ပါလီမန်ဥက္ကဋ္ဌသစ် ရွေးချယ်မှုကို မကျေနပ်၍ မက်ဆီဒီုးနီးယား ပါလီမန်အတွင်းသို့ ဆန္ဒပြသူများ ဝင်ရောက်စီးနင်း
DSM ပါတီ နှင့် အယ်လ်ဘေးနီးယားပါတီငယ် သုံးခုမှ ပါလီမန်အမတ်များသည် အယ်လ်ဘေးနီးယား ပါတီငယ်တစ်ခုဖြစ်သော DUI ပါတီမှ Tallat Xhaferi အား ပါလီမန်ဥက္ကဋ္ဌသစ်အဖြစ် ရွေးချယ်ခဲ့ပြီးနောက် ဥက္ကဋ္ဌသစ်ရွေးချယ်မှုအား မကျေနပ်သော ဆန္ဒပြသူများသည် မက်ဆီဒိုးနီးယား ပါလီမန် အဆောက်အအုံ အတွင်းသို့ ဧပြီ ၂၇ ရက် နေ့လည်ပိုင်းက အတင်းဝင်ရောက်လာ ခဲ့ကြကြောင်းသိရသည်။
မက်ဆီဒိုးနီယားမီဒီယာတစ်ခု၏ တိုက်ရိုက်ထုတ်လွှင့်မှုအရ VMRO-DPMNE ပါတီအားထောက်ခံသော ဆန္ဒပြသူများသည် SDSMပါတီမှ ပါလီမန်အမတ်များကို အစည်းအဝေးခန်းမတစ်ခုအတွင်း ပိတ်ဆို့ထားပြီး ၎င်းတို့အား ကိုယ်ထိလက်ရောက် တိုက်ခိုက်မှုများပင် ပြုလုပ်ခဲ့ကြောင်း သိရသည်။
တိုက်ခိုက်ခံရသူများတွင် SDSMပါတီခေါင်းဆောင် Zoran Zaev လည်းပါဝင်ခဲ့ပြီး ထိခိုက်ဒဏ်ရာများ ရရှိခဲ့ကြောင်း သိရသည်။
အစိုးရသစ်အဖွဲ့ဝင်အများစုကို ဆန့်ကျင်ကန့်ကွက်သူများသည် Skopje မြို့ရှိ လမ်းမများပေါ်တွင် လွန်ခဲ့ သည့် နှစ်လကတည်းက ဆန္ဒပြခဲ့ကြပြီး SDSM ပါတီ နှင့် အယ်လ်ဘေးနီးယားပါတီ သုံးခုဖြစ်သော DUI, Besa နှင့် Allinance for the Albanians ပါတီများ ပူးပေါင်း၍ အစိုးရဖွဲ့ခြင်းကို ဆန့်ကျင်ခဲ့ကြခြင်းဖြစ် ကြောင်း သိရသည်။
Tallat Xhaferi သည် ပါလီမန်အမတ်များ၏ စုစုပေါင်း ဆန္ဒမဲ ၁၂၀ အနက် ဆန္ဒမဲ ၆၂မဲ ဖြင့် ပွတ်ကာသီကာ ရွေးကောက်ခံရခြင်းဖြစ်ပြီး VMRO DPMNE ပါတီက ယင်းရွေးကောက်ပွဲအား အာဏာသိမ်းမှုတစ်ခုအဖြစ် ခေါ်ဆိုခဲ့သည်။ ဆန္ဒပြသူများသည် ပါလီမန်အဆောက်အအုံ၏ ခန်းမများအတွင်း၌ ရှိနေဆဲဖြစ်ကြောင်း သိရသည်။ (Xinhua)
