ယူကရိန်း ကျုးကျော်စစ်မှာ ရုရှားဝါဒဖြန့်ချီမှုတွေ ဖေ့စ်ဘွတ်ကုမ္ပဏီ ဖော်ထုတ်
ယူကရိန်းအပေါ် ကျုးကျော်မှုနဲ့ ပတ်သက်လို့ ရုရှားရဲ့ ဝါဒဖြန့်ချီမှုတွေကို အနောက်ဥရောပမှာ ဖြန့်ချီဖို့ ရုရှားနိုင်ငံက မြစ်ဖျားခံလာတဲ့ ဒါဇင်နဲ့ချီတဲ့ ဝက်ဘ်ဆိုဒ် စာမျက်နှာသစ်တွေနဲ့ ရာနဲ့ချီတဲ့ အကောင့်အတုတွေကို ဖော်ထုတ်ဟန့်တား နိုင်ခဲ့ကြောင်း Facebook ရဲ့ မိခင်ကုမ္ပဏီဖြစ်တဲ့ Meta ကုမ္ပဏီက အင်္ဂါနေ့မှာ ပြောလိုက်ပါတယ်။
ဒီလိုဖြန့်ချီမှုကို သိပ်မပြန့်ခင်မှာပဲ ဖေါ်ထုတ်ပြီး ဖယ်ရှားပစ်နိုင်ခဲ့တယ်လို့ ဖေ့စ်ဘုတ်နဲ့ အင်စတာဂရမ် မီဒီယာတွေကို ပိုင်တဲ့ Meta ကုမ္ပဏီက ပြောပါတယ်။
ဒါပေမယ့် ဖေ့စ်ဘုတ်ကတော့ ဒါဟာ ရုရှားတွေရဲ့ အကြီးမားဆုံးနဲ့ အရှုပ်ထွေးဆုံး ဝါဒဖြန့်ချီဖို့ ကြိုးစားမှုဖြစ်ပြီး ဒီလိုလုပ်နေတာကို သူတို့ ယူကရိန်းကို စတင်ကျူးကျော်ချိန်ကစပြီး တွေ့ခဲ့ရတယ်လို့ ပြောပါတယ်။
ဒီလုပ်ဆောင်မှုထဲမှာ ဗြိတိန်က The Gurdian သတင်းစာနဲ့ ဂျာမဏီက Der Spiegel အပါအဝင် သတင်းဌာနကြီးတွေ အယောင်ဆောင် အတုဖန်တီးထားတဲ့ ဝက်ဘ်ဆိုက် ၆၀ ကျော်ပါနေတာ ဖြစ်ပါတယ်။ ဖေ့စ်ဘုတ် အကောင့်တု ၁၆၀၀ ကျော်ကိုတော့ ဂျာမဏီ၊ အီတလီ၊ ပြင်သစ်၊ ဗြိတိန်နဲ့ ယူကရိန်း နိုင်ငံက ပရိတ်သတ်တွေကြား ဝါဒဖြန့်ရာမှာ သုံးခဲ့တာပါ။
အခုတွေ့ရှိချက်ကြောင့် လူမှုမီဒီယာ ကုမ္ပဏီတွေ အနေနဲ့ သတင်းမှားတွေ ဆက်ပြီး ပျံ့နှံ့မယ့် အန္တရာယ်ကို သတိထားလာကြသလို သူတို့ရဲ့ မီဒီယာတွေကို စောင့်ကြည့်ဖို့ လုပ်လာစေတာပါ။ အခုလို သတင်းမှားဖြန့်ချီနေ ကြောင်း တွေ့ရှိခဲ့တာနဲ့ ပတ်သက်ပြီး ဝါရှင်တန်ဒီစီ က ရုရှားသံရုံးကို ကယ်လီဖိုးနီးရှားအခြေစိုက် Meta ကုမ္ပဏီက မေးမြန်းခဲ့ပေမယ့် ခုချိန်ထိတော့ တုံ့ပြန်ဖြေကြားတာ မရှိသေးပါဘူး။
-Ref:VOA
