စစ်ဖြစ်ပွားခြင်းနှင့်နှိုင်းယှဉ်လျှင် ငြိမ်းချမ်းရေးညီလာခံအတွက် ကုန်ကျငွေသည် လူထုအတွက် အကျိုးရှိ၍ မနှမြောကြရန် UPDJC ဒုဥက္ကဋ္ဌ ဒေါက်တာဆလိုင်းလျန်မှုန်းဆာခေါင်းပြော
စစ်ပွဲများဖြစ်ပွား ခြင်းနှင့် နှိုင်းယှဉ်ပါက ငြိမ်းချမ်း ရေးညီလာခံအတွက် သုံးစွဲသည့် ငွေကြေးသည် ပြည်သူလူထုအ တွက် ပိုမိုအကျိုးရှိ၍ ငွေကြေးသုံးစွဲမှုအပေါ် နှမြောခြင်းမရှိရန် ပြည်ထောင်စုငြိမ်းချမ်းရေးဆွေးနွေးမှု ပူးတွဲ ကော်မတီ (UPDJC) တိုင်း ရင်းသားလက်နက်ကိုင်အစုအဖွဲ့ ဒုဥက္ကဋ္ဌဒေါက်တာဆလိုင်းလျန် မှုန်းဆာခေါင်းက ပြောသည်။
ငွေကြေးများစွာ ကုန်ကျနိုင် သည့် ပြည်ထောင်စုငြိမ်းချမ်းရေး ညီလာခံ ၂၁ ရာစုပင်လုံတတိယ အစည်းအဝေးတွင် ရလဒ်အား နည်းမည့်အပေါ် ဇူလိုင် ၁၅ ရက် က နေပြည်တော်၌ ပြုလုပ်သည့် UPDJC အစည်းအဝေးမစမီ မီဒီ ယာများ၏ မေးမြန်းမှုကို ၎င်းက ထိုသို့ဖြေကြားသည်။ ‘‘နှိုင်းယှဉ်ပြီးပြောရရင် ဒီညီလာခံကျင်းပတာ ငွေတော် တော်များများ ကုန်ပါတယ်။ သို့သော် ဒီမှာကုန်တဲ့ ငွေထက်တိုက် ပွဲတစ်ခါဖြစ်ရင် လေယာဉ်ပျံတွေ၊ အမြောက်တွေ အသုံးပြုပြီးတော့ ကုန်ကျတဲ့ကုန်ကျစရိတ်က ပိုများပါတယ်။ အဲဒါကိုနှိုင်းယှဉ်ပြီးတော့ ပြည်သူလူထုကို ကြည့်စေ ချင်ပါတယ်’’ ဟု ဒေါက်တာဆ လိုင်းလျန်မှုန်းဆာခေါင်းက ယမန်နေ့ကပြောသည်။
ငြိမ်းချမ်းရေးညီလာခံကျင်းပခြင်းသည် ပြည်တွင်းစစ်များရပ်တန့်၍ ရေရှည်ငြိမ်းချမ်းရေးရရှိရန်ဖြစ်ကာ ငြိမ်းချမ်းရေး ရရှိပါက လူထုဘ၀ဖွံ့ဖြိုးရေး ငွေကြေးပိုမိုအသုံးပြုလာနိုင်မည်ဖြစ်ကြောင်း ၎င်းကဆက်လက်ပြောသည်။ ‘‘ထို့အတွက်ကြောင့် ဒါကို မနှမြောဖို့ ကျွန်တော်မေတ္တာရပ်ခံတယ်’’ဟု ၎င်းကပြောသည်။ နှစ်ပေါင်း ၇၀ အတွင်း စစ်ပွဲများတွင်အသုံးပြုသည့် ငွေကြေးများကို ငြိမ်းချမ်းရေးဖြစ်စဉ်နှင့် ပြည်သူလူထု၏ ပညာရေး၊ ကျန်းမာရေး၊ လူမှုဖွံ့ဖြိုးရေးတို့၌ အသုံးပြုခဲ့ပါက ကောင်းမွန်မည်ဖြစ် ကြောင်း ၎င်းကဆိုသည်။
‘‘အခုပြဿနာတွေက ပင်လုံစာချုပ်ချုပ်ဆိုတဲ့အချိန်နဲ့ လွတ်လပ်ရေးမရခင် စပ်ကြားကာလမှာ အပြီးအစီး ဆောင်ရွက်ရမယ့် ကိစ္စကို မဆောင်ရွက်နိုင်ခဲ့လို့ နှစ်ပေါင်း ၇၀ ကြာမှ ကျွန်တော်တို့ ဆောင်ရွက်တဲ့အခါ ပြဿနာ အ သစ်စက်စက်နဲ့ ကိုင်တွယ်တဲ့ပုံစံ မဟုတ်ဘဲ နှစ်ပေါင်း ၇၀ ဆွေး မြည့်ပုပ်သိုးပြီးတော့ အခက်အခဲပေါင်းစုံနဲ့ ရောစပ်တဲ့ ပြဿနာကြီးဖြစ်တဲ့အတွက် ခက်ခဲနေတယ်ဆိုတာကို ပြည်သူလူထု တစ်ရပ်လုံးက နားလည်ပေးဖို့ ကျွန်တော်လေးစားစွာ မေတ္တာရပ်ခံချင်ပါ တယ်’’ ဟု ၎င်းကပြောသည်။ ညီလာခံသည် အားရစရာ မရှိသော်လည်း ပြည်တွင်းငြိမ်း ချမ်းရေးဆွေးနွေးပွဲ ဆက်လက် ပြုလုပ်နိုင်ခြင်း၊ ရလဒ်ပိုင်းအား နည်းသော်လည်း ငြိမ်းချမ်းရေး ဖြစ်စဉ်ကို ထိန်းသိမ်းပေးသည့် ညီလာခံဖြစ်သဖြင့် အကျိုးရှိသည်ဟု မြင်မိကြောင်း ၎င်းကပြောသည်။
ယခု ၂၁ ရာစုပင်လုံ ကျင်းပနိုင်ခြင်းသည် တစ်နှစ်ကျော် ပိတ်ဆို့မှုဖြစ်ပွားနေသည့် ငြိမ်းချမ်းရေးလုပ်ငန်းစဉ် အတွက် လမ်းကြောင်းပွင့်စေသည်ဟု ပအိုဝ်း အဖွဲ့(PNLO) ဒုဥက္ကဋ္ဌခွန်မြင့်ထွန်း က ပြောသည်။ ယခုညီလာခံတွင် ၂၁ ရာစု ပင်လုံကို ပုံမှန်ဆက်လက်ပြုလုပ်ပြီး ဒီမိုကရေစီနှင့် ဖက်ဒရယ်စနစ်ကို အခြေခံသော ပြည်ထောင်စု ထူထောင်ရေးဆိုင်ရာ အခြေခံမူ များရရှိရေး ကြိုးပမ်းမည်ဆိုသည့် အချက်ကို ထုတ်ပြန်ကြေညာမည် ဖြစ်သည်ဟု ၎င်းကဆိုသည်။
‘‘အဲဒါနဲ့ အရေးပါမှုကတော့ ကျွန်တော်တို့အားလုံးဟာ ဒီနေ့ မြန်မာပြည်နိုင်ငံရေး ဆွေးနွေးမှုမှာဒီခေတ်၊ ဒီကာလမှာ ဒီတစ်ကြိမ်ပဲရှိတာ၊ နှစ် ၇၀ မှာ ဒီတစ် ကြိမ်ပဲရှိတာဖြစ်တဲ့အတွက် မိမိ တို့အကြားမှာ မတူညီတဲ့ အမြင် ကွဲပြားမှု တွေရှိမယ်။ သဘောထားရှိမယ်။ သို့သော် အားလုံးရဲ့ အမြင်တွေ၊ မတူညီတဲ့အမြင်တွေ ကို ညှိနှိုင်းပြီးတော့မှ အားလုံးလက်ခံနိုင်မယ့် ဘုံရပ်တည်ချက် တစ်ရပ်ကို ဆွေးနွေးညှိနှိုင်းကြ မယ်ဆိုတာကိုတော့ အားလုံးက သန္နိဋ္ဌာန်ပြုကြတာ ဖြစ်တဲ့အတွက် ဒါအင်မတန်အရေးပါပါတယ်’’ ဟု ခွန်မြင့်ထွန်းက ပြောသည်။
တစ်နိုင်ငံလုံးပစ်ခတ် တိုက် ခိုက်မှုရပ်စဲရေးသဘောတူစာချုပ် (NCA) အရ ပြည်ထောင်စုငြိမ်း ချမ်းရေးညီလာခံ ၂၁ ရာစုပင်လုံ အစည်းအဝေးများ ကျင်းပနေခြင်းဖြစ်သည်။ ၂၀၁၇ မေလက ကျင်းပခဲ့ သည့် ၂၁ ရာစုပင်လုံဒုတိယအ စည်းအဝေးတွင် နိုင်ငံရေးအပါအ၀င် ငြိမ်းချမ်းရေးအတွက် အရေးပါသော ပြည်ထောင်စုသဘောတူစာချုပ် အစိတ်အပိုင်းအဖြစ် သတ် မှတ်သည့် သဘောတူညီချက် ၃၇ ချက် ရရှိခဲ့သည်။
ယင်းသဘောတူညီချက်များသည် အစိုးရ၊ တပ်မတော်၊ လွှတ်တော်၊ နိုင်ငံရေးပါတီနှင့် တိုင်းရင်းသား လက်နက်ကိုင် အဖွဲ့ စသည်တို့မှ ညီလာခံကိုယ်စား လှယ်များ ပါဝင်ဆွေးနွေးသဘော တူသည့် ပထမဆုံးသော နိုင်ငံရေး ဆွေးနွေးပွဲ သဘောတူညီချက် ဖြစ်သည်။ ယခုညီလာခံတွင် နိုင်ငံရေး၊ စီးပွားရေး၊ လူမှုရေး၊ မြေယာနှင့် သဘာဝပတ်ဝန်းကျင်ဆိုင်ရာ ကဏ္ဍများမှ ဆွေးနွေးချက်များကို ပြည်ထောင်စုသဘောတူစာချုပ် အစိတ်အပိုင်း(၂) အဖြစ် သတ်မှတ်မည် ဖြစ်သည်။