ကရင်ပြည်နယ် ပြည်ထောင်စု ကြံ့ခိုင်ရေးနှင့်ဖွံ့ဖြိုးရေးပါတီမျက်နှာ စုံညီအစည်းအဝေးနှင့် ပါတီပြန်လည် ပြင်ဆင်ဖွဲ့စည်းရေးအခမ်းအနားကို ယခုလ ၂၃ ရက် နံနက် (၉) နာရီက ပြည်နယ်ပါတီရုံးဒေါနခန်းမ၌ကျင်းပခဲ့သည်။
မြစ်ကြီးနားပြည်ခိုင်ဖြိုး အပတ်စဉ် ပုံမှန်လုပ်ငန်းညှိနှိုင်း အစည်းအဝေး
ကချင်ပြည်နယ်၊ မြစ်ကြီးနားမြို့နယ်၊ ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ၊ စည်းရုံးရေးကော်မတီ၏ အပတ်စဉ် ပုံမှန် လုပ်ငန်းညှိနှိုင်းအစည်းအဝေးကို ဇူလိုင်လ (၂၂) ရက် နေ့လည် (၁)နာရီတွင် မြို့နယ်ပါတီရုံး အစည်းအဝေး ခန်းမတွင် ကျင်းပပြုလုပ်ခဲ့ရာ အစည်းအဝေးတွင် မြို့နယ်ကော်မတီဝင်များက စည်းရုံးရေး ဂွင်အလိုက် နယ်မြေသတ်မှတ်ခြင်း၊ ရေးရာဌာနများအလိုက် တာဝန်ခွဲယူခြင်း၊ ပါတီအဆင့်ဆင့်မှ ညွှန်ကြားချက်များ ရှင်းလင်းဆွေးနွေး ကြခြင်း တို့အား ညှိနှိုင်းဆွေးခဲ့ကြသည်။
မန်စီမြို့နယ်ပြည်ခိုင်ဖြိုးပါတီ မျက်နှာစုံညီစည်းဝေး၊ ပါတီကော်မတီ ပြန်လည်ရွေးချယ်ဖွဲ့စည်း
ကချင်ပြည်နယ်၊ ဗန်းမော်ခရိုင်၊ မန်စီမြို့နယ် ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ မြို့နယ်ပါတီ မျက်နှာစုံညီအစည်းအဝေးနှင့် ပါတီပြန်လည် ပြင်ဆင်ရွေးချယ်ဖွဲ့စည်းရေး အခမ်းအနားကို မြို့နယ် ပါတီရုံးတွင် ဇူလိုင်လ (၂၃) ရက် နံနက်(၀၉း၄၅) နာရီမှစတင်၍ ကျင်းပပြုလုပ်ခဲ့ရာ အခမ်းအနားသို့ ပြည်နယ်ပါတီကော်မတီဝင် ဦးဝင်းမောင်သိန်း၊ ပြည်နယ်ပါတီကော်မတီဝင် ဒေါ်နန်းစိုးစိုးအောင်၊ ခရိုင်ပါတီအတွင်းရေးမှူး ဦးသန်းဇော်လေးနှင့် ခရိုင်ပါတီ ကော်တီဝင်များဖြစ်ကြသော ဦးကျော်စွာဝင်း၊ ဦးလဒွဲ၊ မြို့နယ်ပါတီ နာယက များ၊ အကြံပေးများ၊ ရွေးချယ်တင်မြောက်ရေးကော်မရှင်နှင့် အရွေးချယ်ခံ မြို့နယ်ပါတီကော်မတီဝင်ဟောင်း (၂၀) ဦး နှင့် ရပ်/ကျေးပါတီ ပ-ဒုခေါင်းဆောင် (၃၀)ဦး၊ မိခင်နှင့် ကလေးစောင့်ရှောက်ရေးအဖွဲ့၊ အမျိုးသမီးရေးရာအဖွဲ့၊ ကြက်ခြေနီများ၊ စုစုပေါင်း အင်အား (၂၀၀)ဦး တက်ရောက်ခဲ့ကြသည်။
မချမ်းဘော၊ ပူတာအို မြို့နယ်ပြည်ခိုင်ဖြိုးပါတီများ ပြန်လည်ပြင်ဆင် ရွေးချယ်ဖွဲ့စည်း
ကချင်ပြည်နယ်၊ ပူတာအိုခရိုင်တွင် ပူတာအိုမြို့နယ်၊ မချမ်းဘော့မြို့နယ် ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ မျက်နှာစုံညီအစည်းအဝေးနှင့် ပါတီပြန်လည်ပြင်ဆင်ရွေးချယ်ဖွဲ့စည်းရေးကို ဇူလိုင်လ (၂၁) ရက်နှင့် (၂၂) ရက်များတွင် ကျင်းပပြုလုပ်ခဲ့ကြောင်း သိရသည်။
ထိုသို့ ပြန်လည်ပြင်ဆင်ရွေးချယ်ဖွဲ့စည်းရာတွင် တိုင်းရင်းသားလူမျိုးများ အတွင်း လက်တွေ့ကျကျ စည်းလုံးညီညွတ်ရေး၊ ဖွံ့ဖြိုးတိုးတက်ရေးကို ရှေ့ရှုပြီး ပြည်ထောင်စုစိတ်ဓာတ်ကို အခြေခံကာ ရဝမ်၊ လီဆူ၊ ဂျိန်းဖော၊ ရှမ်း၊ ဗမာ လူမျိုးများ မျှတညီညွတ်စွာ ပါဝင်စေပြီး ပါတီတွင်း ဒီမိုကရေစီ နည်းလမ်း ကျစွာ ဆန္ဒမဲဖြင့် ရွေးချယ်တင်မြောက်ခဲ့ကြသည်။
မိုးညှင်းပြည်ခိုင်ဖြိုးမှ ၀ါဆိုသင်္ကန်းနှင့် ၀တ္ထုငွေများ ဆက်ကပ်လှူဒါန်း
ကချင်ပြည်နယ်၊ မိုးညှင်းမြို့နယ် ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ အတွင်းရေးမှူး ဦးဌေးဝင်း၊ မြို့နယ် ပါတီကော်မတီဝင် ဦးဇော်ထွန်းမြင့်၊ ဦးမြဝင်း၊ ဦးဖုန်းမြင့်၊ ဦးနေမျိုးလင်း၊ ဒေါ်လင်းလင်းဝင့် ဒေါ်ဝါဝါဆွေနှင့် လူငယ်ခေါင်းဆောင် ဦးအောင်ကိုဝင်း၊ ဦးကျော်ဇင်ထိုက်၊ ဒေါ်မြမြဌေး၊ ဒေါ်မေဇွန်တို့ လိုက်ပါကာ စုစုပေါင်း လူအင်အား (၃၀) ဦးသည် ဇူလိုင်လ (၁၈) ရက်က ဟိုပင်မြို့ ကြာကြီးကွင်းကျေးရွားအုပ်စု ရှမ်းကုန်း ဘုန်းကြီးကျောင်း၌ ဝါဆိုသင်္ကန်း-ဝတ္ထုငွေများ ကပ်လှူခဲ့ကြကြောင်း သတင်းရရှိသည်။
မိုးညှင်းမြို့နယ် ပြည်ခိုင်ဖြိုးပါတီမှ (၆၉) နှစ်မြောက် အာဇာနည်နေ့အခမ်းအနား တက်ရောက်ဂုဏ်ပြု
(၆၉) နှစ်မြောက် အာဇာနည်နေ့ အခမ်းအနားကို ဇူလိုင်လ (၁၉) ရက် နံနက် (၉) နာရီခွဲတွင် ကချင်ပြည်နယ်၊ မိုးညှင်းမြို့ မြို့တော်ခန်းမရှေ့၌ ကျင်းပရာ မိုးညှင်းမြို့နယ် ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီကော်မတီဝင် များဖြစ်ကြသော ဦးလမိုင်၊ ဦးကြည်စိုး၊ ဦးတင်ညွန့်၊ ဦးအောင်မိုး၊ ဦးခိုင်ဇော်ထွန်း၊ ဒေါ်နှင်းနှင်းထွေးနှင့် ပါတီဝင်များ၊ လူငယ်ကေဒါများ၊ ပါတီအမျိုးသမီးရေးရာ အဖွဲ့ဝင်များအပါအ၀င် အင်အား (၂၀) ကျော်ခန့် တက်ရောက်၍ ဗိုလ်ချုပ်အောင်ဆန်းနှင့်တကွ ကျဆုံးလေပြီးသော အာဇာနည်ခေါင်းဆောင်ကြီးများအား လွမ်းသူ့ပန်းခွေချ ဂုဏ်ပြု အလေးပြုခဲ့ကြကြောင်း သိရှိရသည်။
တနိုင်းမြို့နယ် ပြည်ခိုင်ဖြိုးပါတီ မျက်နှာစုံညီအစည်းဝေးနှင့် ပြန်လည်ရွေးချယ်ဖွဲ့စည်းရေး ကျင်းပပြီးစီး
ကချင်ပြည်နယ်၊ မြစ်ကြီးနားခရိုင်၊ တနိုင်းမြို့နယ် ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ မျက်နှာစုံညီအစည်းအဝေးနှင့် ပြန်လည်ရွေးချယ်ဖွဲ့စည်းရေးအခမ်းအနားကို ဇူလိုင်လ (၁၆) ရက် နံနက် (၉) နာရီခွဲအချိန်က မြို့နယ်ပါတီရုံး အစည်းဝေးခန်းမ၌ ပြုလုပ်ရာ အခမ်းအနားသို့ ရွေးချယ်ခံ ကိုယ်စားလှယ်များ၊ ရပ်စည်း ရပ်/ကျေး ပ-ဒု စည်းမှူးများ၊ စုစုပေါင်း (၆၅)ဦး တက်ရောက်ခဲ့ကြသည်။
မိုးညှင်းပြည်ခိုင်ဖြိုးပါတီ လုပ်ငန်းညှိနှိုင်းစည်းဝေး
ကချင်ပြည်နယ် မိုးညှင်းမြို့နယ် ဟိုပင်ဒေသ ဟိုပင်ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီရုံး၌ ဇူလိုင်လ (၁၄) ရက် နေ့လည် (၁) နာရီအချိန်က ပြန်လည် ရွေးချယ်ရေးအတွက် လုပ်ငန်းညှိနှိုင်း အစည်းအဝေးကျင်းပရာ မိုးညှင်းခရိုင် ပါတီ အမှုဆောင် ဦးတင်ဌေး၊ ဟိုပင်တွဲဘက်တာဝန်ခံ ဦးဌေးဝင်း (မိုးညှင်း လူငယ်ရေးရာတာဝန်ခံ) ဦးဖုန်းမြင့်၊ ဦနေမျိုးလင်းနှင့် ရပ်ကျေး(၁၂)အုပ်စုမှ ပ-ဒု ခေါင်ဆောင် လူငယ်အဖွဲ့ စုစုပေါင်း (၃၀)ဦးခန့်တက်ရောက်၍ ညှိနှိုင်း ဆွေးနွေးခဲ့ကြသည်။
ရွှေကူမြို့နယ် ပြည်ခိုင်ဖြိုးပါတီမျက်နှာစုံညီစည်းဝေးအကြို လုပ်ငန်းညှိနှိုင်း
ကချင်ပြည်နယ်၊ ဗန်းမော်ခရိုင်၊ ရွှေကူမြို့နယ် ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ မျက်နှာစုံညီ အစည်းအဝေးအကြို လုပ်ငန်းညှိနှိုင်း အစည်းအဝေးကို ဇူလိုင်လ (၁၁) ရက်နေ့ နေ့လည် (၂) နာရီ အချိန်က ကျင်းပပြုလုပ်ခဲ့သည်။
အစည်းအဝေးသို့ ပြည်နယ်ပါတီကော်မတီဝင် ဦးဝင်းမောင်သိန်း၊ ခရိုင်ပါတီ ကော်မတီဝင် ဦးသန်းထိုက်၊ မြို့နယ်ပါတီအတွင်းရေးမှူးနှင့် ကော်မတီဝင်များ၊ အခမ်းအနားကျင်းပရေးကော်မတီများ စုစုပေါင်း (၁၅) ဦး တက်ရောက် ခဲ့ကြသည်။
ဝိုင်းမော်မြို့နယ်ပြည်ခိုင်ဖြိုး ပါတီလုပ်ငန်းညှိနှိုင်းစည်းဝေး
ကချင်ပြည်နယ်၊ မြစ်ကြီးနားခရိုင်၊ ၀ိုင်းမော်မြို့နယ် ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ ကော်မတီဝင်များ အပတ်စဉ် ပုံမှန်လုပ်ငန်းညှိနှိုင်း အစည်း အဝေးကို ဇူလိုင် (၁၁) နာရီအချိန်မှ (၁၂) နာရီအချိန်အထိ မြို့နယ်ပါတီရုံးတွင် ကျင်းပပြုလုပ်ခဲ့ရာ အစည်းအဝေးသို့ ၀ိုင်းမော်မြို့နယ် ပါတီဥက္ကဋ္ဌ၊ မြို့နယ်ပါတီ အတွင်းရေးမှူး၊ ဘဏ္ဍာရေးမှူးနှင့် ကော်မတီဝင်များ တက်ရောက်ခဲ့ကြသည်။