EA Sports ၏ ကမ္ဘာ့ဖလားချန်ပီယံခန့်မှန်းမှု (၄)ကြိမ်ဆက်တိုက် မှန်ကန်ခဲ့
EA Sports သည် ကမ္ဘာ့ဖလားပြိုင်ပွဲမတိုင်မီ စက်တင်ဘာလအတွင်းက FIFA 23 ဂိမ်းကို ထုတ်လုပ်ခဲ့ပြီး ၂၀၂၂ ကမ္ဘာ့ဖလားပြိုင်ပွဲ၌ အာဂျင်တီးနားအသင်း ချန်ပီယံဖြစ်မည်ဟု ခန့်မှန်းရာ မှန်ကန်ခဲ့သည့်အတွက် ကမ္ဘာ့ဖလားချန်ပီယံ ခန့်မှန်းမှု (၄)ကြိမ်ဆက်တိုက် မှန်ကန်ခြင်းဖြစ်ခဲ့ကြောင်း သိရသည်။ EA Sports သည် ၂၀၀၆ ကမ္ဘာ့ဖလားပြိုင်ပွဲ၌ ချက် အသင်း ချန်ပီယံဖြစ်မည်ဟု ခန့်မှန်းရာတွင် လွဲချော်ခဲ့သော်လည်း ၂၀၁၀ ကမ္ဘာ့ဖလားတွင် စပိန်၊ ၂၀၁၄ ကမ္ဘာ့ဖလားတွင် ဂျာမနီ၊ ၂၀၁၈ ကမ္ဘာ့ဖလားတွင် ပြင်သစ်နှင့် ၂၀၂၂ ကမ္ဘာ့ဖလားတွင် အာဂျင်တီးနား ဗိုလ်စွဲမည်ဟု ခန့်မှန်းခဲ့ခြင်းများ ဆက်တိုက်မှန်ကန်ခဲ့ခြင်းဖြစ်သည်။
