မြန်အောင်မြို့နယ် ပြည်ခိုင်ဖြိုးပါတီမှ လူငယ်ရေးရာလှုပ်ရှားမှုအဖြစ် စုပေါင်းသန့်ရှင်းရေးပြုလုပ်
စက်တင်ဘာ ၁၅၊ မြန်အောင်
ဧရာဝတီတိုင်းဒေသကြီး၊ မြန်အောင်ခရိုင်၊ မြန်အောင်မြို့နယ် ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီမှ ၁၅-၉-၂၀၂၂ ရက်နေ့ နံနက်ပိုင်းတွင် ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ (၂၉)နှစ်ပြည့်အထိမ်းအမှတ်အနေဖြင့် လူငယ်ရေးရာလှုပ်ရှားမှုအနေဖြင့် ဘုရားသုံးဆူအနောက် ဘုန်းတော်ကြီးကျောင်းဝင်းအတွင်း စုပေါင်းသန့်ရှင်းရေး ဆောင်ရွက်ခြင်းအား ပြုလုပ်ခဲ့ကြပါသည်။
ဆောင်ရွက်ရာသို့ ခရိုင်အတွင်းရေးမှူး၊ မြို့နယ်ပါတီဥက္ကဋ္ဌနှင့် မြို့နယ်ပါတီကော်မတီဝင်များ၊ ရပ်ကျေးပါတီ ဥက္ကဋ္ဌများနှင့် ကော်မတီဝင်များ၊ လူငယ်ရေးရာပါတီဝင်များမှ စုပေါင်းဆောင်ရွက်ခဲ့ကြပါသည်။
