မြန်မာ-တရုတ်စီးပွားရေးစင်္ကြံအကောင်အထည်ဖော်ရေး ဆွေးနွေး
ဒေါ်အောင်ဆန်းစုကြည်က ‘ The Belt and Road’အကောင်အထည်ဖော်ဆောင် ရေးဆိုင်ရာ ဦးဆောင်ကော်မတီ ဥက္ကဋ္ဌအဖြစ် တာဝန်ယူထားပြီး ဖြစ်၍ မြန်မာ – တရုတ်စီးပွားရေး စင်္ကြံအကောင်အထည်ဖော်ရန် မြန်မာနိုင်ငံက တက်ကြွသည့်သဘောထားကို အပြည့်အ၀ဖော်ပြ နိုင်ကြောင်း မြန်မာနိုင်ငံဆိုင်ရာ တရုတ်သံရုံးက သတင်း ထုတ်ပြန်သည်။
မြန်မာ – တရုတ်နှစ်နိုင်ငံ ကြား ၂၀၁၇ နှစ်ကုန်တွင် သဘောတူညီခဲ့သည့် ‘The Belt and Road’ အဆိုပြုချက် အောက်၌ မြန်မာ-တရုတ်စီးပွားရေးစင်္ကြံ အကောင်အထည်ဖော်ရေး သဘော တူညီချက်ကို တစ်ဆင့်တက်ရန် တရုတ်အမျိုးသား ဖွံ့ဖြိုးတိုးတက်ရေးနှင့် ပြုပြင်ပြောင်းလဲရေး ကော်မရှင် ဒုတိယဥက္ကဋ္ဌသည် နိုဝင်ဘာ ၂၄ ရက်မှ ၂၇ ရက်အထိလေးရက်ကြာ မြန်မာ နိုင်ငံသို့ လာရောက်ခဲ့သည်ဟု တရုတ်သံရုံးက ထုတ်ပြန်သည်။
၎င်းသည် ဒေါ်အောင်ဆန်းစုကြည်နှင့်တွေ့ဆုံပြီး လျှပ်စစ်နှင့်စွမ်းအင်၊ စီးပွားကူးသန်း၊ ဟိုတယ်ခရီးဝန်ကြီး အပါအ၀င် ၀န်ကြီးများနှင့်လည်း တွေ့ဆုံကာ လုပ်ငန်းအစည်းအဝေးများ ပြုလုပ်ခဲ့ကြောင်း ထုတ်ပြန်ချက်တွင် ဖော်ပြထားသည်။ ဒေါ်အောင်ဆန်းစုကြည် ဥက္ကဋ္ဌအဖြစ်တာဝန်ယူထားသော အဆိုပါကော်မတီတွင် တိုင်းဒေသ ကြီး၊ ပြည်နယ်ဝန်ကြီးချုပ်များ လည်း ပါဝင်သည်ဟု တရုတ်သံရုံး က ဆိုထားသည်။
တရုတ်ကိုယ်စားလှယ်အဖွဲ့သည် မြန်မာနိုင်ငံအတွင်းရှိ CITIC, CCCC, CRG နှင့် Yunnan Provincial Energy Investment Group စသည့်ကုမ္ပဏီ များ အကောင်အထည်ဖော်နေသည့် စီမံကိန်းများကိုလည်း ကွင်းဆင်း လေ့လာခဲ့သည်ဟုဆိုသည်။ တရုတ် – မြန်မာစီးပွားရေး စင်္ကြံတည်ထောင်ရေးသည် တရုတ်နိုင်ငံ ယူနန်ပြည်နယ်မှ ရန်ကုန်နှင့်ကျောက်ဖြူသို့ဖြာ ထွက်သည့် စင်္ကြံနှစ်ခုကို အဓိကဒေသအဖြစ် သတ်မှတ်ထားသည်။ ထို သတ်မှတ်ချက်သည် နှစ်နိုင်ငံဘက်စုံစီးပွားကုန်သွယ်ရေးနှင့် ရင်းနှီးမြှုပ်နှံမှုဆိုင်ရာပူးပေါင်း ဆောင်ရွက်မှုလည်း ဖြစ်သည်ဟု တရုတ်သံရုံး က ဆိုထားသည်။
အဆိုပါစင်္ကြံသည် နှစ်နိုင်ငံ အခြေခံအဆောက်အအုံအပြန် အလှန်ချိတ်ဆက်ရေး၊ လယ်ယာ စိုက်ပျိုးရေး၊ စွမ်းအင်၊ ငွေရေး ကြေးရေး၊ ခရီးသွားလာရေး၊ ဒစ်ဂျစ်တယ်ပိုးလမ်းမကြီး၊ နယ်စပ်စီးပွားရေး ဇုန်များ ဆောင်ရွက် ရန်ဖြစ်သည်။ ထို့အပြင် တရုတ်နိုင်ငံအနောက်ပိုင်းဒေသ၏ တံခါး ဖွင့်လှစ်တိုးတက်ရေးကို မြှင့်တင် ရန်ဖြစ်သည်ဟု တရုတ်သံရုံးက ဆိုထားသည်။
အဆိုပါစင်္ကြံအကောင်အထည်ဖော်ရေး ကျောက်ဖြူအထူး စီးပွားရေးဇုန် ရေနက်ဆိပ်ကမ်း စီမံကိန်းမူဘောင် သဘောတူစာချုပ်၊ မူဆယ်-မန္တလေးရထား လမ်းစီမံကိန်းဖြစ်နိုင်ခြေလေ့လာ မှု၊ နားလည်မှုစာချွန်လွှာစသည် တို့ကို လက်မှတ်ရေးထိုးထားသည်။ ရန်ကုန်မြို့သစ်၊ တရုတ် -မြန်မာနယ်စပ်စီးပွားရေးဇုန်စ သည်တို့အတွက်လည်း ညှိနှိုင်း နေဆဲဖြစ်သည်ဟု တရုတ်သံရုံးက သတင်းထုတ်ပြန်သည်။
