သီတဂူအပြည်ပြည်ဆိုင်ရာ ၀ိပဿနာတက္ကသိုလ် ၂၀၁၇ မတ်လတွင် ဖွင့်လှစ်မည်
ဆရာတော်ဒေါက် တာအရှင်ဉာဏိဿရ တည်ထောင်သော သီတဂူအပြည်ပြည် ဆိုင်ရာ ၀ိပဿနာ တက္ကသိုလ် (သီတဂူဝိပဿနာအကယ်ဒမီ) ကို၂၀၁၇ မတ်လ ၁၃ ရက် (တပေါင်းလပြည့်နေ့)တွင် ဖွင့်လှစ်မည်ဖြစ် ကြောင်း သတင်းရရှိသည်။ စစ်ကိုင်းတောင်ရိုးအနောက် ဘက် ဧက ၇၀ ခန့်ကျယ်ဝန်းသည့် မြေပေါ်တွင် တည်ဆောက်ထား သော သီတဂူအပြည်ပြည်ဆိုင်ရာ ၀ိပဿနာတက္ကသိုလ်ကို ၂၀၁၃ နို ၀င်ဘာကစတင်တည်ဆောက်ခဲ့ သည်။
ယခုအခါ လုပ်ငန်းအချို့ ပြီးစီးပြီဖြစ်၍ ဆရာတော်ကြီး၏ သက်တော် (၈၀)ပြည့်မွေးနေ့ဖြစ်သည့် တပေါင်းလပြည့် တွင် ဖွင့်ပွဲပြုလုပ်မည်ဖြစ်ကြောင်း သီတဂူဝိပဿနာ အကယ်ဒမီမှ ဒုတိယလက်ထောက်ဆရာတော် ဒေါက်တာ ဇဋိလာ လင်္ကာရက မိန့် ကြားသည်။
‘‘ဆရာတော်ကြီးက ရှေ့မှာ လည်း ဆေးရုံတွေဆောက်၊ စာ တွေသင်၊ တရားဓမ္မဟောပြောတာ တွေ လုပ်ခဲ့ပြီးပြီ။ သက်တော် လည်း၈၀ ရှိပြီဆိုတော့ တရားလေးပြပြီး အေးအေးလူလူ နေချင်ပုံရပါတယ်။ ဒီမှာပဲ ကိုယ်တိုင်လည်း တရားအားထုတ်ရင်း တပည့်ဒကာ၊ ဒကာမတွေကို ၀ိပဿနာအားထုတ်စေမယ်လို့ ယူဆပါတယ်’’ဟု ဆရာတော် ဒေါက်တာ ဇဋိလာလင်္ကာရက မိန့်ကြားသည်။ သီတဂူအပြည်ပြည်ဆိုင်ရာ ၀ိပဿနာတက္ကသိုလ်တွင် ပြည် တွင်း ပြည်ပမှ ၀ိပဿနာတရား အးထုတ်လိုသူများအတွက် အမျိုးသားယောဂီ ၁၀၀ အတွက် အခန်း၁၀၀ နှင့် အမျိုးသမီး ယောဂီများ အတွက် အခန်း ၁၀၀ စီစဉ်ထားကြောင်း သင်တန်းသားလက်ခံ မည့်အစီအစဉ်ကို ဆရာတော်ကြီးက မိန့်ကြားခြင်း မရှိသေးကြောင်း ဒေါက်တာဇဋိလာလင်္ကာရက မိန့်ကြားသည်။
သီတဂူအပြည်ပြည်ဆိုင်ရာ ၀ိပဿနာတက္ကသိုလ် (သီတဂူဝိပဿနာအကယ်ဒမီ) ဖွင့်ပွဲတွင်ဆရာတော် ဒေါက်တာ အရှင်ဉာဏိဿရ၏ ရုပ်တုထားရှိမည်ဖြစ် ပြီး သက်တော်(၈၀)ပြည့်အထိမ်း အမှတ်အဖြစ် ပိဿာချိန်ရှစ်ထောင်ရှိ ကြေး သွန်းခေါင်းလောင်းကြီး စိုက်ထူမည် ဖြစ်သည်။ ထို့အပြင် ကျောင်း၌ဆရာ တော်ဒေါက်တာ အရှင်ဉာဏိဿရ ပြတိုက်တည်ဆောက်ရန် ရည်ရွယ်ထားကာ အဆိုပါပြတိုက်တွင် ဆရာတော်ကြီး၏ သာသနာပြုမှတ်တမ်း ဓာတ်ပုံများ၊ စာအုပ်စာတမ်းများ၊ တရား ခွေများပြသရန် ရည်ရွယ်ထားသည်ဟု သိရသည်။
ဖိုးသူတော် Credit: 7 day daily
