ရေခဲသေတ္တာထဲ သိမ်းမထားသင့်တဲ့ အစားအစာ ငါးမျိုး
ရေခဲသေတ္တာဆိုတာ အစားအစာတွေကို လတ်ဆတ်စေဖို့၊ မပုပ်မသိုးစေဘဲ တာရှည်ခံဖို့၊ ကျန်းမာရေးနဲ့ ညီညွတ် စေဖို့ဆိုပြီး အပူချိန်လျှော့ချ၍ အအေးခံ သိမ်းဆည်း ထားတဲ့ နေရာလေးဖြစ်တာမို့ ဇိမ်ခံပစ္စည်းမဟုတ်ဘဲ အိမ်တစ် အိမ်အတွက် မရှိမဖြစ် ပစ္စည်းတစ်ခုလေးပါပဲ။ ဒါပေမယ့် သဘာဝနဲ့ဆန့်ကျင်ပြီး အပူချိန်လျှော့ချကာ အအေးခံပေး ထားတာဖြစ်လို့ အစားအစာ (အားလုံး) ကိုတော့ ရေခဲသေတ္တာထဲ ထည့်သိမ်းလို့မရနိုင်ပါဘူး။ အချို့ အစားအစာတွေကို အေးခဲထားလိုက်တဲ့အခါ မူလအနံ့၊ အရသာကို ပျက်ပြယ်သွားစေတဲ့အပြင် အချိန်မတိုင်ခင် ပုပ်သိုး နွမ်းအိသွားစေလို့ပါ။
အာလူး။ အာလူးတွေက အလင်းသိပ်မကြိုက်ကြပါဘူး။ ခြောက်သွေ့တဲ့နေရာနဲ့ သဘာဝအခန်းအပူချိန်ကိုသာ ကြိုက်ကြပါတယ်။ အကယ်၍ အာလူးကို ရေခဲ သေတ္တာထဲ ထည့်လိုက်တဲ့အခါ သူ့ရဲ့မူလအရသာများ ပျက်စီးသွား ပါတယ်။ ဒါ့ပြင် ချက်ပြုတ်တဲ့အခါ တော်တော်နဲ့ မနူးအိလာတော့ဘဲစားတဲ့အခါမှာ မာဆတ်ဆတ် ဖြစ်သွားပါတယ်။ ထိုနည်းတူစွာပင် ပိန်းဥ၊ ကန်စွန်းဥတွေကိုလည်း ရေခဲသေတ္တာထဲသိမ်းမထားသင့်ပါဘူး။
ကြက်သွန်နီ။ ကြက်သွန်နီတွေကို ပုံမှန်အခန်းအပူချိန်ထဲမှာသာထားပေးရပါမယ်။ ကြက်သွန်နီတွေ ကြာကြာခံစေဖို့အတွက် ဇာကွက်၊ ပိုက်ကွန်အိတ်တွေက အကောင်းဆုံးပါပဲ။ နောက်ထပ် အရေးကြီးဆုံးအချက်က ကြက်သွန်နီ တွေနဲ့ အာလူးတွေကို အတူတူရောမထားသင့်ပါဘူး။ ကြက်သွန်ထဲမှာပါတဲ့ သဘာဝ ဟင်းခတ်အမွှေးအကြိုင် ရနံ့ တွေကို အာလူးက စုပ်ယူပစ်လို့ပါ။ ဒါ့ပြင် ကြက်သွန်နဲ့ အာလူးများအားလုံး တစ်ခဏတွင်းမှာပင် ပုပ်သွားစေ ပါတယ်။
ကြက်သွန်ဖြူ။ ကြက်သွန်အဖြူတွေကိုလည်း ကြက်သွန်နီတွေလိုပဲ ဇာကွက်၊ ပိုက်ကွန် အိတ်တွေထဲထည့်ပြီး အခန်းအပူချိန်မှာသာ သိမ်းထားသင့်ပါတယ်။
ခရမ်းချဉ်သီး။ အိမ်ရှင်မတိုင်းလိုလိုက ခရမ်းချဉ်သီးတွေကို ရေခဲသေတ္တာထဲသိမ်းထားမှ ကြာကြာခံတယ်လို့ ထင်မှတ်မှားနေကြပါတယ်။ အဲဒီလို သိမ်းထားခြင်းက ခရမ်းချဉ်သီးရဲ့ အနံ့အရသာတွေ(အားလုံး) ပျက်ယွင်းသွား စေလို့ အင်မတန်မှားယွင်းတဲ့ အပြုအမူဖြစ်ပါတယ်။ အကောင်းဆုံးကတော့ ခရမ်းချဉ်သီးတွေကို ပလတ်စတစ် အိတ်ထဲ လေလုံအောင်ထည့်၍ ပုံမှန်အခန်းအပူချိန်မှာသာ သိမ်းထားရပါမယ်။ (
ငှက်ပျောသီး။ ရခိုင်၊ ဖီကြမ်း၊ သီးမွှေး၊ ရွှေငှက်ပျောစတဲ့ ငှက်ပျောသီး ဘယ်အမျိုးအစားတွေကိုမဆို ရေခဲ သေတ္တာထဲ (လုံးဝ) သိမ်းမထားသင့်ပါဘူး။ အဲဒီလို သိမ်းထားလိုက်တဲ့အခါ မကြာမီအတွင်းမှာပင် ငှက်ပျောသီးကို အအေးရိုက်၍ ငှက်ပျောခွံတွေ မည်းလာပြီး အနံ့အရသာ၊ ကျန်းမာရေးဂုဏ်သတ္တိတွေ အားလုံး ဓာတ်ပြယ်သွားစေပါတယ်။ ငှက်ပျောသီးရဲ့ သဘောတရားက မကြာခဏ ထိကိုင်မိတဲ့အခါ အပူလောင်ပြီး ပျော့လာတတ်တာမို့ ငှက်ပျောသီးအခိုင်တွဲကို အလယ် ကနေ ကြိုးခွချည်ပြီး တိုင်မှာချိတ်ထားပေးပါ။ ငှက်ပျောသီးရဲ့ အညှာကို ပလတ်စတစ်အစနဲ့ တုပ်ချည်ပေးခြင်းက နောက်ထပ်လေးရက် သို့မဟုတ် ငါးရက်လောက် အထားခံပါတယ်။
ဖိုးသူတော်
