ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီနှင့် နိုင်ငံရေးပါတီများတွေ့ဆုံ
ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီဥက္ကဋ္ဌ ဦးသန်းဌေးနှင့်အဖွဲ့သည် နိုင်ငံရေးပါတီ ၁ဝ ပါတီမှ ခေါင်းဆောင်များနှင့် ရန်ကုန်မြို့ ဗဟန်းမြို့နယ် သံလွင်လမ်းရှိ ပါတီဌာနချုပ်ရုံးခွဲရှိခန်းမဆောင်၌ ယနေ့နံနက် ၁ဝနာရီက တွေ့ဆုံဆွေးနွေးခဲ့သည်။ အဆိုပါဆွေးနွေးပွဲသို့ ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီဥက္ကဋ္ဌ ဦးသန်းဌေး၊ ဒုတိယဥက္ကဋ္ဌ ဦးမြတ်ဟိန်း၊ အထွေထွေအတွင်းရေးမှူး ဦးသက်နိုင်ဝင်းနှင့် တာဝန်ရှိသူများ တက်ရောက် ခဲ့ပြီး တိုင်းရင်းသားစည်းလုံးညီညွတ်ရေးပါတီ၊ အမျိုးသားဒီမိုကရေစီပါတီသစ်ပါတီ၊ အမျိုးသားတိုးတက်ရေးပါတီ၊ ဒီမိုကရက်တစ်ပါတီ(မြန်မာ)၊ အမျိုးသားနိုင်ငံရေးမဟာမိတ်များအဖွဲ့ချုပ်ပါတီ၊ ခေတ်သစ်ပြည်သူ့ပါတီ၊ ကရင်ပြည်နယ်ဒီမိုကရေစီနှင့်ဖွံ့ဖြိုးတိုးတက်ရေးပါတီ၊ မြန်မာအမျိုးသားကွန်ဂရက်ပါတီ၊ ရခိုင်ပြည်နယ်အမျိုးသားအင်အားစုပါတီနှင့်တအာင်း-ပလောင်အမျိုးသားပါတီတို့ တက်ရောက်ခဲ့ကြသည်။
ထိုသို့ တွေ့ဆုံဆွေးနွေးရာ လက်ရှိနိုင်ငံအတွင်း ဖြစ်ပေါ်နေသော လုံခြုံရေးဆိုင်ရာခြိမ်းခြောက်မှုများ ပြည်သူလူထုလူမှုစီးပွားရေးလုံခြုံမှုနှင့် တရားဥပဒေ စိုးမိုးရေးဆိုင်ရာကိစ္စရပ်များနှင့်ပတ်သက်၍ ဖွဲ့စည်းပုံ အခြေခံဥပဒေအရ ပြဋ္ဌာန်းထားသော အမျိုးသား ကာကွယ်ရေးနှင့်လုံခြုံရေးကောင်စီကသာ ကိုင်တွယ် ဆောင်ရွက်သွားသင့်သည့် အခြေအနေများနှင့် စပ်လျဉ်း၍ အကျယ်တဝင့်ဆွေးနွေးခဲ့သည်။
”နိုင်ငံတော်မှာ ဥပဒေတွေ အားကောင်းဖို့ လိုတယ်။ အခြေခံဥပဒေခိုင်မာဖို့ လိုတယ်။ အရေး ကြီးတဲ့ အဆုံးအဖြတ်တွေကို ဘယ်သူကလုပ်နေ သလဲ။ အခြေခံဥပဒေမှာပါပြီးသားဖြစ်တဲ့ နိုင်ငံတော် ကာကွယ်ရေးနဲ့လုံခြုံရေးကောင်စီ အသက်ဝင် လှုပ်ရှားဖို့လိုတယ်။ တစ်ပြိုင်နက်တည်းမှာပဲ ဒါကို ကျော်လွှားချင်တာလား၊ မှိန်အောင်လုပ်ချင်တာ လား”ဟု ပြည်ထောင်စုကြံ့ခိုင်ရေးနှင့်ဖွံ့ဖြိုးရေး ပါတီဥက္ကဋ္ဌ ဦးသန်းဌေးက အဖွင့်နှုတ်ခွန်းဆက် စကားတွင် ထည့်သွင်းပြောကြားသည်။
ထို့နောက် နိုင်ငံရေးပါတီအသီးသီးမှ ခေါင်း ဆောင်များက ပြန်လည်ဆွေးနွေးခဲ့ပြီး ဆွေးနွေးမှုမှ ရရှိလာသည့် သဘောတူညီချက်များကိုစုစည်း၍ ဆက်သွယ်ရေးနည်းပညာဖြင့် ဝံသာနုဒီမိုကရက်တစ် ပါတီ၊ ပြည်သူ့ဒီမိုကရေစီပါတီ၊ အင်းအမျိုးသား ဖွံ့ဖြိုးတိုးတက်ရေးပါတီနှင့် မတူကွဲပြားခြင်းနှင့်ငြိမ်း ချမ်းရေးပါတီတို့က သဘောတူထောက်ခံ၍ ပူးတွဲ သဘောထားကြေညာချက်ကို ထုတ်ပြန်ကာ အစည်း အဝေးကို မွန်းလွဲ ၁ နာရီတွင် ရုပ်သိမ်းခဲ့သည်။
ကျော်ဇင်၊ နေထက်ဝေ
