အဓိကရုဏ်းဆန်လာသော ဆန္ဒပြမှုများကြောင့် အမေရိကန် ပြည်နယ်တစ်ခုတွင် အရေးပေါ် အခြေအနေ ကြေညာ

သံသယ တရားခံများကို ရဲများက ပစ်ခတ်မှုများ ဆက်တိုက် ဖြစ်ပေါ်ခဲ့ပြီးနောက် ဆန္ဒပြမှုများ ပြင်းပြင်းထန်ထန် ပေါ်ပေါက် လာရာမှ အမေရိကန်ရှိ ပြည်နယ်တစ်ခုတွင် အရေးပေါ် အခြေအနေ ထုတ်ပြန် ကြေညာခဲ့ရသည်။

မြောက်ကာရိုလိုင်းနား ပြည်နယ်အစိုးရက ချားလော့တ်မြို့တွင် ဆန္ဒပြရာမှ အဓိကရုဏ်း ဆန်ဆန် အသွင်ဆောင်လာသည့်နောက် အရေးပေါ်အခြေအနေ ကြေညာခဲ့သလို အမျိုးသားလုံခြုံရေးအစောင့်တပ်ဖွဲ့များကိုပါ စေလွှတ်ခဲ့ရသည်။

လူမည်း အမျိုးသားတစ်ဦးကို ရဲများက ပစ်သတ်မှုနှင့် ပတ်သက်၍ နှစ်ညဆက်တိုက် ဆန္ဒပြမှုများ ဖြစ်ပွားခဲ့ပြီးနောက် စက်တင်ဘာ ၂၁ ရက်တွင် အခြေအနေ ပိုမိုဆိုးရွားလာသည်။ အရပ်သား အချင်းချင်း ထိခိုက်မှုကြောင့် လူတစ်ဦး ဒဏ်ရာ အပြင်းအထန် ရရှိပြီး ဆေးရုံသို့ တင်ပို့ခဲ့ရကြောင်းလည်း အာဏာပိုင်များက ဆိုသည်။

အဓိကရုဏ်း နှိမ်နင်းရေး ရဲများက ရာပေါင်းများစွာသော ဆန္ဒပြသူများကို လူစုခွဲရန် မျက်ရည်ယိုဗုံးများကို အသုံးပြုခဲ့ရသည်။ အဆိုပါ ဆန္ဒပြမှုများသည် ပြီးခဲ့သည့် သီိတင်းပတ်အတွင်း အသက် ၄၃ နှစ်အရွယ် ကိတ်သ်လာမွန့် စကော့ကို ရဲများက ပစ်သတ်ခြင်းကြောင့် ပေါ်ပေါက်လာခြင်း ဖြစ်သည်။

ရဲတပ်ဖွဲ့က စကော့သည် သေနတ်ကိုင်ထားသောကြောင့် လက်နက်ချရန် ညွှန်ကြားခဲ့သော်လည်း မလိုက်နာသည့် အတွက် ပစ်ခတ်ခဲ့ရခြင်းဟု ကြေညာခဲ့သော်လည်း မိသားစုကမူ ထိုအချိန်က စကော့သည် စာအုပ်ဖတ်နေခြင်းသာ ဖြစ်ကြောင်း ပြောကြားထားသည်။

စက်တင်ဘာ ၂၁ ရက် ဆန္ဒပြမှုများတွင် အခြေအနေကို ထိန်းချုပ်ရန် ကြိုးစားရင်း ရဲတပ်ဖွဲ့ဝင် ၁၃ ဦးထိ ဒဏ်ရာ ရခဲ့ကြောင်းလည်း သိရသည်။ ထို့နောက်တွင် ပြည်နယ်အုပ်ချုပ်ရေးမှူး ပတ်မက္ကော်ရီက အရေးပေါ် အခြေအနေ ထုတ်ပြန် ကြေညာခဲ့သည်။

အမေရိကန်တွင် အာဖရိကန်ဖွား လူမည်းများကို လူဖြူရဲတပ်ဖွဲ့ဝင်များက အဆင်ခြင်မဲ့ ပစ်ခတ်ခဲ့ကြောင်း စွပ်စွဲမှုများနှင့်အတူ ပြီးခဲ့သည့် ၂ နှစ်တာအတွင်း ဆန္ဒပြမှုများ မကြာခဏ ပေါ်ပေါက်ခဲ့သည်။ ပြီးခဲ့သည့် သီတင်းပတ်ကုန်ကလည်း တူလ်ဆာတွင် လက်နက်မဲ့ လူမည်းအမျိုးသား တစ်ဦးဖြစ်သည့် တီရန်ဆေး ကရတ်ချာကို ရဲများက ဖမ်းဆီးစဉ် အသေပစ်သတ်ခဲ့သည့်ဖြစ်ရပ် ပေါ်ပေါက်ခဲ့သေးကြောင်း သိရှိရသည်။

Ref: BBC