သရက်မြို့နယ် ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ ထမနဲထိုးပြိုင်ပွဲကို ဇန်နဝါရီ ၃၁ရက်မွန်းလွဲ ၃နာရီက မြို့နယ်ပါတီရုံး ရှေ့၌ ကျင်းပခဲ့သည်။ပြိုင်ပွဲသို့ အမျိုးသားအသင်းများအပြင်အမျိုးသမီးအသင်း စုစုပေါင်း အသင်းခြောက်သင်းတို့ ပါဝင်ယှဉ်ပြိုင်ခဲ့ကြပြီး ဆုရအသင်းများနှင့် ဝန်းရံပါဝင်ကူညီခဲ့ကြသူများကို တိုင်းဒေသကြီး၊ ခရိုင်၊ မြို့နယ် ပါတီဥက္ကဋ္ဌများနှင့် ပါတီကော်မတီဝင်များက ဂုဏ်ပြုဆုငွေနှင့် လက် ဆောင်ပစ္စည်းများပေးအပ်ချီးမြှင့်ခဲ့ကြောင်း သိရသည်။
အောင်ကြီး(သရက်)
ပြည်ခိုင်ဖြိုးပါတီ ဗဟိုအတွင်းရေးမှူး ဦးပိုက်ထွေးသည် ယနေ့ ၀၉ :၀၀ နာရီတွင်မကွေးမြို့နယ် ရွှေကျော်ကျေးရွာ၌ ကျင်းပပြုလုပ်ခဲ့သော ပါတီဝင်အဆိုပြုလွှာ စုပေါင်းပေးအပ်ပွဲအခမ်းအနားသို့ တက်ရောက်ခဲ့သည်။ အခမ်းအနားတွင် မကွေးတိုင်းဒေသကြီးပါတီ ဥက္ကဌဒေါက်တာမောင်မောင်ဌေး၊ တိုင်းပါတီအတွင်းရေးမှူး ဦးဆန်းညွန့်အောင်၊ တိုင်းဘဏ္ဍာရေးမှူး ဦးကြည်ထွန်း တိုင်းစည်းရုံးရေးတာဝန်ခံ ဦးဟန်မောင်၊ ဦးစောဝင်းမောင်၊ မကွေးခရိုင်ပါတီဥက္ကဌ ဦးထွန်းရှိန်နှင့် ခရိုင်ကော်မတီဝင်များ၊မကွေးမြို့နယ်ပါတီဥက္ကဌ ဦးအောင်သိန်းကျော်၊အတွင်းရေးမှူး ဦးတင်မျိုးဇော်နှင့် ကော်မတီဝင်များပါတီဝင်များ တက်ရောက်ခဲ့ကြပြီး ပါတီဝင်အဆိုပြုလွှာ(၁၄၉)စောင်နှင့် ပါတီဝင်ကြေး(၁၄၉၀၀၀ိ/_) ပေးအပ်ခဲ့ကြပါသည်။
သရက်မြို့နယ် မိုးနတ်ကုန်း ကျေးရွာအုပ်စု မိုးနတ်ကုန်းကျေး ရွာ၌ ယမန်နေ့ နံနက် ၁ဝနာရီက ခုနစ်ရက် ခုနစ်လီကျင်းပသော စတုဒိသာအလှူပွဲသို့ သရက်မြို့နယ်ပြည်ခိုင်ဖြိုးပါတီက ကုသိုလ်ယူ ပါဝင်လှူဒါန်းခဲ့ကြသည်။
အဆိုပါ လှူဒါန်းပွဲသို့ မကွေးတိုင်းဒေသကြီး ပြည်ခိုင်ဖြိုးပါတီ ကော်မတီဝင်ဒေါ်ယဉ်ယဉ်လှနှင့် သရက်ခရိုင် မြို့နယ်ပါတီကော်မ တီဝင်များ၊ပါတီဝင်များက ကြွရောက်တော်မူလာကြသော ဆရာတော် သံဃာတော်များအား ဆွမ်းဆက်ကပ်လှူဒါန်းပြီး ခုနစ်ရက် ခုနစ်လီ ကျင်းပမည့် စတုဒိသာ အလှူပွဲတွင် ကုသိုလ်ယူကာလုပ်အားဒါနဖြင့် ပါဝင်လှူဒါန်းခဲ့ကြကြောင်း သိရသည်။
မကွေးတိုင်းဒေသကြီး မင်းဘူးခရိုင် လူငယ်တွေ့ဆုံပွဲကို စေတုတ္တရာ မြို့နယ်ခန်းမတွင် ယနေ့ နံနက် ၉ နာရီ အချိန်တွင် ကျင်းပခဲ့ရာ ရှေးဦးစွာအခမ်းအနားကို နိုင်ငံတော်သီချင်းဖြင့် ဖွင့်လှစ်ခဲ့ပါသည်။ ထို့နောက် ပြည်ခိုင်ဖြိုးပါတီ ဗဟိုကော်မတီဝင် ဦးပိုက်ထွေး မှအမှာစကားပြောကြားခဲ့ပါသည် ။ အခမ်းအနားကို မကွေးတိုင်းဒေသကြီးပါတီဥက္ကဌ ဒေါက်တာမောင်မောင်ဌေး နှင့် တိုင်းကော်မတီဝင်များ မင်းဘူးခရိုင်ကော်မတီဝင်များ မင်းဘူးမြို့နယ် ကော်မတီဝင်များ စလင်းမြို့နယ်ကော်မတီဝင်များ ပွင့်ဖြူမြို့နယ်ကော်မတီဝင်များ ငဖဲမြို့နယ်ကော်မတီဝင်များ စေတုတ္တရာမြို့နယ်ကော်မတီဝင်များ လူငယ်ကေဒါများ တက်ရောက်ခဲ့ကြပါသည်။
မကွေးတိုင်းဒေသကြီး ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ၏ နိုင်ငံရေးစီမံခန့်ခွဲမှုဆင့်ပွားသင်တန်း (၁/၂ဝ၁၇) သင်တန်းဆင်းပွဲအခမ်းအနားကို ယခုလ ၇ ရက် မွန်းလွဲ ၃နာရီတွင် တိုင်းဒေသကြီး ပါတီ အစည်းအဝေးခန်းမ၌ကျင်းပခဲ့ရာ အခမ်းအနားသို့ တိုင်းဒေသကြီးပါတီအတွင်းရေးမှူး ဦးဆန်းညွန့်အောင်၊ တိုင်းဒေသကြီးပါတီကော်မတီဝင်များ၊ သင်တန်းသား သင်တန်းသူများ တက်ရောက်ခဲ့ကြသည်။ အခမ်းအနား တွင် သင်တန်းဆင်းလက်မှတ်များကို တိုင်းဒေသကြီးပါတီအတွင်းရေးမှူး ဦးဆန်းညွန့်အောင်က ပေးအပ်ရာ သင်တန်းသားတစ်ဦးမှ လက်ခံရယူခဲ့ပြီး နှုတ်မှုစွမ်းရည် ပြိုင်ပွဲတွင် ပထမရရှိသော ဂန့်ဂေါမြို့နယ်မှ ဦးခင်မောင်စန်းအား လည်းကောင်း၊ ဒုတိယရရှိသည့် သရက်မြို့နယ်မှ ဦးကျော်ကျော်အားလည်းကောင်း၊ တတိယရရှိသည့် မြိုင်မြို့နယ်မှ ဦးစန်းလွင်အားလည်းကောင်း ဂုဏ်ပြုဆုများ ချီးမြှင့်ပေးခဲ့သည်။
ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ ဗဟိုအတွင်းရေးမှူး ဦးတင်အောင်ချစ်သည် ယခုလ ၇ ရက် နံနက် ၁ဝ နာရီတွင် မကွေးတိုင်းဒေသကြီး အောင်လံမြို့နယ်ရှိ ရေနံကြီးအခြေစိုက်၊ မြို့ပေါ် ၉ ရပ်ကွက်၊ မြို့မတောင် အခြေစိုက်များမှ ပါတီဝင်များဖြင့် နှစ်လတစ်ကြိမ်တွေ့ဆုံပွဲသို့ တက်ရောက်ခဲ့ပါသည်။
အခမ်းအနားတွင် ပါတီအခြေခံအဖွဲ့ခေါင်းဆောင်များမှ ကျေးရွာများရှိ ပြည်သူလူထု၏အသံများကို တင်ပြ ဆွေးနွေးခဲ့ကြသည်။ ၄င်းနောက် ဗဟိုအတွင်းရေးမှူးက ဖြည့်စွက်ရှင်းလင်းပြီး အခမ်းအနားကို မွန်းလွဲ ၂ နာရီတွင် ရုပ်သိမ်းခဲ့သည်။
ချောက် နိုဝင်ဘာ ၁၅
မကွေးတိုင်းဒေသကြီး ချောက် မြို့နယ် ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ၏ ဒုတိယအကြိမ်မြောက် စုပေါင်းဘုံကထိန် အလှူတော် မင်္ဂလာအခမ်းအနားကို ယမန်နေ့နံနက် ၇ နာရီအချိန်မှစတင်၍ ချောက်မြို့နယ် ရသစ်ကျေးရွာ ဓမ္မပါလကျောင်းတိုက်၌ ကျင်းပရာ အလှူ တော်မင်္ဂလာအခမ်းအနားသို့ မကွေးတိုင်းဒေသကြီးပါတီဥက္ကဋ္ဌ ဒေါက်တာ မောင်မောင်ဌေး၊ တိုင်းဒေသကြီး ပါတီအတွင်းရေးမှူး ဦးဆန်းညွန့်အောင်၊ မကွေးတိုင်းဒေသကြီး ပါတီကော်မတီဝင် ဦးစောဝင်းမောင်၊ မကွေးခရိုင် ပါတီဥက္ကဋ္ဌဦးထွန်းရှိန်၊ဆိပ်ဖြူ မြို့နယ်ပါတီဥက္ကဋ္ဌ ဦးလှဆောင် နှင့် အတွင်းရေးမှူး ဦးလေးမောင်၊ ချောက်မြို့နယ် ပါတီဥက္ကဋ္ဌ ဦးဝင်းနိုင်နှင့် မြို့နယ်ပါတီကော်မတီဝင်များ၊ အရန်ကော်မတီဝင်များ၊ ရပ်/ ကျေးအုပ်စု စည်းရုံးရေးမှူးများ၊ ပါတီဝင်များ၊ ရပ်မိရပ်ဖများ၊ ဒေသခံပြည်သူများ တက်ရောက်ခဲ့ကြပါသည်။
မကွေးတိုင်းဒေသကြီး ပြည်ထောင်စုကြံခိုင်ရေးနှင့် ဖွံ့ဖြိုးရေးပါတီ အလုပ်သမားရေးရာတာဝန်ခံ ဗဟိုကော်မတီဝင် ဦးသန်းဝင်း၊ မကွေးတိုင်းအရန်ကော်မတီဝင် ဦးဝင်းတင်၊ သရက်ခရိုင် ပါတီဥက္ကဌ ဦးဝင်းကျော်တို့သည် မင်းတုန်းမြို့နယ် ပြည်ခိုင်ဖြိုးပါတီရုံးတွင် ကျင်းပသည့် မြို့နယ်နှင့် ရပ်ကျေးအမှုဆောင်များ လစဉ်ပုံမှန်အစည်းဝေးသို့ တက်ရောက်ပြီး တိုင်းဒေသကြီး ပါတီ၏ လုပ်ငန်းများဆောင်ရွက်နေမှု၊ အလုပ်သမားရေးရာကေ်ာမတီဖွဲ့ဖွဲ့စည်းပုံ၊ ရည်ရွယ်ချက်နှင့် လုပ်ငန်းစဉ်များ၊ လက်ရှိဖြစ်ပေါ်နေသောနိုင်ငံရေး အခြေအနေနှင့်။ ပြည်ခိုင်ဖြိုးပါတီမှ ဦးဆောင်၍ အခြားသောနိုင်ငံရေးပါတီများနှင့်အတူ ဥပဒေနှင့်အညီ ဝေဖန်ထောက်ပြဆောင်ရွက်နေမှု အခြေအနေများကို ရှင်းလင်းဆွေးနွေးခဲ့သည်။
အစည်းအဝေးသို့ မင်းတုန်းမြို့နယ် ပါတီဥက္ကဌ ဦးစိုးနိုင် ၊ ပါတီကော်မတီဝင်များ၊ အရန်ကော်မတီဝင်များ၊ မြို့ပေါ်နှင့်ကျေးရွာ (၈၄)ရွာမှ စည်း/မှူးနှင့်ပါတီဝင်များ စုစုပေါင်းအင်အား (၁၅၉)ဦး တက်ရောက်ကြောင်း သိရှိရသည်။
9-11-2017 ကြာသာပတေးနေ့
ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ ဗဟိုအတွင်းရေးမှူး ဦးပိုက်ထွေးသည် 9-11-2017 ရက်နေ့ ကြာသာပတေးနေ့ နံနက်ပိုင်းတွင် မကွေးတိုင်းဒေသကြီး စေတုတ္တရာမြို့နယ်နှင့် ငဖဲမြို့နယ် ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီရုံးများတွင် ကျင်းပပြုလုပ်သည့် မြို့နယ်အတွင်းရှိ ပါတီဝင်များနှင့်တွေ့ဆုံပွဲသို့တက်ရောက်ခဲ့ပါသည်။
အခမ်းအနားသို့ ဗဟိုအတွင်းရေးမှူးဦးပိုက်ထွေး ၊ ဗဟိုအလုပ်အမှုဆောင် မကွေးတိုင်းပြည်ခိုင်ဖြိုးပါတီ ဥက္ကဋ္ဌ ဒေါက်တာမောင်မောင်ဋ္ဌေးနှင့် တိုင်းပါတီကော်မတီဝင်များ ၊ ခရိုင်/မြို့နယ် ပါတီကော်မတီဝင်များ ၊ စေတုတ္တရာမြို့နယ် ပါတီဝင်များ၊ ငဖဲမြို့နယ်ပါတီကော်မတီဝင်များ တက်ရောက်ခဲ့ကြပြီး ပါတီဥက္ကဋ္ဌကြီး၏လမ်းညွှန်ချက်များ ၊ ပါတီ၏ရှေ့ဆက်သွားမည့် လုပ်ငန်းစဉ်များ၊ စည်းရုံးရေးလုပ်ငန်းစဉ်များအား ဆွေးနွေးခဲ့ပါသည်။
မကွေး နိုဝင်ဘာ ၈
မကွေးတိုင်းဒေသကြီး ပါတီကော်မတီဝင်များနှင့် တိုင်းဒေသကြီးအတွင်းရှိ ခရိုင်၊ မြို့နယ်ပါတီဥက္ကဋ္ဌများ တွေ့ဆုံလုပ်ငန်းညှိနှိုင်းအစည်းအဝေးကို တိုင်းဒေသကြီး ပါတီအစည်းအဝေး ခန်းမ၌ ယနေ့နံနက် ၁ဝ နာရီအချိန်က ကျင်းပခဲ့သည်။ အဆိုပါအစည်းအဝေးသို့ ပါတီဗဟိုအတွင်းရေးမှူး ဦးပိုက်ထွေး၊ တိုင်းဒေသကြီး ပါတီဥက္ကဋ္ဌ ဒေါက်တာမောင်မောင်ဌေးနှင့် ကော်မတီဝင်များ၊ အရန်ကော်မတီဝင်များ၊ မြို့နယ်ဥက္ကဋ္ဌအပါအဝင် အင်အား ၅ဝ တက်ရောက်ခဲ့သည်။
