တရုတ်-အာဆီယံ စီးပွားရေးလုပ်ငန်းရှင်များ အသင်းတွင် မြန်မာလုပ်ငန်းရှင်များ ပါဝင်ရန် စီစဉ်
တရုတ်-အာဆီယံစီး ပွားရေးလုပ်ငန်းရှင်များအသင်းတွင် မြန်မာနိုင်ငံမှ လုပ်ငန်းရှင်ကြီး များပါဝင်ရန် စီစဉ်နေ ကြောင်း မြန်မာနိုင်ငံ ကုန်သည်များနှင့် စက်မှုလက်မှုလုပ်ငန်းရှင်များအသင်းချုပ် ဒုတိယဥက္ကဋ္ဌ ဒေါက်တာ မောင်မောင်လေးက ပြောသည်။
မြန်မာနိုင်ငံနှင့် နယ်နိမိတ်ချင်း ကီလိုမီတာ ၁,၃၀၀ ကျော် ထိဆက်နေသော တရုတ်နိုင်ငံနှင့် စီးပွားရေး ပူးပေါင်း ဆောင်ရွက်မှု တိုးမြှင့်ရန် ပြင်ဆင်ခြင်းဖြစ်သည် ဟု ၎င်းက ဆိုသည်။ တရုတ် စီးပွားရေးလုပ်ငန်း ရှင်များနှင့် အရှေ့တောင်အာရှ (အာဆီယံ)နိုင်ငံများမှ စီးပွားရေး လုပ်ငန်းရှင်များပူးပေါင်းပြီး အစိုးရမဟုတ်သော တရုတ်-အရှေ့ တောင်အာရှစီးပွားရေးအသင်း ကို တည်ထောင်ရန် တရုတ်အစိုးရက ဆန္ဒရှိနေသည်။
ယင်းသို့ စီးပွားရေးလုပ်ငန်း ရှင်များ ပါဝင်သည့်အသင်း ဖွဲ့စည်းပြီးပါက တရုတ်အစိုးရ ရုံးစိုက်သည့် ဘေဂျင်းမြို့မှ တိုက်ရိုက်အုပ်ချုပ်မည်ဖြစ်သည်။ အသင်းချုပ်ရုံးကို ကွမ်ရှီးပြည်နယ်တွင် ထားရှိပြီး နိုင်ငံအနှံ့ရှိ စီးပွားရေးလုပ်ငန်းများကို လေ့လာခွင့်ရရှိမည်ဟု ကွမ်ရှီးပြည်နယ်ဥက္ကဋ္ဌ က မေလ ၁၈ ရက်၌ ကုန်သည် စက်မှုအသင်းချုပ် ဥက္ကဋ္ဌ ဦးဇော်မင်းဝင်းနှင့် လာရောက်တွေ့ဆုံ ဆွေးနွေးစဉ် ပြောကြားသည်။
အမေရိကန်နိုင်ငံနှင့် ကုန်သွယ်ရေးအကျပ်အတည်း ရင်ဆိုင်နေရသည့် တရုတ်နိုင်ငံသည် မြန်မာနိုင်ငံနှင့် နှစ်နိုင်ငံ ကုန်သွယ်ရေးတွင် မူဝါဒပြောင်းလဲရန် ကြိုးစားလာသည်ဟု စီးပွားရေး သမားအချို့က သုံးသပ်သည်။ တရုတ် အစိုးရ၏ ရပ်ဝန်းတစ်ခု၊ လမ်းကြောင်းတစ်ခု စီမံကိန်းတွင် ပါဝင်သော မြန်မာနိုင်ငံနှင့် ကုန်သွယ်ရေး တရုတ် အစိုးရက တရားဝင်ဖြစ်လိုသည်။ တရုတ်နိုင်ငံ သည် မြန်မာနိုင်ငံမှ လယ်ယာထွက်ကုန်၊ ရေထွက်ကုန်အပါအဝင် ကုန်ကြမ်းပစ္စည်းအများစုကို ဝယ်ယူပြီး လူသုံးကုန်၊ စက်မှုထုတ်ကုန်များ ပိုမိုတင်ပို့ ရောင်းချလိုသည်ဟု မူဆယ် နယ်စပ်၌ ကုန်သွယ်ရေးလုပ်ကိုင်နေသည့် စီးပွားရေးသမားအချို့က ပြော သည်။
တရုတ်နိုင်ငံ ယူနန်ပြည်နယ် အစိုးရသည် မြန်မာနိုင်ငံမှ တရားဝင်ဆန်တန်ချိန် တစ်သန်းဝယ်ယူ ရန် ဇွန်လ ၁၂ ရက်၌ စတင်ကျင်းပမည့် ကူမင်းကုန်စည်ပြပွဲတွင် နှစ်နိုင်ငံအစိုးရ တာဝန်ရှိသူများ နားလည်မှုစာချွန်လွှာ လက်မှတ်ရေးထိုးရန် စီစဉ်ထားသည်။ ထို့အပြင် စီးပွားရေးပူးပေါင်း ဆောင်ရွက်မှုမြှင့်တင်ရန်၊ ကုန်သွယ်မှုနှင့် ရင်းနှီးမြှုပ်နှံမှု အပြန်အလှန် တိုးမြှင့်ရန်နှင့် စက်မှုလုပ်ငန်း ကဏ္ဍ ဖွံ့ဖြိုးတိုးတက်စေရန် တရုတ်-အာဆီယံ စီးပွားရေး ကောင်စီနှင့် မြန်မာနိုင်ငံ ကုန်သည်စက်မှုအသင်းချုပ်တို့ မေလ ၂၂ ရက်က သဘောတူညီမှုစာချွန်လွှာလက်မှတ်ရေးထိုး ခဲ့သည်။
