ခွဲမထွက်ရေးနှင့် ခွဲထွက်စရာမလိုသည့် ပြည်ထောင်စုဖြစ်ရေး များစွာအရေးကြီးကြောင်း ဒေါ်အောင်ဆန်းစုကြည် ပြောကြား

ပြည်ထောင်စုမှခွဲမထွက်ရေးနှင့် ခွဲထွက်စရာမလိုသည့် ပြည်ထောင်စုဖြစ်ရေး များစွာအရေးကြီးကြောင်း နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က ပြောကြားသည်။အောက်တိုဘာ ၁၅ ရက်က နေပြည်တော်၌ ပြုလုပ်သည့် အစိုးရနှင့် တစ်နိုင်ငံလုံးအပစ်ရပ်စာချုပ် လက်မှတ်ထိုးတိုင်းရင်းသား လက်နက်ကိုင်အဖွဲ့ခေါင်းဆောင်များ သီးသန့်အစည်းအဝေးမိန့်ခွန်းတွင် ထည့်သွင်းပြောကြားသည်။

တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင်၊ NCA လက်မှတ်ထိုးတိုင်းရင်းသား လက်နက် ကိုင် ၁၀ ဖွဲ့မှ ခေါင်းဆောင်များစသည့် ငြိမ်းချမ်းရေး လုပ်ငန်းစဉ်နှင့်ပတ်သက်ပြီး အဆုံးအဖြတ်ပေးနိုင်သူများ တက်ရောက်သော ထိပ်သီးဆွေးနွေးပွဲတွင် ဒေါ်အောင်ဆန်းစုကြည်က အချက်သုံးချက် အလေးထား ပြောကြားရာ ခွဲမထွက်ရကိစ္စကို ပထမဆုံးပြောကြားခဲ့သည်။

အဆိုပါကိစ္စပြေလည်မှုမရ၍ ၂၀၁၇ မေလက ကျင်းပသော ပြည်ထောင်စုငြိမ်းချမ်းရေးညီလာခံ- ၂၁ ရာစုပင်လုံ ဒုတိယအစည်းအဝေး၌ ခွဲမထွက်ရေးဆိုသည့်အချက်နှင့် တိုက်ရိုက်ဆက်စပ်နေသော ကိုယ်ပိုင်ပြဋ္ဌာန်းခွင့်၊ ပြည်နယ်များ၏ ကိုယ်ပိုင်အခြေခံဥပဒေရေးဆွဲရေးစသည့် ကိစ္စများကို သဘောတူညီချက်ရပြီးမှ ချန်လှပ်ခဲ့ရသည် ဟု ဒေါ်အောင်ဆန်းစုကြည်က ပြောသည်။ ပြည်ထောင်စု၏ လက်ရှိတည်ရှိမှုကို လက်ခံထားပါက ခွဲမထွက်ရေး သည် ပြဿနာမဟုတ်ကြောင်း၊ တိုင်းရင်းသားများ အစဉ်တစိုက် တောင်းဆိုခဲ့သည့် ဒီမိုကရေစီနှင့် ဖက်ဒရယ်ပြည် ထောင်စုကို ဦးတည်ပြီး ခိုင်မာစွာ အကောင်အထည်ဖော်မည် ဖြစ်ကြောင်း ၎င်းက ထပ်လောင်းပြောကြားသည်။

‘‘ဒီနေရာမှာ ခွဲမထွက်ရေးက အရေးကြီးသလို ခွဲမထွက်ချင်တဲ့၊ ခွဲထွက်စရာမလိုတဲ့ ပြည်ထောင်စု ကြီးဖြစ်လာ အောင် အားလုံးလက်တွဲပူးပေါင်းပြီး အကောင်အထည် ဖော်ဖို့ကလည်း အင်မတန်အရေး ကြီးတယ်ဆိုတာကို ပြောချင်ပါတယ်။ စိုးရိမ်မှုတွေ ဖြစ်တည်လာစေခဲ့တဲ့ သမိုင်းကြောင်းအဖြစ်အပျက်တွေကို ကျွန်မတို့အသိအမှတ် ပြုဖို့လိုပါတယ်။ ဒါပေမဲ့ ဒီအတိတ်သမိုင်းကနေ ရုန်းထပြီး အားလုံးအတွက် ပိုမိုကောင်းမွန်တဲ့ အနာဂတ်ဆီကို ဆက်လက်ဦး တည်လျှောက်လှမ်းကြဖို့ အရေး ကြီးပါတယ်’’ဟု ဒေါ်အောင်ဆန်းစုကြည်က ပြောသည်။

စိုးရိမ်မှုကိုယ်စီရှိနေခြင်းကို ဟန်ချက်ညီမျှရေးကြိုးစားရာတွင် လက်ရှိ ၂၁ ရာစုအခြေအနေကို လက်တွေ့ကျကျ ရှုမြင်ကြရန်၊ အနာဂတ်ကို မျက်နှာမူကြရန် ၎င်း က ဆိုသည်။ ထို့အပြင် နိုင်ငံတကာ ပထဝီနိုင်ငံရေးအပြင် ပြည်နယ်အလိုက် ပထဝီနိုင်ငံရေးကို ထည့်သွင်းစဉ်းစားကြရန်လည်း အရေးကြီးသည်ဟု ၎င်းကပြောသည်။ အားလုံးလိုချင်နေသည့် ပြည်ထောင်စုကို ပုံဖော်နိုင်ရေး၊ နိုင်ငံရေးသဘောတူညီချက်များ ရယူရေးကိစ္စနှင့် ပတ်သက်ပြီး ဒေါ်အောင်ဆန်းစုကြည်က အလေးထား ပြောကြားသည်။ ဖက်ဒရယ် ပြည်ထောင်စု အိပ်မက်ကို အကောင်အထည် ဖော်ရေး                                                                   စိတ်ကူးပုံဖော်ရာတွင် လက်တွေ့ကျကျ စဉ်းစားရန်လို အပ်သည်ဟု ၎င်းက ဆိုသည်။

‘‘ကျွန်မတို့ ဖက်ဒရယ်အိပ်မက်ကို ဘယ်လိုအကောင်အထည်ဖော်မှာလဲဆိုတာကို လက်တွေ့ကျကျ စဉ်းစားဖို့ လိုပါတယ်။ စိတ်ကူးစံပြုဖက်ဒရယ်အိပ်မက်က တစ်ဖက်မှာ ရှိနေပြီး ဒီကနေ့ ၂၀၀၈ ဖွဲ့စည်းပုံအခြေခံဥပဒေရဲ့ အရှိတရားကလည်း တစ်ဖက်မှာရှိနေပါတယ်။ ဒီနှစ်ခုအကြားမှာ လက်နက်ကိုင်ပဋိပက္ခ ဖြစ်ပွားစေခဲ့တဲ့ အကြောင်း ရင်းခံတွေကို တစ်ခုချင်း ဆွေးနွေးညှိနှိုင်းပြီး တစ်ဆင့်ချင်း ရှေ့ဆက်လျှောက် နိုင်မယ်ဆိုရင် ဖြစ်နိုင်ခြေလည်းရှိ၊ လက်တွေ့လည်းကျ၊ အကောင်အထည်ဖော်ကျင့်သုံးဖို့လည်း အဆင်ပြေနိုင်မယ့်အခြေအနေတစ်ရပ်ကို ကျွန်မတို့ ရောက်ရှိနိုင်မှာ ဖြစ်ပါတယ်’’ဟု ၎င်းက ပြောသည်။ လက်ရှိ ငြိမ်းချမ်းရေးလုပ် ငန်းစဉ်ကို တုံ့ဆိုင်းစေသည့်အဓိ ကအချက်ဖြစ်သော ခွဲမထွက်ရ ကိစ္စနှင့်ပတ်သက်ပြီး ဗိုလ်ချုပ်မှူး ကြီးမင်းအောင်လှိုင်နှင့် ကရင်အမျိုးသား အစည်းအရုံး (KNU)ဥက္ကဋ္ဌဗိုလ်ချုပ်ကြီး စောမူတူးစေး ဖိုးတို့ကလည်း ၎င်းတို့မိန့်ခွန်းတွင် အလေးထားပြောကြား ခဲ့သည်။

ပြည်ထောင်စုသဘောတူစာချုပ် တွင် ခွဲမထွက်ရအချက် ထည့်ရန် လိုဟု တပ်ချုပ်ပြော

ပြည်ထောင်စုငြိမ်းချမ်းရေး ညီလာခံတွင် ဆွေးနွေးရခက်နေသည်ဆိုသည့် ခွဲမထွက်ရစကားသည် ထာဝရ ငြိမ်းချမ်းရေး အတွက် အမှန်တကယ်လိုအပ်သည့် စကားရပ်တစ်ခုဖြစ်ပြီး အာမခံချက် တစ်ခုဖြစ်သည်ဟု ဗိုလ်ချုပ်မှူးကြီးမင်းအောင်လှိုင် က ပြောသည်။ ‘‘လက်နက်ကိုင်လမ်းစဉ်ကို စွန့်ပြီး နိုင်ငံရေးဆွေးနွေးပွဲတွေ ပြုလုပ်ရာမှာ အမြဲဦးတည်ထားရမှာက တို့တာဝန် အရေး သုံးပါးဖြစ်ပါတယ်။ ဒါကြောင့် ပြည်ထောင်စုပြိုကွဲရေး၊ တိုင်းရင်းသား စည်းလုံးညီညွတ်မှုပြိုကွဲရေးကို ဦးတည်တဲ့ကိစ္စတွေကို မူလဆွေးနွေးမှုမှာ ကတည်းက ရှောင်ရှားဖို့လိုမှာဖြစ်ပါ တယ်’’ဟု ၎င်းကဆိုသည်။ ပြည်ထောင်စု၏မည်သည့် အစိတ်အပိုင်းကိုမဆို  ပြည်ထောင်စုက ခွဲထွက်ခြင်း မပြုရဟု ၂၀၀၈ ဖွဲ့စည်းပုံ အခြေခံဥပဒေ၌ အတိအလင်းပြဋ္ဌာန်းထားပြီးဖြစ် သည်ဟုလည်း ပြောသည်။

ငြိမ်းချမ်းရေးညီလာခံများ ဖြစ်ပေါ်လာရေးအစဖြစ်သော ၂၀၁၁ သြဂုတ်က သမ္မတဦးသိန်းစိန် ၏ငြိမ်းချမ်းရေး ဆွေးနွေးရန် ဖိတ်ခေါ်မှုတွင်လည်း တို့တာဝန် အရေးသုံးပါးကို လိုက်နာရန်၊ ခွဲထွက်ရေးကို မပြောရန် သဘောတူ ဆွေးနွေးခဲ့သည်ကို အမှတ်ရရန် လိုသည်ဟုလည်း ဗိုလ်ချုပ်မှူးကြီးမင်းအောင်လှိုင်က ပြောသည်။ ‘‘ဒါကြောင့် ခွဲမထွက်ရဆို တဲ့ သဘောတူညီချက်ကို ထည့် သင့်၊ မထည့်သင့် အငြင်းပွားနေ စရာမလိုပါဘူး။ NCA ရဲ့အခြေခံ မူ ၂၀၀၈ အခြေခံဥပဒေရဲ့အခြေ ခံမူတွေအရ ထည့်ကိုထည့်ရမယ့် သဘောတူညီချက်ဖြစ်ကြောင်း ကျွန်တော်ပြောလို ပါတယ်’’ဟု ၎င်းက ဆိုသည်။

ဥပဒေကဲ့သို့ သဘောသက်ရောက်သည့် ပြည်ထောင်စုသဘောတူစာချုပ်တွင်လည်း ခွဲမထွက်ရဆိုသည့် တားမြစ်ချက်ကို ဖော်ပြထားမှသာ ပြည့်စုံမည်ဟု တပ်ချုပ်က ပြောသည်။ ‘‘ခွဲမထွက်ရ ဆိုတဲ့တားမြစ် ချက်ကို ထည့်သွင်းရခြင်းဟာ တချို့အဖွဲ့အစည်းများ ပြောသလို တိုင်းရင်းသားညီအစ်ကိုမောင်နှမများအပေါ် မယုံကြည်လို့ မဟုတ်ပါဘူး။ ရေရှည်အတွက် အာမခံ ချက်အပြည့်ရှိစေဖို့ ယုံကြည်ချင် လို့ တစ်ဦးနဲ့တစ်ဦး သံသယကင်းကင်းနဲ့ ထာဝရငြိမ်းချမ်းရေးလမ်းပေါ်မှာ အတူတကွ လက်တွဲချင်လို့သာဖြစ်ကြောင်း ပြောကြားလိုပါတယ်’’ ဟု တပ်မတော် ကာကွယ်ရေး ဦးစီးချုပ်ကဆိုသည်။

NCA ကို တလွဲအသုံးမချရန် တပ်ချုပ်ပြော

‘‘ RCSS(SSA) အဖွဲ့ဟာဆိုရင် နိုင်ငံရေးနဲ့ လုံခြုံရေးအ ကြောင်းပြချက်အမျိုးမျိုးနဲ့ ပြောင်းလဲဖွဲ့စည်းလာတဲ့၊  ဦးခွန်ဆာခေါင်းဆောင်တဲ့ (MTA)အဖွဲ့က ၁၉၉၆ ခုနှစ် ဇန်နဝါရီ ၅ ရက်နေ့မှာ အစိုးရထံ လက်နက်အပ်နှံပြီး ဥပဒေဘောင်အတွင်း ဝင်ရောက်လာရာကနေ ဇန်နဝါရီလအကုန်မှာ ပြန်လည်ခွဲထွက်တောခိုခဲ့တဲ့ အဖွဲ့ဖြစ်ပါ တယ်။ NCA စာချုပ်ကို သဘောတူလက်မှတ်ရေးထိုးထားပြီး နိုင်ငံရေးလက်နက်အင်အား၊ လူအင်အား တည်ဆောက်မှု သတ်မှတ်ပေးထားတဲ့ နယ်မြေထက် အဆများစွာ ကျော်လွန်ပြီး နယ်မြေတည်ဆောက်မှုတွေ ပြုလုပ် နေလို့ အခြားတိုင်းရင်းသားလက် နက်ကိုင်အဖွဲ့တွေနဲ့ ပဋိပက္ခများ ဖြစ်ပွားလျက်ရှိတာကို တွေ့ရပါ တယ်။ NCA ကို တလွဲအသုံးမချဖို့ ပြောလိုပါတယ်။ တလွဲအသုံး ချရင် တိုင်းရင်းသားပြည်သူလူထု ရဲ့ အသက်အိုးအိမ် စည်းစိမ်ကို အကာအကွယ်ပေးဖို့ တာဝန်ရှိတဲ့ တပ်မတော်အနေနဲ့ လက်ပိုက် ကြည့်နေနိုင်မှာ မဟုတ်ကြောင်း အသိပေးလိုပါတယ်’’ ဟု ဗိုလ်ချုပ်မှူးကြီး မင်းအောင်လှိုင်က ထည့်သွင်းပြောကြားသည်။

ဖက်ဒရယ်ကို ရှာဖွေရာ၌ ခွဲထွက် ရေး၊ ခွဲမထွက်ရေးကိစ္စနှင့်ဆက် စပ်ထားရန်မလိုဟု KNU ဥက္ကဋ္ဌ ပြော

နိုင်ငံရေးဆွေးနွေးပွဲများမှ တစ်ဆင့် တိုင်းပြည်အတွက် လို အပ်သည့် ဖက်ဒရယ်အခြေခံမူများကို  ရှာဖွေရာတွင် အမျိုးသား တန်းတူရေး၊ ကိုယ်ပိုင်ပြဋ္ဌာန်းခွင့်၊ လူနည်းစုအခွင့်အရေး၊ ပြည်နယ် ဖွဲ့စည်းပုံအခြေခံဥပဒေရေးဆွဲရေး၊ အာဏာခွဲဝေရေးစသည့် အချက်များအပေါ် အခြေခံသည့် ဖက်ဒရယ်နှင့် တိုက်ရိုက်ပတ်သက်သော မူသဘော များကို ရှာ ဖွေဖော်ထုတ်ရန် လိုအပ်သည်ဟု KNU ဥက္ကဋ္ဌ ဗိုလ်ချုပ်ကြီးစောမူ တူးစေးဖိုးက ပြောသည်။

‘‘ဒါကြောင့် ဖက်ဒရယ်မူကို ရှာဖွေတဲ့နေရာမှာ ခွဲထွက်ရေး၊ ခွဲ မထွက်ရေးဆိုတဲ့ကိစ္စမျိုးနဲ့ ဆက် စပ်ထားစရာ မလိုပါဘူး။ စိုးရိမ် စိတ်ရှိမယ်ဆိုရင်လည်း ကျွန်တော်တို့လိုချင်တဲ့ ကိုယ်ပိုင်ပြဋ္ဌာန်းခွင့်ဟာ ဘယ်လိုမျိုး အခွင့်အရေး လည်းဆိုတာကို တင်ပြချင်ပါတယ်’’ဟု ၎င်းကဆိုသည်။ KNU ဥက္ကဋ္ဌသည် NCA လက်မှတ်ထိုးထားသည့်တိုင်းရင်း သားလက်နက်ကိုင် ၁၀ ဖွဲ့ကိုယ်စား ထိပ်သီးဆွေးနွေးပွဲတွင် မိန့်ခွန်းပြောကြားခြင်းဖြစ်သည်။ တိုင်းရင်းသား လက်နက်ကိုင်အဖွဲ့များ လိုလားသည့်ကိုယ် ပိုင်ပြဋ္ဌာန်းခွင့်ဆိုင်ရာ အချက်များ ကို ဗိုလ်ချုပ်ကြီးစောမူတူးစေးဖိုး က ရှင်းပြရာတွင် ခွဲထွက်ခွင့် တောင်းဆိုခြင်းမပါဝင်ပေ။

‘‘ကျွန်တော်တို့တောင်းဆိုတဲ့ ကိုယ်ပိုင်ပြဋ္ဌာန်းခွင့်က ပြည်ထောင်စု တစ်ခုအတွင်းမှာရှိတဲ့ ပြည်နယ်များက ကျင့်သုံး ရမယ့် ကိုယ်ပိုင်ပြဋ္ဌာန်းခွင့်မျိုးဖြစ်တယ်။ ဒါကို ပြည်နယ်ဖွဲ့စည်းပုံအခြေခံ ဥပဒေရေးဆွဲပြဋ္ဌာန်းခြင်းဖြင့် ကျင့်သုံး ရမှာဖြစ်ပါတယ်။ ကျွန်တော်တို့တောင်းဆိုနေတဲ့ ပြည်နယ်ဖွဲ့စည်းပုံ အခြေခံဥပဒေဆိုတာ ပြည်ထောင်စု ဖွဲ့စည်းပုံ အခြေခံဥပဒေ ပြဋ္ဌာန်းချက်နဲ့ သဟဇာတရှိရှိ ရေးဆွဲပြဋ္ဌာန်းရမှာဖြစ်ပြီး တစ်ဆက်တည်းမှာလည်း ဖွဲ့စည်းပုံအခြေခံ ဥပဒေဆိုင်ရာ အငြင်းပွားမှုများကို ဖြေရှင်းနိုင်တဲ့ယန္တရားလည်း ပါရှိ နေမှာဖြစ်ပါတယ်’’ဟု ၎င်းက ဆို သည်။

ဒီမိုကရေစီရေး၊ အမျိုးသား တန်းတူရေးနှင့် ကိုယ်ပိုင်ပြဋ္ဌာန်းခွင့် အခွင့်အရေးများ အပြည့်အဝရရှိရေးသည် တိုင်းရင်းသားများ နှစ်(၇၀)ကျော် တောင်းဆိုခဲ့သည့် အချက်ဖြစ်သည်ဟု KNU ဥက္ကဋ္ဌက ပြောသည်။ တိုင်းရင်းသား များ၏ လိုလားချက်များရရှိရေးအတွက် နိုင်ငံရေးဆွေးနွေးရာ၌ လက်ရှိတွင် အခက်အခဲကြုံနေရ ကြောင်း ၎င်း က ဆိုသည်။ ယင်းအခက်အခဲကို လက်တွေ့ကျစွာ ဖြေရှင်းနိုင်ရေး သည် အားလုံးလိုလားသည့် ဒီမို ကရေစီဖက်ဒရယ်ပြည်ထောင်စု တည်ဆောက်ရေးနှင့် တိုက်ရိုက် ပတ်သက်နေသည်ဟု KNU ဥက္ကဋ္ဌက ပြောသည်။

သတ္တိရှိရှိဖြင့် မဆုံးဖြတ်ကြပါက ပြည်သူအပေါ် တာဝန်ကျေမည် မဟုတ်ဟုဒေါ်အောင်ဆန်းစုကြည်သတိပေး

ပြည်သူ့မျက်နှာမူ၍ ဆုံးဖြတ်ချက်များ သတ္တိရှိစွာ ချမှတ်ရန်နှင့် နိုင်ငံရေးသဘောတူညီချက်ရယူရာတွင် လက်တွေ့ ကျရန် စသည့် အချက်များကို ဒေါ်အောင်ဆန်းစုကြည်က ထိပ်သီးအစည်းအဝေးတွင် အလေးထားပြောကြား သည်။ ဘက်အသီးသီးမှ ခေါင်းဆောင်များအနေဖြင့် တိုင်းရင်းသား ပြည်သူများအားလုံးအတွက် တာဝန်ခံမှု၊ တာဝန်ယူမှုနှင့် တာဝန်သိမှုရှိကြရန် ဒေါ်အောင်ဆန်း စုကြည်က ပြောသည်။

‘‘ဒီကနေ့လို အဆုံးအဖြတ်ပေးနိုင်တဲ့ခေါင်းဆောင်တွေ တက်ရောက်လာတဲ့ အစည်းအဝေးမှာ သဘောတူညီချက် တွေ ချမှတ်နိုင်ဖို့၊ ကျွန်မတို့အားလုံး မိမိ ကိုယ်ကိုယ် ယုံကြည်မှုရှိဖို့၊ ကျွန်မတို့ လျှောက်လှမ်းနေတဲ့ ငြိမ်းချမ်း ရေး လုပ်ငန်းစဉ် အပေါ်မှာ ယုံကြည်မှုရှိဖို့၊ ကျွန်မတို့ရဲ့ နိုင်ငံရေးဆွေးနွေးပွဲတွေကနေ ထွက်ပေါ်လာမယ့် ရလဒ်တွေဟာ လက်တွေ့ကျကျ ဖော်ဆောင်နိုင်မယ် ဆိုတာကို ယုံကြည်မှုရှိဖို့ အထူးပဲ အရေးကြီးပါတယ်’’ဟု ၎င်းကဆိုသည်။ ဆုံးဖြတ်ချက် ချမှတ်နိုင်သည့် ခေါင်းဆောင်များကိုယ်တိုင် တက်ရောက်သည့် အစည်းအဝေး မျိုးတွင် သတ္တိရှိစွာ ဆုံးဖြတ်ချက်များ မချမှတ်နိုင်ပါက ပြည်သူများ အပေါ် တာဝန်မကျေရာ ရောက်စေနိုင်သည်ကို ဒေါ်အောင်ဆန်း စုကြည်က သတိပေးသည်။

‘‘စစ်မြေပြင်မှာ အသက်စွန့်ပြီး တိုက်ခိုက်ကြနိုင်ဖို့ သတ္တိလိုသလို ကျွန်မတို့နိုင်ငံအတွက် အရေးကြီးလှတဲ့ နိုင်ငံရေး ဆုံးဖြတ်ချက်တွေကို ချမှတ်ရာမှာ စိတ် ရင်းစေတနာမှန်နဲ့ ဆုံးဖြတ်နိုင်ဖို့ လည်း သတ္တိလိုပါတယ်’’ဟု ပြောသည်။ အခက်အခဲများနှင့်သဘော တူညီမှုမရနိုင်သေး၍ ညှိနှိုင်းနေရဆဲ ကိစ္စများကို အရှိအတိုင်း လက်ခံပြီး မည်သို့ ကျော်လွှားမည်ဆိုသည်ကို ဆွေးနွေးညှိနှိုင်းရာတွင် နှလုံးသားအပြင် ဦးနှောက်ကိုပါ ဖွင့်ထားကြရန် အရေးကြီး သည် ဟု ၎င်းက ဆိုသည်။

ထိပ်သီးဆွေးနွေးပွဲသို့ NCA မထိုး ရသေးသည့် အဖွဲ့များ ပါဝင်နိုင် ရေးဖိတ်ခေါ်

ဒေါ်အောင်ဆန်းစုကြည်က ၎င်း၏မိန့်ခွန်းနိဂုံးချုပ်တွင် ထိပ်သီးဆွေးနွေးပွဲသို့ တက်ရောက်လာသည့် တပ်မတော် ကာကွယ် ရေးဦးစီးချုပ်၊ ဒုတိယတပ်မတော် ကာကွယ်ရေးဦးစီးချုပ်နှင့် တိုင်းရင်းသား လက်နက်ကိုင် အဖွဲ့အစည်း ခေါင်းဆောင်များ အားလုံးကို အထူးကျေးဇူးတင်ကြောင်း ပြောကြားပြီး ဆွေးနွေးပွဲတွင် မပါနိုင်သေးသည့် ကျန်ရှိနေသော တိုင်းရင်းသားအဖွဲ့ခေါင်းဆောင်များကို အထူးသတိရမိနေသည်ဟု ဆိုသည်။

‘‘သူတို့သာ ပါဝင်လာရင် ဘယ်လောက်ကောင်းလိမ့်မလဲဆိုတဲ့ အတွေးက ကျွန်မသာမက ကျွန်မတို့ရဲ့ ပြည်သူတွေ ကလည်း ခံစားနေမိကြမှာပါပဲ’’ ဟု ဒေါ်အောင်ဆန်းစုကြည်ကပြောသည်။ လက်နက်ကိုင်ပဋိပက္ခများ ဖြစ်ပေါ်လာ စေသည့်အကြောင်း တရားများကို နိုင်ငံရေးစားပွဲဝိုင်းတွင် ညှိနှိုင်းဆွေးနွေးဖြေရှင်းနိုင်ပါက လက်နက်ကိုင်ပဋိပက္ခ များ ချုပ်ငြိမ်းရန် မခက်ခဲဟု ၎င်းက ဆိုသည်။

‘‘ဒီကနေ့ မပါဝင်နိုင်သေးတဲ့ အဖွဲ့တွေ ပါဝင်နိုင်အောင် ကျွန်မတို့ရဲ့ ငြိမ်းချမ်းရေးကော်မရှင်နဲ့ တပ်မတော် ခေါင်းဆောင်တွေက ကြိုးပမ်းနေကြပါတယ်။ အတိတ်က ဖြစ်စဉ်ဖြစ်ရပ်တွေကို သင်ခန်းစာအဖြစ် ထားရှိပြီး ရှေ့ကို ဆက် ပြီး ကျွန်မတို့စားပွဲဝိုင်းတွေဆီ အမြန်ဆုံး ရောက်ရှိလာနိုင်အောင် ကြိုးပမ်းပေးကြဖို့ ကျွန်မတို့ပြည် သူတွေ တွေ့ချင်၊ မြင်ချင်လှတဲ့ မျက်နှာစုံညီ ဆွေးနွေးပွဲကို အရောက်လှမ်းနိုင်အောင် ကြိုးစားပေးကြဖို့ မပါဝင်နိုင်သေးတဲ့ အဖွဲ့ တွေကို ဒီနေရာကနေ တိုက်တွန်း ပြောကြားလိုပါတယ်’’ ဟု ဒေါ် အောင်ဆန်းစုကြည်က ပြောကြားသည်။