ကယားပြည်နယ် ဖရူဆိုမြို့နယ် ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ မျက်နှာစုံညီ အစည်းအဝေးကို ဇွန်လ (၂၇) ရက် နံနက် (၁၀း၂၀) နာရီက မြို့နယ်ပါတီရုံး အစည်းအဝေးခန်းမ၌ ကျင်းပပြုလုပ်ကြောင်း သိရှိရသည်။
ဦးစွာ အခမ်းအနားမှူးက တက်ရောက်ခွင့်ရှိသူ၏ ၉၅% တက်ရောက်သဖြင့် အစည်းအဝေး အထမြောက် ကြောင်းကြေညာပြီး အခမ်းအနားကိုစတင်ရာ ပြည်နယ်ပါတီဗဟိုကော်မတီဝင် ဦးလူရယ်ဘိုးလူမှ အမှာ စကား ပြောကြား သည်။
ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ၊ ဗဟိုအလုပ်အမှုဆောင်များ ဖြစ်ကြသော ဦးစိုးသိန်းနှင့် ဦးခင်ရီ တို့သည် ကယားပြည်နယ်ရှိ မယ်စဲ့ မြို့နယ်၊ ဖားဆောင်းမြို့နယ်၊ ဘောလခဲမြို့နယ်၊ ဒီးမော့ဆိုမြို့နယ်၊ ရှာတော မြို့နယ်တို့၏ မြို့နယ်အဆင့်ပါတီ မျက်နှာစုံညီအစည်းအဝေးများသို့ တက်ရောက်၍ အမှာစကား ပြောကြား အားပေးခဲ့ကြောင်း သိရှိရသည်။
ကယားပြည်နယ် ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီအနေဖြင့် မြို့နယ် (၇) မြို့နယ်တွင် မျက်နှာ စုံညီအစည်းအဝေး ကျင်းပပြုလုပ်၍ မြို့နယ်အဆင့် ပါတီကေဒါများ ပြန်လည်ရွေးချယ်အတည်ပြုနိုင် ရေး ညှိနှိုင်းအစည်းဝေးကို ဇွန်လ (၁၅) ရက်နေ့ နံနက် (၁၀) နာရီအချိန်က ပြည်နယ်ပါတီ သီးသန့် အစည်းအေ၉းခန်းတွင် ကျင်းပပြုလုပ်ခဲ့ကြောင်း သိရသည်။
ကယားပြည်နယ် ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ ဗဟို ကော်မတီဝင် ဦးလူရယ်ဘိုးလူနှင့် ပြည်နယ်ပါတီကော်မတီဝင် ဦးကျော်မြင့်၊ ဦးအောင်ဆန်း၊ ဦးတင်ဦး၊ လွိုင်ကော်ခရိုင်ပါတီ အတွင်းရေးမှူး ဦးသိန်းဇော်၊ လွိုင်ကော်မြို့နယ်ပါတီ ကော်တီဝင် ဦးမောင်ရွှေ၊ ဦးလင်းမြတ်ဦး၊ ဦးကူးရယ် နှင့် ပြည်နယ်ပါတီရုံးအဖွဲ့တို့သည် ဇွန်လ (၁၄) ရက် နံနက် (၁၀) နာရီခွဲ အချိန်က လွိုင်ကော်မြို့၊ ခလရ-၅၄ တပ်ရင်းသို့ သွားရောက်ပြီး တပ်ကြပ် စောသောဒေါ၏ သမီး နောထူးဖော (ခ) နော်ဒါးခု (လက်နှစ်ဖက်မပါ) သည် ၂၀၁၅-၂၀၁၆ ပညာသင်နှစ် တက္ကသိုလ်ဝင်တန်းကို အောင်မြင်ခဲ့သည့် အတွက် ငွေကျပ် (၁၅၀၀၀၀ိ/-) သွားရောက် ပံ့ပိုး ပေးခဲ့ကြောင်း သတင်း ရရှိသည်။
