ဘီးလင်းမြို့နယ်ပြည်ခိုင်ဖြိုးပါတီမှ (၇၁)နှစ်မြောက် ပြည်ထောင်စုနေ့အထိမ်းအမှတ်ပြိုင်ပွဲများ ကျင်းပ
မွန်ပြည်နယ်၊ ဘီးလင်းမြို့နယ် ပြည်ခိုင်ဖြိုးပါတီရုံးအစည်းအဝေးခန်းမ၌ ဖေဖော်ဝါရီ (၁၂)ရက်နေ့ (ပြည်ထောင်စုနေ့) နံနက်(၉)နာရီချိန်မှစတင်ကာ (၇၁)နှစ်မြောက် ပြည်ထောင်စုနေ့အထိမ်းအမှတ် ပြိုင်ပွဲများ ကျင်းပခဲ့သည်။
ရှေ့ဦးစွာ နိူင်ငံတော်အလံအား စုပေါင်းအလေးပြုကြကာ နိူင်ငံတော်သီချင်း သံပြိုင်သီဆိုကာ အခမ်းအနားကို စတင်ဖွင့်လှစ်ခဲ့ကြသည်။ယင်းနောက် ပြည်ခိုင်ဖြိုးပါတီမှ လူငယ်အဖွဲ့ဝင်များမှာ ရာသက် ပန်ပြည်ထောင်စုသီချင်း သီဆိုခဲ့သည်။
ထိုနောက် ပြည်နယ်ပါတီအတွင်းရေးမှူး ဦးဝင်းမော်ဦးမှ အမှာစကားပြောကြားပြီး၊ မြို့နယ်ပါတီဥက္ကဋ္ဌ ဦးမြင့်ဆွေမှ အခမ်းအနားကျင်းပရခြင်း ရည်ရွယ်ချက်များအား တင်ပြဆွေးနွေးခဲ့သည်။
နှုတ်မှုစွမ်းရည်ပြိုင်ပွဲ၊ မြန်မာသံစဉ်သီချင်းသီဆိုပြိုင်ပွဲများ၊ စစ်တုရင်ပြိုင်ပွဲများ ကျင်းပခဲ့ကာ အဆိုပါပြိုင်ပွဲများတွင် ဆုရရှိသူများအား ဆုချီးမြှင့်ပေးခဲ့သည်။
မြို့နယ်ပါတီကော်မတီဝင်များမှ အခမ်းအနားသို့တက်ရောက်လာကြသော ရပ်/ကျေးဥက္ကဋ္ဌများအား လက်ဆောင်များ ပေးအပ်ခဲ့ခြင်း၊ ကံစမ်းမဲဖောက်ခြင်းများ ပြုလုပ်ခဲ့ကြကာ မွန်းလွဲ(၂)နာရီချိန်တွင် အခမ်းအနား ပြီးမြောက်ခဲ့သည်။
