ညောင်လေးပင်ခရိုင်ပါတီဥက္ကဌ ဒိုက်ဦးမြို့နယ်သို့ကွင်းဆင်း၍ပါတီဝင်များနှင့်တွေ့ဆုံ

ပဲခူးတိုင်းဒေသကြီး ညောင်လေးပင်ခရိုင် ဒိုက်ဦးမြို့နယ်သို့ ညောင်လေးပင်ခရိုင် ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ ခရိုင်ပါတီဥက္ကဌဒေါက်တာပွင့်ဆန်း နှင့် ဒိုက်ဦးမြို့နယ်ပါတီဥက္ကဌ ဦးမင်းအောင်တို့သည် နိုဝင်ဘာလ ၂၁ ရက်နေ့က ဖအောင်းစုကျေးရွာ သို့သွားရောက်၍ပါတီအမာခံများနှင့်တွေ့ဆုံခဲ့သည် ။

တွေ့ဆုံပွဲတွင်ပါတီတာဝန်ရှိသူများမှပါတီ၏ပြုပြင်ပြောင်းလဲမှု ၊ ဗဟိုညီလာခံအတွေ့အကြုံများ၊ တိုင်းဒေသကြီး ပါတီဥက္ကဌ၏လမ်းညွန်မှုများ၊ PRစနစ်အကြောင်း ၊ သုံးလတာ ရက်ပေါင်း ၉၀ လုပ်ငန်းအကြောင်း ၊ ပါတီအမာခံများ စုစည်းပြန်လည်ဖွဲ့စည်းမှု ၊ ရေးရာကော်မတီများဖွဲ့စည်းထားရန်ကိစ္စရပ်များအားလုပ်ငန်း လမ်းညွန်မှာကြားခဲ့သည် ။