အရေးယူ ပိတ်ဆို့မှုများဖြင့် ၎င်းတို့ကို ဟန့်တားနိုင်မည် မဟုတ်ဟု မြောက်ကိုရီးယား ကြေညာ
အရေးယူ ပိတ်ဆို့မှုများက မိမိတို့၏ နျူကလီးယားလက်နက် ရည်မှန်းချက်များ အကောင်အထည် ဖော်မှုကို ပိုမို မြန်ဆန်အောင် အရှိန်မြှင့်ပေးရာ ရောက်နေကြောင်း မြောက်ကိုရီးယား က သတိပေး ပြောကြားလိုက်သည်။
အမေရိကန် ဦးဆောင်တင်သွင်းသည့် မြောက်ကိုရီးယားအပေါ် အရေးယူ ပိတ်ဆို့မှု အသစ်များကို ကုလ သမဂ္ဂက အတည်ပြု ပြဋ္ဌာန်းလိုက်ပြီးနောက် ကွန်မြူနစ် နိုင်ငံဘက်က ပြင်းပြင်းထန်ထန် တုံ့ပြန်ဝေဖန် သည့် ကြေညာချက်တစ်စောင် ထုတ်ပြန်ခဲ့သည်။ မြောက်ကိုရီးယား၏ နောက်ဆုံးအကြိမ် နျူကလီးယားဗုံး စမ်းသပ်ဖောက်ခွဲမှု အပြီးတွင် နိုင်ငံ၏ ရေနံဝယ်ယူခွင့်နှင့် အဝတ်အထည်များ တင်ပို့ရောင်းချခွင့်တို့ကို ပိုမို တင်းကျပ်စွာ ကန့်သတ်လာသည့် အရေးယူမှု အသစ်များကို ကုလသမဂ္ဂက အတည်ပြုလိုက်သည်။
ထို့နောက်တွင် မြောက်ကိုရီးယားက ဂျပန်လေပိုင်နက်ကို ဖြတ်ကျော်ကာ တာလတ် တိုက်ချင်းပစ် ဒုံးကျည် တစ်စင်း ပစ်ခတ်ပြပြီး တုံ့ပြန်ခဲ့သည်။ ယခုအခါ မြောက်ကိုရီးယား နိုင်ငံခြားရေး ဝန်ကြီးဌာန၏ ကြေညာချက်ကို အစိုးရပိုင် ကေစီအန်အေ သတင်းစာက ထပ်ဆင့် ဖော်ပြခဲ့ရာ အရေးယူ ပိတ်ဆို့မှုများကြောင့် အခြေအနေ ပိုမို ဆိုးရွားလာစေမည်ဟု ကုလသမဂ္ဂနှင့် အမေရိကန်ကို ရည်ရွယ် ခြိမ်းခြောက်ထားကြောင်း တွေ့ရသည်။
မြောက်ကိုရီးယားအပေါ် အရေးယူ ပိတ်ဆို့မှုများ ပြဋ္ဌာန်းခြင်းက ၎င်းတို့၏ ရည်မှန်းချက် ပန်းတိုင်ဖြစ်သည့် နျူကလီးယား လက်နက်အင်အားကြီး နိုင်ငံတစ်ခုအဖြစ် ရပ်တည်ရေးကို ပိုမို အရှိန်မြှင့် လုပ်ဆောင်ရန် တွန်းအားမျိုးသာ ဖြစ်စေလိမ့်မည်ဟု ဝန်ကြီးဌာန ကြေညာချက်တွင် ဖော်ပြပါရှိသည်။
မြောက်ကိုရီးယားအပေါ် အရေးယူပိတ်ဆို့သည့် ချဉ်းကပ်မှုများသည် အမှန်တကယ် အကျိုးသက်ရောက်မှု ရှိမရှိ ဆိုခြင်းကို နိုင်ငံတကာ ဝေဖန် ထောက်ပြမှုများလည်း ထွက်ပေါ်နေသည်။ အဓိက ကုန်သွယ်ဖက် နိုင်ငံဖြစ်သည့် တရုတ်ကို မှီခိုရပ်တည်ပြီး မြောက်ကိုရီးယား၏ စီးပွားရေး အရှိန်အဟုန်သည် ပြီးခဲ့သည့်နှစ် အတွင်း ၃.၉ ရာခိုင်နှုန်းမျှ မြင့်တက်လာကြောင်း လေ့လာသူများက ပြောကြားထားသည်။
Ref: CNA
