ဖိလစ်ပိုင်နိုင်ငံ တောင်ပိုင်းဒေသတွင် အစိုးရတပ်ဖွဲ့နှင့် အတိုက်အခံလက်နက်ကိုင်တပ်ဖွဲ့ တိုက်ပွဲဖြစ်ပွားရာ လူပေါင်း ၁၀ ဦး သေဆုံး
ဖိလစ်ပိုင် နိုင်ငံ တောင်ပိုင်းဒေသတွင် အစိုးရ တပ်ဖွဲ့နှင့် လက်နက်ကိုင် တပ်ဖွဲ့ တိုက်ပွဲ ဖြစ်ပွားနေသည်ကို မြင်တွေ့ရစဉ်(ဆင်ဟွာ)
မနီလာ ၊ ဇန်နဝါရီ ၈ ရက်
ဖိလစ်ပိုင် နိုင်ငံ အစိုးရ တပ်ဖွဲ့ နှင့် အစိုးရ အား ပုန်ကန်နေသည့် လက်နက်ကိုင် တပ်ဖွဲ့ တို့ ဇန်နဝါရီ ၆ ရက်နေ့ ညပိုင်းအချိန်တွင် နိုင်ငံတောင်ပိုင်း Maguindanao ပြည်နယ်တွင် တိုက်ပွဲ ဖြစ်ပွား ခဲ့ရာ အစိုးရ တပ်ဖွဲ့ဝင် တစ်ဦး နှင့် လက်နက်ကိုင် တပ်ဖွဲ့ဝင် ၉ ဦး သေဆုံးခဲ့ကြောင်း ဖိလစ်ပိုင် နိုင်ငံ စစ်ဘက်ဆိုင်ရာ ထုတ်ပြန်ချက် အရ သိရှိရသည်။
ဖိလစ်ပိုင် နိုင်ငံ ကြည်းတပ် အမှတ်(၆) ခြေမြန်တပ်ရင်း ၏ ပြောရေးဆိုခွင့်ရှိသူ က ဇန်နဝါရီ ၆ ရက်နေ့ ၁၉ နာရီ အချိန်ခန့်တွင် လက်နက်ကိုင် တပ်ဖွဲ့ဝင် ၅၀ ခန့်သည် Maguindanao ပြည်နယ် ရွာတစ်ရွာ ရှိ အစိုးရ တပ်အား တိုက်ခိုက်ခဲ့ခြင်း ဖြစ်ကြောင်း ၊ တိုက်ပွဲမှာ ညပိုင်းအချိန်ထိ ဖြစ်ပွား ခဲ့ပြီး လက်နက်ကိုင် တပ်ဖွဲ့ဝင် ၉ ဦး သေဆုံးပြီး နောက်တွင် ကျန်ရှိသူများ ထွက်ပြေးသွား ခဲ့ကြောင်း ပြောကြား ခဲ့သည်။
၁၉၇၀ ခုနှစ် နောက်ပိုင်း အချိန် မှ စတင်၍ ဖိလစ်ပိုင် နိုင်ငံ တောင်ပိုင်း ဒေသတွင် လက်နက်ကိုင် အဖွဲ့အစည်း များ တက်ကြွစွာ လှုပ်ရှားလာခဲ့ပြီး လက်ရှိချိန်တွင် တောင်ပိုင်းဒေသ၌ လှုပ်ရှားနေသည့် လက်နက်ကိုင် အဖွဲ့အစည်းများမှာ Bangsamoro Islamic Freedom Fighters (BIFF) လက်နက်ကိုင် တပ်ဖွဲ့ ၊ Abu Sayyaf လက်နက်ကိုင် တပ်ဖွဲ့ နှင့် Maute လက်နက်ကိုင် တပ်ဖွဲ့ စသည် တို့ဖြစ်ကြသည်။ (Xinhua)
