ရွေးကောက်ပွဲကော်မရှင်အဖွဲ့ခွဲတွင် တာဝန်ထမ်းရန် လျှောက်ထားမှု ရက်ထပ်တိုး
ပြည်ထောင်စုရွေးကောက်ပွဲ ကော်မရှင်အဖွဲ့ခွဲအဆင့်ဆင့်တွင် တာဝန်ထမ်းဆောင်လိုသူများအနေနှင့် အဆိုပြုလွှာ များကို သြဂုတ်လအထိ တိုးမြှင့်လျှောက်ထားခွင့် ပြုလိုက်ကြောင်း ပြည်ထောင်စုရွေးကောက်ပွဲ ကော်မရှင်က ဇူလိုင်လ ၁၄ ရက် ရက်စွဲဖြင့် သတင်းထုတ်ပြန်ထားသည်။
ပြည်ထောင်စုရွေးကောက်ပွဲကော်မရှင် အဆင့်ဆင့်တွင် တာဝန်ထမ်းဆောင်ရန် အဆိုပြုလျှောက်လွှာ တင်သွင်းမှုများကို သက်ဆိုင်ရာ တိုင်းဒေသကြီး၊ ပြည်နယ်၊ ခရိုင်များရှိ ဌာနများသို့ လျှောက်လွှာများကို သြဂုတ်လ ၈ ရက်နေ့ နောက်ဆုံးထား၍ လက်ခံသွားမည်ဖြစ်ကြောင်း ရွေးကောက်ပွဲဌာန ညွှန်ကြားရေးမှူး ဦးစိုင်းကျော်သူက ပြောသည်။
ကော်မရှင်အဖွဲ့ခွဲအသီးသီးတွင် တာဝန်ထမ်းဆောင်မည့်သူများကို ဖွဲ့စည်းရာတွင် ပြည်သူလူထုမှ ပိုမိုကျယ်ပြန့်စွာ ပါဝင်လာနိုင်ရန် လျှောက်လွှာများကို ပေးပို့လက်ခံ ရန် ရက်တိုးခဲ့ကြောင်း ၎င်းက ဆိုသည်။
“လျှောက်လွှာတွေကို ပထမက ဇွန်လထဲက နောက်ဆုံးထားပေးပို့ခဲ့တာ၊ တချို့ ပြည်နယ်တွေမှာလည်း အရေ အတွက် နည်းတယ်၊ တချို့ကလည်း မသိလိုက်ဘူး၊ လူတွေ ကျယ်ကျယ်ပြန့်ပြန့် ပါဝင်သင့်တယ်၊ ဒါကြောင့် ရွေးကောက်ပွဲ ကော်မရှင်ကနေ လျှောက်လွှာလက်ခံမယ့် ရက်တိုးလိုက်တာပါ”ဟု ၎င်းက ရှင်းပြသည်။
ယင်းသို့ လျှောက်ထားရာတွင် ယခင်လျှောက်ထားသူများမှာ ထပ်မံလျှောက်ထားရန် မလိုအပ်တော့ကြောင်း၊ သတ်မှတ်ရက် ပြည့်ပြီးနောက်တွင် လျှောက်ထားသူ များကို ပြည်ထောင်စုရွေးကောက်ပွဲ ကော်မရှင်အဖွဲ့မှ ခေါ်ယူ တွေ့ဆုံသွားမည်ဖြစ်ကြောင်း ၎င်းက ဆိုသည်။
ကော်မရှင်အဖွဲ့ခွဲများတွင် လာရောက်လျှောက်ထားသူများကို ရွေးချယ်စိစစ်ရန်မှာ လွှတ်တော်ကိုယ်စားလှယ်များ စိစစ်သည့်နည်းစနစ်နှင့် တူညီကြောင်း၊ အဆိုပြုလွှာ လျှောက်ထားသူများတွင် ရှိရမည့်အရည်အချင်းများကို ပြည်ထောင်စုရွေးကောက်ပွဲကော်မရှင်မှ မေလ ၃ဝ ရက်နေ့ ရက်စွဲဖြင့် ကြေညာချက် ထုတ်ပြန်ထား ပြီဖြစ်သည်။
တိုင်းဒေသကြီးနှင့် ပြည်နယ်အသီးသီးရှိ ရွေးကောက်ပွဲကော်မရှင် အဖွဲ့ခွဲအသီးသီးတွင် တာဝန်ထမ်းဆောင်ရန် သတ်မှတ်ချက်နှင့် ကိုက်ညီသည့်ပုဂ္ဂိုလ်များသည် အဆိုပြုလျှောက်လွှာများကို အနီးဆုံးမြို့နယ် ကော်မရှင်အဖွဲ့ခွဲ များသို့ ပေးပို့ရမည်ဖြစ်ကြောင်း ပြည်ထောင်စုရွေးကောက်ပွဲ ကော်မရှင်ထံမှ သိရသည်။
The Voice
