ခွင့်ပြုချက်ရရှိပါက စတင်လုပ်ဆောင်မည် ဖြစ်ကြောင်း လက်ထောက်ညွှန်ကြားရေးမှူးက ဆိုသည်။
ပြီးခဲ့သည့်ရက်ပိုင်းက လှုပ်ခတ်သည့် ငလျင်ကြောင့် ဗိဿနိုးဒေသအပါအ၀င် ယူနက်စကို စာရင်းဝင် ရှေးဟောင်း ဒေသများရှိ ရှေးဟောင်းအဆောက်အအုံများ ထိခိုက်မှုတစ်စုံတစ်ရာမရှိခဲ့ကြောင်း ၎င်းကပြောသည်။
လက်ရှိတွင် ဗိဿနိုးမြို့ဟောင်းအတွင်း ရှေးဟောင်းအုတ်ကုန်းများ၊ ကုန်းဘောင်ခေတ်နှောင်းပိုင်း ဘုရားစေတီ များကို မိုးရွာသွန်းချိန် ထိခိုက်ပျက်စီးမှုမရှိစေရေး အမိုးအကာများဆောင်ရွက်ပေးခြင်းနှင့် မီးဘေးအန္တရာယ် မရှိစေ ရေး ပြင်ဆင်မှုများ ဆောင်ရွက်နေကြောင်း ဦးနိုင်ဝင်းက ဆိုသည်။
# 7Day Daily
