ကျောက်တံခါးမြို့နယ် ပြည်ခိုင်ဖြိုးပါတီ အင်းပတ်လည်အုပ်စုရှိပါတီဝင်များနှင့်တွေ့ဆုံ

ပဲခူးတိုင်းဒေသကြီး ကျောက်တံခါးမြို့နယ် ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ မှ မြို့နယ်ဘဏ္ဍာ ရေးမှူး ဦးနေလင်းထွန်းနှင့် ပါတီတာဝန်ရှိသူများသည် ဒီဇင်ဘာလ ၁ ရက်နေ့ နံနက်ပိုင်းက အင်းပတ်လည် ကျေးရွာအုပ်စုရှိပါတီဝင်များနှင့်တွေ့ဆုံခဲ့သည် ။ တွေ့ဆုံခဲ့ရာတွင်ပါတီ၏ရေးရာကော်မတီအဖွဲ့များ ဖွဲ့စည်း နေမှုများ ၊ မြို့နယ်ပါတီဥက္ကဌ၏လမ်းညွန်မှာကြားချက်များ ၊ မြို့နယ်ပါတီကော်မတီ၏လုပ်ဆောင်နေမှုများ ၊ ရပ်ကွက် / ကျေးရွာအုပ်စုရှိပါတီများပြန်လည်စုစည်းမှု စသည်တို့ရှင်းလင်းပြောကြားခဲ့သည် ။ ရှင်းလင်း ဆွေးနွေးချက်များအပေါ်ပါတီဝင်များမှ မေးမြန်း အကြံပြု ပြန်လည်တင်ပြခဲ့သည် ။

ပဲခူးတိုင်းဒေသကြီး ပြည်ခိုင်ဖြိုးပါတီသို့ ပါတီ၏ မူဝါဒအားနှစ်ခြိုက်သဖြင့်ပါတီဝင်အသစ် ၁၅၀ ကျော် ဝင်ရောက်ခဲ့

ပဲခူးတိုင်းဒေသကြီး ပဲခူးမြို့နယ် ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ မြို့နယ်ဥက္ကဌ ဦးမင်းခန့်ကျော် နှင့် မြို့နယ်ပါတီအတွင်းရေးမှူးတို့၏ စီမံလမ်းညွန်မှု မြို့နယ်ကော်မတီဝင်များ ၏စည်းရုံးရေးဆိုင်ရာ မြေပြင်လုပ်ငန်းများအား တစိုက်မတ်မတ်အားသွန်ခွန်စိုက် ကြိုးပမ်းအကောင်အထည်ဖော်မှုများကြောင့် ပဲခူးမြို့နယ်ပြည်ခိုင်ဖြိုးပါတီသို့ ကျောက်တန်းကျေးရွာမှဒေသခံပြည်သူများမှ ဒီဇင်ဘာလ ၁ ရက်နေ့က ပါတီဝင်အသစ် အင်အား ၁၅၀ ကျော်မှ ပါတီဝင်အဆိုပြုလွှာများတင်သွင်းလျှောက်ထားခဲ့သည်။

ပဲခူးမြို့နယ် ပြည်ခိုင်ဖြိုးပါတီဥက္ကဌနှင့်အဖွဲ့ ဝမ်းဘဲအင်းကျေးရွာရှိပါတီဝင်များနှင့်တွေ့ဆုံဆွေးနွေး

ပဲခူးတိုင်းဒေသကြီး ပဲခူးမြို့နယ် ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ မြို့နယ်ပါတီ ဥက္ကဌ ဦးမင်းခန့်ကျော် နှင့် မြို့နယ်ပါတီကော်မတီဝင်များသည် ဒီဇင်ဘာလ ၂ ရက်နေ့နံနက်ပိုင်းက ဝမ်းဘဲအင်း ကျေးရွာအုပ်စု ဝမ်းဘဲအင်းကျေးရွာရှိ ပါတီဝင်များနှင့်တွေ့ဆုံဆွေးနွေးခဲ့ကြသည် ။  တွေ့ဆုံခဲ့ရာ တွင်မြို့နယ်ပါတီတာဝန်ဥက္ကဌမှပါတီမှဆောင်ရွှက်နေသောလုပ်ငန်းကိစ္စရပ်များ ၊ ပါတီ၏ပြုပြင်ပြောင်းလဲ နေမှုများ ၊ ရေးရာကဏ္ဍအလိုက်ဖွဲ့စည်းနေမှု ၊ ပါတီဝင်များစီစစ်စုစည်းနေမှုများအား ရှင်းလင်းပြောကြား ခဲ့သည် ။ ရှင်းလင်းပြောကြားချက်များ အပေါ်တက်ရောက်လာကြသော ပတီဝင်များမှ ရှင်းလင်း ပြောကြား ချက်များအပေါ် တက်ရောက်လာကြသောပါတီဝင်များမှ မေးမြန်းဆွေးနွေးခြင်း အကြံပြု တင်ပြခြင်း တို့အားဆောင်ရွှက်ခဲ့ကြသည် ။ အစည်းအဝေးသို့တက်ရောက်လာကြသူများအား မြို့နယ်ပါတီဥက္ကဌနှင့် မြို့နယ်ပါတီကော်မတီဝင်များမှ အနေကဇာတင်ပြီးသော ဗုဒ္ဓဆင်းတုတော်များအားပေးအပ်လှူဒါန်းခဲ့သည် ။

နယ်မြေကွင်းဆင်း၍ ရက်(၉၀)စီမံချက် များအား အကောင်အထည်ဖော်ဆောင်ရွက်

ရှမ်းပြည်နယ်မြောက်ပိုင်း၊ ကျောက်မဲခရိုင် ၊ သီပေါမြို့နယ်တွင် ရက် (၉၀)စီမံချက်ပါ လုပ်ငန်း စဉ်များအား မြို့နယ် ဥက္ကဌ ဦးအောင်အောင်၊ အတွင်းရေးမှူး ဦးစိုင်းခင်မောင်ရွှေ၊ ဘဏ္ဍာ ရေးမှူး  ဦးညီညီထွေး၊ လူငယ် ရေးရာတာဝန်ခံ ဦးမိုးဝင်း၊အမျိုးသမီးရေးရာတာဝန်ခံ ‌‌ဒေါ်လှလှဝင်း နှင့် မြို့နယ်ကော်မတီဝင်များ၊ မြို့နယ်အရံ ကော်မတီဝင်များ၊ရပ်/ကျေး ပါတီဥက္ကဌ များ သည် နယ်မြေဒေသလုံခြုံရေးအခြေအနေအရ ၂၀၂၂ ခုနှစ်၊ဒီဇင်ဘာလ(၁) ရက်နေ့မှစ၍ စတင် ဆောင်ရွက်လျှက်ရှိကြောင်းသိရပါသည်။

ပန္နက်ရိုက် မင်္ဂလာအခမ်းအနားသို့တက်ရောက်ပြီး လှူဖွယ်ပစ္စည်းများလှူဒါန်း

ရှမ်းပြည်နယ်မြောက်ပိုင်း  နမ့်ခမ်းမြို့နယ် ဆာလူကျေးရွာအုပ်စု ကြူဆိုင်းရွာ ရွှေကံကော်တောင်ပေါ်တွင် တည်ထားကိုးကွယ်မည့် ရွှေတိဂုံပုံတူအောင်တော်မူ စေတီတော်မြတ်ပန္နက်ရိုက် အခမ်းအနားသို့ ရှမ်းပြည်နယ် မြောက်ပိုင်း မူဆယ်ခရိုင် ပါတီဝင် ဦးမိုင်းလှအောင်၊ နမ်းခမ်းမြို့နယ်ပါတီဥက္ကဋ္ဌ ဦးမိုင်းထွန်းအောင် ဦးဆောင်သောအဖွဲ့တက်ရောက်ကြည်ညိုပြီး လှူဒါန်းဖွယ်ရာများဆပ်ကပ်လှူဒါန်းခဲ့ကြ ကြောင်းသိရှိရပါသည်။


ရပ်/ ကျေးများနှင့်တွေ့ဆုံညှိနှိုင်းအစည်းအဝေးပြုလုပ်

ဗန်းမော်မြို့နယ် ပြည်ခိုင်ဖြိုးပါတီရုံး၌ရပ်/ကျေးပါတီ ဥက္ကဌများနှင့်တွေ့ဆုံ၍လုပ်ငန်းညှိနှိုင်း အစည်းအဝေး ပြုလုပ်၍ ရက်(၉၀)စီမံချက်နှင့်PRစနစ်အ​ကြောင်း အသေးစိတ်ရှင်းလင်းဆွေးနွေးခဲ့ပြီး တက်ရောက်လာ သည့်ရပ်/ကျေးများ၏ သိရှိလိုသည့်အကြောင်းအရာများအပေါ် မြို့နယ်ဥက္ကဋ္ဌမှပြန်လည်ရှင်းလင်း ခဲ့ပါသည်။


ရက်(၉၀)စီမံချက်အား ရှင်းလင်း

တောင်ကြီးမြို့နယ်ပြည်ခိုင်ဖြိုးပါတီမြို့နယ်ပါတီဥက္ကဌဦးအောင်သူရရှင်းဦးဆောင်၍ မြို့နယ်အတွင်းရေးမှူး နှင့်မြို့နယ်ပါတီ ကော်မတီဝင်များလိုက်ပါလျှက်  ကျောင်းကြီးစုရပ်ကွက် ရပ်ကွက်ပါတီရုံးတွင် ရပ်ကွက် ပါတီ ဥက္ကဌ နှင့်ကော်မတီဝင်များ တွေ့ဆုံပြီး ပါတီချမှတ်ထားသည့် လုပ်ငန်း လမ်းညွှန်ချက် ရက်ပေါင်း (၉၀)အတွင်း ဆောင်ရွက်ရမည့် လုပ်ငန်းစဉ်များအားချပြ ရှင်းလင်းဆွေးနွေးခဲ့ကြောင်းသိရှိရပါသည်။


ကျောက်ဆည်မြို့နယ် ပြည်ခိုင်ဖြိုးပါတီ မှ ပါတီဝင်အင်အား ကျစ်လစ်ခိုင်မာရေး စီစစ်ခြင်း နှင့် ဝန်းရံပါတီ ဝင်အင်အားတိုးပွားရေးအတွက် ‌နယ်မြေကွင်းဆင်းဆောင်ရွက်

မန္တလေးတိုင်းဒေသကြီး ကျောက်ဆည်မြို့နယ် ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီသည် ပါတီဗဟို ဌာနချုပ်၏ လမ်းညွှန်ချက်ဖြစ်‌သော ပထမ(၃)လပတ်၊ရက်(၉၀) စီမံချက်ပါ လုပ်ငန်းစဉ်တစ်ခုဖြစ်သော ပါတီဝင်အင်အားကျစ်လစ်ခိုင်မာရေးအတွက် ပါတီဝင်များကို တစ်ဦးချင်းစီစစ်ခြင်းလုပ်ငန်းနှင့် မိမိတို့ပါတီ အား ဝန်းရံအားပေးထောက်ခံသူများတိုးပွားလာစေရေး အတွက် နယ်မြေကွင်းဆင်းဆောင်ရွက်ခြင်းများကို နယ်မြေမှူးများမှ ဆောင်ရွက်လျှက်ရာ (၂-၁၂-၂၀၂၂) ရက်နေ့ နံနက် ( ၁၀း၀၀ ) နာရီ အချိန်မှ စတင်ဆောင်ရွက်ခဲ့ပါသည်။