ကိုဖီအာနန် ကော်မရှင်တင်ပြသော အကြံပြုချက်များအတွက် မြန်မာအစိုးရကို ကူညီရန် အမေရိကန်လိုလား

ရခိုင်ပြည်နယ် ဖွံ့ဖြိုးတိုးတက်ရေး ကိုဖီအာနန် ကော်မရှင်တင်ပြခဲ့သော ထောက်ခံအကြံပြုချက်များ အကောင်အထည်ပေါ်ရေး အမေရိကန်က မြန်မာအစိုးရကို ကူညီလိုကြောင်း အမေရိကန်နိုင်ငံခြားရေးဝန်ကြီးဌာန အရှေ့တောင်အာရှဆိုင်ရာ ထိပ်တန်းအရာရှိတစ်ဦးက ပြောကြားသည်။ အမေရိကန်နိုင်ငံခြားရေးဝန် ကြီးဌာန ၏ အရှေ့တောင်အာရှဆိုင်ရာ ဒုတိယလက်ထောက် နိုင်ငံခြားရေးဝန်ကြီး ပက်ထရစ်မာဖီက သတင်းဌာနအချို့ နှင့် တယ်လီကွန်ဖရင့် ပြုလုပ်ရာတွင် ရခိုင်အရေး၊ ဘင်္ဂါလီမျိုးနွယ်စုများ အရေးနှင့်ပတ်သက်ပြီး အမေရိကန်၏ သဘောထားကို ထုတ်ဖော်ပြောဆိုခြင်းဖြစ်သည်။

‘‘လွန်ခဲ့တဲ့ တစ်နှစ်လောက်က ဒေါ်အောင်ဆန်းစုကြည်နဲ့ သူ့ရဲ့အစိုးရဟာကုလသမဂ္ဂအတွင်းရေးမှူးချုပ်ဟောင်း ကိုဖီအာနန်ဦးဆောင်မှုနဲ့ ရခိုင်ပြည်နယ်ဆိုင်ရာအကြံပေး ကော်မရှင်ကို ဖွဲ့စည်းခဲ့တယ်။ ဩဂုတ် ၂၅ ရက်မှာ ကော်မရှင်က အပြီးသတ်အစီရင်ခံစာနဲ့ အကြံပြုတင်ပြချက် တွေကို ကြေညာခဲ့တယ်။ အဲဒီနေ့မှာပဲ အကြမ်းဖက် တိုက်ခိုက်မှုတွေ စတင်လာတာ။ တိုးတက်လာတဲ့ အခြေအနေနဲ့ အချိန်ကိုက်ဖြစ် လာတာပါ’’ ဟု မာဖီက ဆိုသည်။

‘‘ဒေါ်အောင်ဆန်းစုကြည်နဲ့ မြန်မာအစိုးရဟာ ကော်မရှင်ရဲ့ ထောက်ခံတင်ပြချက်တွေကို လက်ခံတယ်။ အခု ကျွန်တော်တို့က ဒီတင်ပြချက်တွေ အပြည့်အဝ အကောင်အထည်ပေါ်လာအောင် တွန်းအားပေးရုံပဲ။ ဒါဟာ မလွယ်ကူပါဘူး။ ထောက်ခံတင်ပြထားတဲ့ အချက်ပေါင်း ၈၀ကျော်ရှိတယ်။ ဒါပေမဲ့ရခိုင်ပြည်နယ်ရဲ့ အခြေအနေ ကထိရှမှုတွေ၊စိန်ခေါ်မှုတွေ အများကြီးရှိနေတယ်။ ဒီတော့ ကျွန်တော်တို့က မြန်မာအစိုးရနဲ့ ပူးပေါင်းပြီး အလုပ်လုပ်ဖို့လိုလားတယ်။ ဒီတင်ပြချက်တွေ အကောင်အထည်ဖော်ရာမှာ စူးစူးစိုက်စိုက် ထိထိရောက် ရောက် လုပ်ဆောင်နိုင်ဖို့ ကူညီချင်တယ်။ အရေးကြီးတဲ့အချက်က ကျွန်တော်ပြောခဲ့သလိုပါပဲ။ ဒေါ်အောင်ဆန်း စုကြည် ဟာ ကော်မရှင်ကို စတင်ဖွဲ့စည်းပေး ခဲ့သူ၊ ကော်မရှင်ရဲ့ ထောက်ခံအ ကြံပြုချက်တွေကိုလည်း လိုလိုလားလား လက်ခံခဲ့တယ်။ ဒါဟာတိုးတက်မှုတစ်ခုပါ။ ကျွန်တော်တို့ ထောက်ခံရပ်တည်ပြီး လက်တွဲကူညီလိုတဲ့ ဖြစ်စဉ် တစ်ခုလို့ ဆိုနိုင်ပါတယ်’’ဟု မာဖီက မှတ်ချက်ပေးခဲ့သည်။

၎င်းက ရခိုင်ပြည်နယ်တွင် လူသားချင်းစာနာမှု အထောက်အပံ့များ ပြန်လည်ရရှိရန် နိုင်ငံတကာ အသိုက်အဝန်း ကရော မြန်မာအာဏာပိုင်များကပါ ပူးပေါင်းကူညီရန် လိုအပ်မည်ဟုသုံးသပ်ခဲ့သည်။ ၎င်းက ‘‘ဘယ်လို တိုက်ခိုက်မှုကိုမဆို ကျွန်တော်တို့ရှုတ်ချပါတယ်။ လုံခြုံရေးတပ်ဖွဲ့ဝင်တွေ တိုက်ခိုက်ခံရတာဖြစ်စေ၊ အရပ်သား တွေ တိုက်ခိုက်ခံရတာဖြစ်စေ ကျွန်တော်တို့ မလိုလားပါဘူး။ ဘက်ပေါင်းစုံက အခြေအနေကို စိတ်အေးအေး ထားပြီး ကိုင်တွယ်ဖြေရှင်းဖို့ တိုက်တွန်းလိုပါ တယ်’’ဟု ပြောကြားသည်။

မာဖီက ပဋိပက္ခများ တစ်ကျော့ပြန် စတင်လာစေသည့် အကြမ်းဖက်တိုက်ခိုက်မှုများကို အလေးအနက် ဆန်းစစ်ရန် လိုကြောင်းလည်း ထောက်ပြသည်။ ‘‘ဩဂုတ် ၂၅ ရက်က လုံခြုံရေး တပ်ဖွဲ့ဝင်တွေကို တိုက်ခိုက် ခဲ့တဲ့ ဖြစ်ရပ်ကိုကြည့်ရင် အရေအတွက်များပြားသလို တော်တော်ကို ဟန်ချက်ညီညီ လုပ်သွားတာကို တွေ့ရ တယ်။ ဒါက တကယ့် အသစ်အဆန်းပဲ။ ထိခိုက်သေကျေမှုတွေ လည်း ရှိခဲ့တယ်။ ဒီဖြစ်ရပ်နဲ့ ဆက်စပ်ပြီး စိုးရိမ် ပူပန်မှုတွေ၊ အကြောက်တရားတွေ ဖြစ်လာတာ။ လုံခြုံရေးတပ်ဖွဲ့ဝင်တွေဘက်ကလည်း တုံ့ပြန်ဖို့ လိုအပ်ချက် ရှိလာပါတယ်။ အရေးကြီးတာက အဲဒီတုံ့ပြန်မှုဟာ ဥပဒေနဲ့ ညီညွတ်ပြီး လူ့အခွင့်အရေးအပေါ် လေးစား စောင့်ထိန်းဖို့၊ ဒေသခံတွေကို အကာအကွယ်ပေးနိုင်ဖို့ အဓိက စူးစိုက်ထားရမှာပါ’’ဟု ၎င်းက ဆိုသည်။

၎င်းက အမေရိကန်အနေ ဖြင့် ရခိုင်ပြည်နယ်အခြေအနေကို ပိုမို၍ ထဲထဲဝင်ဝင် သိနားလည်သည့် မြန်မာ အစိုးရနှင့် လက်တွဲကာ မီဒီယာများနှင့် လူသားချင်းစာနာကူညီမှု အဖွဲ့အစည်းများ ပြန်လည်ဝင်ရောက်ခွင့် ရရှိရေး၊ တင်းမာမှုများ လျော့ပါးအောင် ဆောင်ရွက်ရေး အစရှိသည့် ကဏ္ဍများကို ကူညီအကောင်အထည် ဖော်လိုကြောင်း အတည်ပြု ပြော ကြားသည်။

—Ref: US Department of State