တင်း(၁၀၀) အထွက်အာမခံသည့် ဆင်းပဒေသာ (၇) မြေပဲ

မြေပဲလောက စင်ပေါ်သို့ ရောက်လာပြီး ပွဲဦးထွက်ပင် နာမည်ကြီးခဲ့သောမျိုးမှာ ဆင်းပဒေသာ(၇)ပင် ဖြစ်သည်။ ဆင်းပဒေသ(၇)မြေပဲမျိုးသည် အမိနိုင်ငံမှာ အိန္ဒိယနိုင်ငံ (ICRISAT)ဖြစ်သည်။ ၁၉၉၄-၉၅ ခုနှစ်တွင် မြန်မာနိုင်ငံ အတွင်းသို့ ၀င်ရောက်အခြေချလာခဲ့ခြင်းဖြစ်သည်။ စိုက်ပျိုးရေးသုတေသနဌာန ရေဆင်းမှ မျိုးလိုင်း (၂၁) လိုင်းမှ ရွေးချယ်ခဲ့သော သက်လျင်မျိုးဖြစ်သည်။ ရေကောင်း မြေကြောင်းကြိုက်ပြီး အထွက်နူန်းရာကျော်အောင် သီးခဲ့ သဖြင့် တောင်သူများနှစ်ခြိုက်ကြသည်။ ဆီထွက်သီးနှံ ဖွံ့ဖြိုးရေးစီမံကိန်းမှ စံပြကွက်များစိုက်ပျိုးခဲ့ပြီး စံကွက် ရိတ်သိမ်းခဲ့ရာ အနိမ့်ဆုံးတင်းဧက (၅၀ – ၇၀) တင်းဖြင့် အမြင့်ဆုံး (၈၀ -၁၂၀) တင်းအထိ ထွက်ရှိခဲ့သည်။ ပျဉ်းမနားခရိုင်၊ လယ်ဝေးမြို့ တွင် စိုက်ပျိုးရာ တစ်ဧကတင်း ၁၁၀ ထွက်ရှိခဲ့သည်။

ဆင်းပဒေသာ(၇) မြေပဲမျိုး၏ ကောင်းခြင်းလက္ခဏာ အရည်အချင်းများကို လေ့လာကြည့်လျုင်မှုရင်ဒေသ အိန္ဒိယ ဖြစ်ပြီး မျိုးအမှတ်မှုာ (ICGV – 9382) ဖြစ်သည်။ ၁၉၉၉ – ၂၀၀၀ ခုနှစ်တွင် စိုက်တင်မွေးထုတ်ခဲ့သည်။ ၄င်း၏ အသက်ရက်မှာ ၉၀ – ၉၅ ရက်ဖြစ်ပြီး သက်လျင်မျိုးဖြစ်သည်။ မိုးရေရရှိမှုနည်းပါးသော စကိုင်း၊ မကွေး၊ ပဲခူး အထက်ပိုင်း မန္တလေးတိုင်းတို့တွင် စိုက်ပျိုးခဲ့သည်။

ဆင်းပဒေသာ(၇) မြေပဲမျိုး၏ အပင်ပုံသဏ္ဍာန်မှာ ပင်ထောင်ပုံစံဖြစ်ပြီး အပင်အမြင့်မှာ ၄၈ cm ဖြစ်သည်။ ၄င်းမြေပဲ မျိုး၏ ပန်းပွင်ပုံသည် ထူးခြားသည်။ အပင်၏ အဆစ်တိုင်းကလဲ ပန်းပွင့်၍ ပင်စည်ကလည်း ပန်းပွင့်သည်ကို တွေ့ ရှိရသည်။ ပန်းပွင့်အရောင်သည် လိမ္မော်ရောင်ဖြစ်ပြီး ပန်းစတင်ပွင့်ရမှ ၂၂ရက်ဖြစ်ပြီး ပန်းပွင့် (၅၀) ရာခိုင်နှုန်း ပွင့်ရက်မှာ ၂၄ရက်ဖြစ်ပါသည်။ ပန်းပွင့်သန္ဓေအောင်နှုန်းများပြီး မြေပဲအထွက်နှုန်း များခြင်းလည်းဖြစ်သည်။

ဆင်းပဒေသာ(၇) မြေပဲမျိုး၏ အရွက်ရောင်သည် အစိမ်းရောင် အရွက်ပုံစံသည် ငှက်ပျောရွက်ပုံဖြစ်ပြီး အရွက်နား တွင် အမွှေးပါဝင်မှု နည်းသည်။ ဆင်းပဒေသ(၇) မြေပဲမျိုးသည် အစေ့(၁၀၀၀) အလေးချိန် (၄၁ ဂရမ်)ရှိပြီး အဆံ အထွက်ရာခိုင်းနှုန်း (၇၄) ရာခိုင်နှုန်း ရှိသည်။ ဆီထွက်ရာခိုင်နှုန်း (၄၀ – ၅၀%)ရှိပြီး တစ်ဧက အတောင့် အထွက် နှုန်းမှာ (၅၀ -၁၂၀) တင်းဖြစ်ပါသည်။ အစေ့ငုတ်ချိန်မရှိသဖြင့် နုတ်သိမ်းအခြောက်လှန်းပြီး ချက်ချင်းစိုက်ပျိုးနိုင် သည်။

မြေပဲတစ်ပတ်တွင် အတောင့် (၇၀ – ၁၀၀) ထိ ဥနိုင်သည်။ မြန်မာနိုင်ငံ ပြည်တွင်းစားသုံးဆီ ဖူလုံရေးအတွက် ဆီထွက်ရာနှုန်းလည်းများ၊ တစ်ဧကအတွက်နှုန်းလည်းများပြီး သက်လျင်သည် ဆင်းပဒေသ(၇) မြေပဲမျိုးကို ရေ အလုံအလောက်ရရှိသော ပြည်နယ်နှင့် တိုင်းဒေသကြီးများတွင် သုံးသီး (သို့) အခြားသီးနှံနှင့် သီးထပ်အဖြစ် ဧရိယာတိုးချဲ့ စိုက်ပျိုးသင့်ပါကြောင်း တင်ပြလိုပါသည်။

စိုက်ပျိုးရေးနှင့် အထွေထွေဗဟုသုတ Page မှ ကူးယူဖော်ပြပါသည်။