ကျောက်မျက်ပြပွဲကော်မတီ ရန်ပုံငွေ ၁ ရာခိုင်နှုန်း ကောက်ခံဖွယ် မရှိတော့ဟုဆို
မြန်မာ့ကျောက်မျက်ပြပွဲ ဗဟိုကော်မတီရန်ပုံငွေအဖြစ် ကျောက်မျက်ရောင်းရငွေ၏ ၁ ရာခိုင်နှုန်း အခွန်ကောက်ခံနေခြင်းကို ယခုလကုန်ပိုင်း၌ နေပြည်တော်တွင် ကျင်းပမည့် ကျောက်စိမ်း ကျောက်မျက်ပြပွဲမှစတင်ကာ ကောက်ခံဖွယ်မရှိတော့ကြောင်း သတင်းရရှိသည်။
မြန်မာ့ကျောက်မျက်ရတနာပြပွဲများတွင် တင်ပြရောင်းချသည့် ကျောက်စိမ်းကျောက်မျက်များ၏ ရောင်းရငွေ ၁ ရာခိုင်နှုန်းကို ပြပွဲကျင်းပရေးကော်မတီ ရန်ပုံငွေအဖြစ် အစဉ်အဆက်ကောက်ခံခဲ့ပြီး လတ်တလောဖြစ်ပွားနေသည့် ကျောက်မျက်အသင်း ငွေကြေးအရှုပ်အရှင်းများကြောင့် ယခုကျင်းပမည့် (၅၃) ကြိမ်မြောက် ကျောက်မျက်ပြပွဲမှ စတင်ကာ ဆက်လက်ကောက်ခံဖွယ်မရှိတော့ကြောင်း မြန်မာနိုင်ငံကျောက်မျက်ရတနာ လုပ်ငန်းရှင်များအသင်းတာဝန်ရှိသူများက ပြောသည်။
ရန်ပုံငွေကောက်ခံမှုကို အတိအကျ မဆုံးဖြတ်ရသေးဘဲလာမည့် ရက်ပိုင်းအတွင်းပြုလုပ်မည့် မြန်မာ့ကျောက်မျက်ပြပွဲ ဗဟိုကော်မတီ အစည်းအဝေး၌ ဆွေးနွေး ဆုံးဖြတ်ကြမည်ဟု သယံဇာတနှင့် သဘာဝပတ်ဝန်းကျင် ထိန်းသိမ်းရေးဝန်ကြီးဌာန ပြောရေးဆို ခွင့်ရှိသူဝန်ကြီးရုံး (သတ္တု) ညွှန်ကြားရေးမှူးချုပ် ဦးဝင်းထိန်က ပြောကြားသည်။
ပြပွဲကော်မတီရန်ပုံငွေအဖြစ် စတင်ကောက်ခံချိန်ကတည်းက အများသဘောတူညီချက်ဖြင့် ကောက်ခံ ခဲ့ခြင်းဖြစ်ပြီး ဆက်လက်ကောက်ခံခြင်း ပြု၊ မပြုကိုလည်း အများ သဘောတူညီချက်ဖြင့် ဆုံးဖြတ်မည် ဟုဆိုသည်။
မြန်မာ့ကျောက်မျက်ပြပွဲ ဗဟိုကော်မတီတွင် မြန်မာနိုင်ငံ ကျောက်မျက်ရတနာလုပ်ငန်းရှင်များအသင်း၊ ယခင်သတ္တုတွင်းဝန်ကြီးဌာန၊ ဟိုတယ်နှင့် ခရီးသွားလာရေး ၀န်ကြီးဌာန၊ ပြည်ထဲရေးဝန်ကြီးဌာန စသည့်ဝန်ကြီးဌာနတို့မှ ကိုယ်စားလှယ်များပါဝင်ပြီး ကောက်ခံရရှိလာသည့် ရန်ပုံငွေကို မြန်မာနိုင်ငံ ကျောက်မျက်ရတနာ လုပ်ငန်းရှင်များအသင်းက ထိန်းသိမ်းကိုင်တွယ်သုံးစွဲသည်ဟု မြန်မာ့ကျောက်မျက်ရတနာ လုပ်ငန်းရှင်များအသင်း အတွင်းရေးမှူး ဦးထွန်းလှအောင်က ပြောကြား သည်။
လတ်တလောတွင် ၂၀၀၉ မှ ၂၀၁၆ အတွင်း မြန်မာနိုင်ငံ ကျောက်မျက်ရတနာလုပ်ငန်းရှင်rျားအသင်း မှကောက်ခံရရှိသည့် ရန်ပုံငွေ ယူရို ၉၃ သန်းကျော်အနက် ယူရိုငွေ ၇ သန်းကျော် ပျောက်ဆုံး နေမှုနှင့်ပတ်သက်၍ စာရင်းရှင်းရန် ကျောက်မျက်အသင်းဝင်အချို့က တိုင်ကြားမှုရှိနေပြီး လတ်တလော၌ အချေအတင် အငြင်းပွား လျက်ရှိသည်။
အစိုးရသစ်လက်ထက် ပထမဆုံးအကြိမ်အဖြစ် ကျေက်စိမ်းကျောက်မျက်များအား ယူရိုငွေဖြင့် ရောင်းချမည့်ကျောက်မျက်ပြပွဲကို ယခုလ (၂၄) ရက်မှ ဇူလိုင် (၆)ရက်အထိ နေပြည်တော် မဏိရတနာကျောက်စိမ်းခန်းမ၌ ကျင်းပမည်ဖြစ်သည်။
7Day Daily
