ရုရှားနိုင်ငံမှာ စာသင်ကျောင်းပစ်ခတ်မှု ၁၅ ဦးသေ
ရုရှားနိုင်ငံ Udmurtia ဒေသရဲ့ မြို့တော် Izhevsk က စာသင်ကျောင်းမှာ တနင်္လာနေ့က သေနတ်သမားတဦးရဲ့ ပစ်ခတ်မှုကြောင့် ကလေး ၁၁ ဦးအပါအ၀င် အနည်းဆုံး ၁၅ ဦး သေဆုံးသွားခဲ့ပါတယ်။ ဒီဒေသမှာ ပစ်ခတ်မှုဖြစ်ခဲ့တာ ၁၅ လအတွင်း ဒါဟာ စတုတ္တအကြိမ် ဖြစ်ပါတယ်။
မူကြိုကနေ အထက်တန်းအထိ သင်ကြားနေတဲ့ အမှတ် ၈၈ စာသင်ကျောင်းမှာ ပစ်ခတ်ခဲ့သူဟာ အသက် ၃၀ ၀န်းကျင် Artem Kazantesev ဖြစ်ပြီး၊ ဒီကျောင်းမှာ တက်ခဲ့ဖူးသူ တယောက်ဖြစ်ကြောင်း ရုရှား စုံစမ်းရေး ကော်မီတီက ပြောပါတယ်။
နာဇီသင်္ကေတပါတဲ့ တီရှပ်အနက်ကို ၀တ်ဆင်ထားတယ်လို့ ဒေသခံ မီဒီယာတွေက ဖော်ပြခဲ့ကြတဲ့ သေနတ်သမားဟာ သူ့ကိုယ်သူ ပစ်သတ်အဆုံးအစီရင်ခဲ့တယ်လို့လည်း စုံစမ်းရေး ကော်မီတီက ပြောပါတယ်။ ဒီပစ်ခတ်မှု ကြောင့် ကလေး ၂၂ ဦး အပါအ၀င် ၂၄ ဦး ဒါဏ်ရာရှိခဲ့ပါတယ်။
ရုရှားမှာစာသင်ကျောင်းတွေ၊ ပညာရေးဌာနတွေမှာ ပစ်ခတ်မှုတွေ အလွန်ဖြစ်ခဲပါတယ်။ ဒါပေမယ့် ပြီးခဲ့တဲ့နှစ်ပိုင်းကစလို့ သေနတ် ပစ်ခတ်မှုတွေများလာခဲ့ပါတယ်။
ပြီးခဲ့တဲ့ ဧပြီထဲတုန်းက မူကြိုကျောင်းကို သေနတ်သမားက ၀င်ရောက်ပစ်ခတ်ခဲ့တဲ့တွက် ကလေးနှစ်ဦးနဲ့ ဆရာတဦး သေဆုံးခဲ့ပါတယ်။ ၂ဝ၂၁ စက်တင်ဘာလ ကလည်း Perm ပြည်နယ် တက္ကသိုလ်ကို ၀င်ရောက် ပစ်ခတ်ခဲ့တဲ့တွက် ၆ ဦးသေဆုံးခဲ့ပါတယ်။
