ကန်ကြီးထောင့်မြို့နယ်၊မြောက်ရိုးကြီးကျေးရွာရှိ ဒေသခံတောင်သူများ၊ ရပ်မိရပ်ဖများနှင့် ပြည်ခိုင်ဖြိုးပါတီ ဒုတိယဥက္ကဋ္ဌ ဦးမျိုးဇော်သိန်း တွေ့ဆုံ
ကန်ကြီးထောင့် မတ် ၂၂
ဧရာဝတီတိုင်းဒေသကြီးသို့ ရောက်ရှိနေသော ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ ဒုတိယဥက္ကဋ္ဌ ဦးမျိုးေဇာ်သိန်းနှင့်အတူ ဗဟိုအတွင်းရေးမှူး ဦးသန်းထွန်း၊ဧရာဝတီတိုင်းဒေသကြီးပါတီဥက္ကဋ္ဌ ဦးသိန်းထွန်းတို့သည် (၂၂.၃.၂၀၂၃) နေ့ နံနက် (၉)နာရီအချိန်က ကန်ကြီးထောင့်မြို့နယ်၊မြောက်ရိုးကြီးကျေးရွာရှိ ဒေသခံတောင်သူများ၊ ရပ်မိရပ်ဖများ၊ ကျေးရွာလူငယ်များ၊ပါတီဝန်းရံသူများနှင့် တွေ့ဆုံခဲ့ပါသည်။
ဦးစွာပထမ ပါတီဒုဥက္ကဋ္ဌမှ မိတ်ဆက်စကားပြောကြားပြီး ဒေသခံတောင်သူကြီးများ၊ ရပ်မိရပ်ဖများ၊ ကျေးရွာ လူငယ်များမှ ၎င်းတို့သိရှိလိုသည့် အကြောင်းအရာများအား မေးမြန်းကြရာ ပါတီဒုတိယဥက္ကဋ္ဌမှ တစ်ခုချင်းစီ အသေးစိတ်ပြန်လည်ရှင်းလင်းပြောကြားခဲ့ပြီး ရပ်ရွာဒေသဖွံ့ဖြိုးရေးကိစ္စများအား ရင်နှီးပွင့်လင်းစွာ အပြန်အလှန်ဆွေးနွေးခဲ့ကြပါသည်။
၎င်းနောက် ပါတီဒုတိယဥက္ကဋ္ဌမှ အမှတ်တရလက်ဆောင်ပစ္စည်းများပေးအပ်ခဲ့ပြီးမွန်းတည့် (၁၂)နာရီအချိန်၌ တွေဆုံပွဲပြီးဆုံးခဲ့ပါသည်။
