၂၁ ရာစု ပင်လုံညီလာခံ စာချုပ်ချုပ်ဆိုလျှင် ပါဝင် လက်မှတ် မထိုးနိုင်သေးကြောင်း RCSS ထုတ်ပြန်
ရှမ်းလူမျိုးအလိုက် အမျိုးသားအဆင့် နိုင်ငံရေးဆွေးနွေးပွဲမကျင်းပနိုင်၍ ၂၁ ရာစု ပင်လုံညီလာခံတွင် မည်သည့် အဆိုပြုချက်မျှ တင်ပြနိုင်မည်မဟုတ်သည့်အပြင် ညီလာခံမှရရှိလာမည့် သဘောတူ ညီချက်များကို ပြည်ထောင်စုသဘောတူစာချုပ်၏ အစိတ်အပိုင်းတစ်ရပ်အဖြစ် ချုပ်ဆိုရာ၌ ပါဝင်လက်မှတ်ရေးထိုးနိုင်မည် မဟုတ်ကြောင်း ရှမ်းလက်နက်ကိုင်အဖွဲ့ (RCSS)က ညီလာခံကျင်းပရန် ရက်ပိုင်းအလို၌ ထုတ်ပြန်သည်။
တစ်နိုင်ငံလုံး ပစ်ခတ်တိုက်ခိုက်မှု ရပ်စဲရေးသဘောတူစာချုပ် (NCA) လက်မှတ်ရေးထိုးထားသည့် ရှမ်းပြည် ပြန်လည်ထူထောင်ရေးကောင်စီ (RCSS) ၏ မေလ ၂၁ ရက် ထုတ်ပြန်ချက်တွင် လာမည့်ညီလာခံ၌ NCA လက်မှတ်ရေးထိုးထားသည့် အဖွဲ့အစည်းတစ်ခုအနေဖြင့်သာ ပါဝင်တက်ရောက်မည်ဖြစ်ကြောင်း ပါရှိသည်။
ရှမ်းလူမျိုး လူမျိုးအလိုက် အမျိုးသားအဆင့် နိုင်ငံရေးဆွေးနွေးပွဲ မကျင်းပနိုင်သေး၍ ညီလာခံတွင် တင်ပြ ဆွေးနွေးမည့် ကဏ္ဍအလိုက် အကြောင်းအရာများသည် ရှမ်းလူထု၏ ဆန္ဒနှင့်လိုလားချက်များ ပါဝင်နိုင်မည် မဟုတ်ကြောင်း RCSS က ထုတ်ပြန်သည်။
ထို့အပြင် NCA လက်မှတ်ရေးထိုးထားသည့် ရခိုင်ပြည်အမျိုးသားလွတ်မြောက်ရေးပါတီ (ALP)နှင့် ရခိုင်တိုင်း ရင်းသားများသည်လည်း လူမျိုးအလိုက် အမျိုးသားအဆင့် နိုင်ငံရေးဆွေးနွေးပွဲ မကျင်းပနိုင်သေးသကဲ့သို့ အခြား ညှိနှိုင်းနေသည့် အဖွဲ့အစည်းများသည်လည်း မိမိတို့ သက်ဆိုင်ရာ အမျိုးသားအဆင့် နိုင်ငံရေးဆွေး နွေးပွဲများ ကျင်းပရန်ကျန်ရှိနေသည်ကို တွေ့ရကြောင်း RCSS က ထောက်ပြသည်။
ဖက်ဒရယ်ပြည်ထောင်စု တည်ထောင်ရေးမူဝါဒများ ချမှတ်ရာတွင် နိုင်ငံတစ်ဝန်းရှိ တိုင်းရင်းသားပြည်သူ လူထုတစ်ရပ်လုံး၏ ပြီးပြည့်စုံသည့်ဆန္ဒနှင့် သဘောထားများ မပါဝင်နိုင်သေး၍ များစွာစိုးရိမ်မကင်း ဖြစ်မိ သည်ဟု RCSS က ထုတ်ပြန်သည်။
RCSS အနေဖြင့် ရှမ်းလူမျိုးအလိုက် အမျိုးသားအဆင့် နိုင်ငံရေးဆွေးနွေးပွဲ ကျင်းပခွင့်ရရှိခဲ့သော်လည်း ကျင်းပ မည့်နေရာနှင့်ပတ်သက်ပြီး ညှိနှိုင်းမရ၍ မကျင်းပနိုင်ခြင်းဖြစ်သည်။ ရှမ်းလူမျိုးအလိုက် အမျိုးသားအဆင့် နိုင်ငံရေးဆွေးနွေးပွဲကို တောင်ကြီး(သို့မဟုတ်) ပင်လုံမြို့တွင် ကျင်းပခွင့်ရရှိရေး RCSS က ကြိုးစားခဲ့သည်။ သို့သော် တပ်မတော်က မိုင်းပန်၊ မုံးထော်/မုံးထမြို့၊ နမ့်ပန်ခွန်တို့တွင် ကျင်းပရန် ထောက်ခံခဲ့သည်ဟု ဆိုသည်။ အဆိုပါ မြို့များတွင်ကျင်းပစဉ်ဆွေးနွေးပွဲ တက်ရောက်မည့်သူများအတွက် သွားလာရေး၊ နေထိုင်ရေး၊ စား သောက်ရေးအခက်အခဲရှိလိမ့်မည်ဟု သုံးသပ်သည်ဟု RCSS က ဆိုသည်။
RCSS အဖွဲ့၏ ထုတ်ပြန်ချက်နှင့်ပတ်သက်၍ NCA လက် မှတ်ရေးထိုးထားသည့် ကရင်အမျိုးသားအစည်းအရုံး (KNU) ဒုဥက္ကဋ္ဌ ပဒိုစောကွယ်ထူးဝင်းက ‘‘သူတို့ကလည်း အမျိုးသားရေးအတွက် လုပ်နေတဲ့အပေါ်မှာ သူတို့ ရှမ်းလူမျိုးတွေရဲ့ အမြင်တွေ၊ သဘောထားတွေ တင်ပြနိုင်တဲ့အခွင့်အရေးရှိရမှာပေါ့။ သို့သော်လည်း အမျိုးသား အဆင့် နိုင်ငံရေးဆွေးနွေးပွဲ (လူမျိုးအလိုက်) မှာကျတော့ ရှမ်းက မကျင်းပရသေးတော့ ဒီပြည်ထောင်စု ငြိမ်း ချမ်းရေးညီလာခံမှာ သဘောတူမယ့်၊ အတည်ပြုမယ့်အချက်တွေက ရှမ်းတစ်မျိုးသားလုံးရဲ့ အမြင်တွေမပါတဲ့ အတွက် အခက်အခဲ ဖြစ်တာပါ’’ ဟု ပြောသည်။
၂၁ ရာစု ပင်လုံညီလာခံတွင် အတည်ပြုပြီးသည့် သဘောတူချက်များသည် ပြန်ပြင်ရန်ခက်၍လာမည့်ညီလာခံ၌ အားလုံးက လက်ခံနိုင်သည့် အခြေခံမူများ ရရှိရေးကိုသာ ဆောင်ရွက်မည်ဟု ပဒိုစောကွယ်ထူးဝင်းက ပြော သည်။
# 7 Day
