မြန်မာ့လူဦးရေ၏ ထက်ဝက်ခန့်သည် အိမ်ရာချို့တဲ့မှုနှင့် ရင်ဆိုင်နေရကြောင်း အစိုးရထုတ်ပြန်
မြန်မာနိုင်ငံ၏လူဦးရေ ထက်ဝက်ခန့်သည် အိမ်ရာချို့တဲ့မှု နှင့် ရင်ဆိုင်ကြုံတွေ့နေကြောင်း ပြည်သူ့အင်အား ဦးစီးဌာန က ယမန်နေ့တွင် ထုတ်ပြန်သည့် ‘မြန်မာနိုင်ငံရှိ ရှုထောင့်နယ်ပယ်စုံ လူမှုဘဝ ဖူလုံရေး’ စာတမ်း၌ ဖော်ပြသည်။
၂၀၁၄ လူဦးရေနှင့် အိမ်အကြောင်းအရာ သန်းခေါင်စာရင်းကို အခြေခံပြီး အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အား ဝန်ကြီးဌာနနှင့် ကမ္ဘာ့ဘဏ်တို့ ပူးပေါင်းရေးသားသည့် ယင်းစာတမ်းတွင် အိမ်ရာကဏ္ဍအပါအဝင် အဓိကအုပ်စုခြောက်ခု ခွဲခြားပြုစုခဲ့သည်။ ယင်းအဓိကအုပ်စုများတွင် ပညာရေး၊ အလုပ်အကိုင်၊ ကျန်းမာရေး၊ ရေနှင့်မိလ္လာ၊ အိမ်ရာနှင့် အိမ်အသုံး အဆောင် ပစ္စည်းများပါဝင် ပြီး အိမ်ရာချို့တဲ့မှု အများဆုံးဖြစ်ခဲ့ကာ ချို့တဲ့မှု အနည်းဆုံးမှာ ကျန်းမာရေးအုပ်စုဖြစ်ကြောင်း အဆိုပါစာတမ်းက ဆိုသည်။
ချို့တဲ့မူအညွှန်းကိန်းဖော်ပြ ချက်များအရ နိုင်ငံလူဦးရေ၏ ၄၈ ဒသမ ၈ ရာခိုင်နှုန်းသည် အိမ်ရာ ချို့တဲ့မှုနှင့် အများဆုံးကြုံတွေ့နေ ရကာ ကျန်းမာရေးချို့တဲ့မှုသည် ၁၂ ဒသမ ၁ ရာခိုင်နှုန်းရှိနေသည်။ ထို့အပြင် အိမ်အသုံးအ ဆောင်ပစ္စည်းချို့တဲ့မှုသည် နိုင်ငံ လူဦးရေ၏ ၄၁ ဒသမ ၅ ရာခိုင်နှုန်း၊ ရေနှင့် မိလ္လာချို့တဲ့မှုသည် ၄၁ ဒသမ ၄ ရာခိုင်နှုန်း၊ အလုပ်အကိုင်ချို့တဲ့မှု ၄၁ ဒသမ ၂ ရာခိုင်နှုန်း၊ ပညာရေးချို့တဲ့မှု ၃၁ ရာခိုင်နှုန်းရှိကြောင်း ထုတ်ပြန်ချက် စာတမ်းတွင် ဖော်ပြထားသည်။
ယင်းအဓိကအုပ်စု ခြောက်စုတွင် ကျန်းမာရေးချို့တဲ့မှု အဖြစ်အနည်းဆုံးဟု တွေ့ရှိရသော်လည်း သန်းခေါင်စာရင်း ရလဒ်များဖြစ်သည့် မသန်စွမ်းမှုနှင့် သေနှုန်းညွှန်းကိန်း မြင့်မားမှုများကို တစ်စိတ် တစ်ပိုင်း ထင်ဟပ်သဖြင့် သတိပြုရန် လိုအပ်ကြောင်း ထောက်ပြရေးသားထားသည်။ မြန်မာနိုင်ငံ၏ လူဦးရေ ၁၆ ရာခိုင်နှုန်းသည် မည်သည့် အညွှန်းကိန်းတွင်မျှ ပါဝင်ခြင်းမရှိဘဲ လူ ဦးရေ၏ ၈၄ ရာခိုင်နှုန်းက အနည်းဆုံး အညွှန်းကိန်းတစ်ခုတွင် ချို့ တဲ့မှုနှင့် ရင်ဆိုင်နေရကြောင်း ဆက်လက်ဖော်ပြထားသည်။
အဆိုပါ လူဦးရေ ၈၄ ရာခိုင် နှုန်းအနက် ၁ ဒသမ ၂ ရာခိုင်နှုန်း မှာ အဓိကအုပ်စု ခြောက်ခုစလုံး တွင် ချို့တဲ့မှု ခံစားနေရကြောင်းလည်း ဆိုသည်။ ‘‘သက်ဆိုင်ရာ တိုင်းဒေသကြီး၊ ပြည်နယ် အစိုးရတွေအနေနဲ့ ဒီအချက်အလက် တွေကို ကြည့်ပြီးတော့မှ ကိုယ့်ဒေသမှာ ဘယ်မြို့နယ်တွေကို ဘယ်အချက်လေးတွေ အားနည်းနေတာကို သိရှိပြီးတော့မှ ရှေ့ဆက်လက်ဆောင် ရွက်မယ့် စီမံချက်တွေမှာ အားနည်းနေတာတွေကို အားသာ အောင် ဆောင်ရွက်သွားမယ်ဆိုရင် နိုင်ငံတော်ရဲ့ ရည်မှန်းချက်ဖြစ်တဲ့ တိုင်းနဲ့ပြည်နယ်အားလုံးဟာ ဘက်စုံညီညွတ်မျှတစွာ တိုးတက်လာရေး ဆိုတဲ့ ရည်မှန်းချက်ကို အကောင်အထည်ဖော် ဆောင်ရွက်နိုင်မှာ ဖြစ်ပါတယ်’’ ဟု အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန ပြည်ထောင်စုဝန်ကြီး ဦးသိန်းဆွေက ယင်းစာတမ်း ထုတ်ပြန်ရခြင်း နှင့် ပတ်သက်၍ ပြောသည်။
အဆိုပါ ‘မြန်မာနိုင်ငံရှိ ရှုထောင့်နယ်ပယ်စုံ လူမှုဘဝဖူလုံရေး’ စာတမ်းသည် ၂၀၁၄ လူဦးရေနှင့် အိမ်အကြောင်း အရာ သန်းခေါင်စာရင်းကို အခြေခံ၍ ထုတ်ပြန်သည့် ၁၄ စောင်မြောက် စာတမ်းဖြစ်သည်။ မြန်မာနိုင်ငံ၏ လူဦးရေသည် ဒီဇင်ဘာ ၃ ရက်အထိ ၅၄ သန်း ခန့်ရှိပြီဖြစ်ကြောင်း ပြည်သူ့အင် အားဦးစီးဌာန ဝက်ဘ်ဆိုက်တွင် ဖော်ပြထားသည်။
