ဖာဂူဆန် နဲ့ အာဆင်ဝင်းဂါး တို့ကို ပရီးမီးယားလိဂ် Hall of Fame စာရင်းဝင် နည်းပြ ၂ ယောက်အဖြစ် ဂုဏ်ပြု ပရီးမီးယားလိဂ်ဟာ သက်တော်ရှည်နည်းပြကြီး ၂ ဦးဖြစ်သည့် ဆာအဲလက်စ် ဖာဂူဆန် နဲ့ အာဆင်ဝင်းဂါး တို့ကိုပထမဆုံး ပရီးမီးယားလိဂ် Hall of Fame စာရင်းဝင် နည်းပြ ၂ ယောက်အဖြစ် ယနေ့တွင် ဂုဏ်ပြုလိုက်သည်။ ဆာအဲလက်စ် ဖာဂူဆန်သည် ဗြိတိန်ဘောလုံးသမိုင်းတွင် အအောင်မြင်ဆုံးနည်းပြဖြစ်ခဲ့ပြီး မန်ချက်စတာ ယူနိုက်တက်အသင်းနဲ့အတူ ပရီးမီးယားလိဂ်ဖလား ၁၃ ကြိမ်ရရှိခဲ့ဖူးသည်။ အာဆင်၀င်းဂါး သည်လည်း အာဆင်နယ်အသင်းနှင့်အတူ ၂၀၀၃/၂၀၀၄ ဘောလုံးရာသီ၊ အင်္ဂလိပ်ဘောလုံး သမိုင်းတလျောက် ရှုံးပွဲမရှိ ချန်ပီယံဆု ရယူနိုင်ခဲ့သူလည်းဖြစ်သည်။ Premier League Hall of Fame သည် အင်္ဂလန်၏အဆင့်အမြင့်ဆုံးထိပ်တန်းလိဂ်ဖြစ်သော ပရီးမီးယားလိဂ်တွင် ကစားပြီး စီမံခန့်ခွဲခဲ့ကြသည့်ဘောလုံးကစားသမားများနှင့်မန်နေဂျာများကို ဂုဏ်ပြုခြင်းဖြစ်သည်။