အိုင်အိုဒင်းချို့တဲ့မှု လက္ခဏာများနှင့် ကာကွယ်ရန် လမ်းညွှန်ချက်များ
အိုင်အိုဒင်းဓာတ်သည် ကလေးများ၏ ဉာဏ်ရည်ဉာဏ်သွေးနှင့် စာဖတ်စွမ်းရည်အပြင် ကိုယ်အလေးချိန် ထိန်းချုပ်ရေးအတွက် မရှိမဖြစ်လိုအပ်သော အာဟာရဓာတ်ဖြစ်သည်။
အိုင်အိုဒင်းဓာတ်ချို့တဲ့သော လက္ခဏာများတွင် မျက်နှာဖြူဖပ်ဖြူရော်ဖြစ်ခြင်း၊ အာရုံစူးစိုက်ရခက်ခဲခြင်းနှင့် ဆံပင်ကျွတ်ခြင်း စသော လက္ခဏာများပါဝင်သည်။
ရုတ်တရက် ကိုယ်အလေးချိန်တက်လာခြင်း၊ အမြဲအားအင်ကုန်ခန်းနေခြင်း စသော လက္ခဏာများသည်လည်း အိုင်အိုဒင်းချို့တဲ့သည့် လက္ခဏာများဖြစ်သည်။
အိုင်အိုဒင်းသည် ကိုယ်အလေးချိန်ထိန်းချုပ်မှုနှင့် ဆက်စပ်သော ဟော်မုန်းထုတ်လုပ်ရေးအတွက် မရှိမဖြစ်လိုအပ်သော ဓာတ်ဖြစ်ပြီး ကိုယ်ဝန်ဆောင်ကာလအတွင်း ယင်းဟော်မုန်းပမာဏ လုံလောက်စွာ ရှိခြင်းကြောင့် မွေးလာသော ကလေး၏ ဉာဏ်ရည်ဉာဏ်သွေးနှင့် စာဖတ်စွမ်းရည်ကို တိုးတက်စေနိုင်ကြောင်း လေ့လာမှုများက ဖော်ပြသည်။
နို့တွင် အိုင်အိုဒင်းဓာတ် အဓိကပါဝင်ပြီး လူတစ်ဦး အိုင်အိုဒင်း စားသုံးမှု၏ ၄၀ ရာခိုင်နှုန်းအထိ ပေးစွမ်း နိုင်သည်။
အသားအရေခြောက်သွေ့ပြီး ဝမ်းချုပ်ခြင်း၊ နှလုံးခုန်နှုန်းနှေးခြင်း သိုင်းရွိုက်ဂလင်းကြီးခြင်းတို့လည်း အိုင်အိုဒင်း ဓာတ်ချို့တဲ့သော လက္ခဏာများဖြစ်သည်။
နို့သောက်ခြင်း၊ နေ့စဉ် ကြက်ဥ၊ ဘဲဥစားပေးခြင်း၊ ပင်လယ်စာများ စားပေးခြင်း၊ အိုင်အိုဒင်းပါဝင်သော ဆားဖြင့် ချက်သည့် အစားအစာများ စားသောက်၍ ခန္ဓာကိုယ်ထဲရှိ အိုင်အိုဒင်းဓာတ်ပမာဏကို မြှင့်တင်နိုင်သည်။
ထို့အပြင် အိုင်အိုဒင်းဖြည့်စွက်ဆေးများ အသုံးပြုနိုင်ပြီး ကိုယ်ဝန်ဆောင်များနှင့် နို့တိုက်မိခင်များ အိုင်အိုဒင်း ဓာတ် ပိုလိုအပ်သည်။
ဇီဝဖြစ်စဉ်ကို ထိန်းချုပ်ထားသည့် သိုင်းရွိုက်ဟော်မုန်းများ နည်းနေပါက ကိုယ်အလေးချိန်မြင့်လာကာ ဇီဝဖြစ်ပျက်မှုနှုန်း နှေးကွေးနိုင်သည်။ အိုင်အိုဒင်းဓာတ်နည်းပါက ယင်းဟော်မုန်းများထုတ်လုပ်မှု နည်းသွား နိုင်သည်။အစားအသောက် ကြေးများသူများတွင် အိုင်အိုဒင်းချို့တဲ့သော လက္ခဏာများ ကြုံတွေ့နိုင်သည်။
—Ref: Daily Mail
