ပရီးမီးယားလိဂ် မစတင်ခင် အသင်းသစ်ရှာဖွေရန် ရော်နယ်ဒို ဆုံးဖြတ်ထား
မန်ယူအသင်းတိုက်စစ်မှူး ရော်နယ်ဒိုဟာ ပရီးမီးယားလိဂ်ပြိုင်ပွဲ မစခင်မှာ အသင်းသစ်ရှာဖွေနိုင်ဖို့ ဆုံးဖြတ်ထားတယ်လို့ သိရပါတယ်။ စီရော်နယ်ဒိုဟာ လက်ရှိအချိန်မှာ အသင်းနဲ့အတူ လေ့ကျင့်ခန်းဆင်းနေပေမဲ့ အသင်းပြောင်းရွှေ့ဖို့သာ ဆန္ဒရှိနေပြီး လာမယ့်တနင်္ဂနွေနေ့ ကစားမယ့် ပရီးမီးယားလိဂ်ပွဲစဉ် မတိုင်ခင် အသင်းသစ်ရှာဖွေဖို့ စီစဉ်ထားကြောင်း AS သတင်းမှာ ဖော်ပြပါတယ်။ ရော်နယ်ဒိုဟာ ဗလက်ကာနိုအသင်းကို ရှုံးနိမ့်ခဲ့တဲ့ ခြေစမ်းပွဲမှာ ဒီရာသီအတွက် ပထမဆုံးအကြိမ် ပွဲထွက်ကစားခဲ့ပြီး ဒုတိယပိုင်းမှာ ဝင်ရောက် ကစားခဲ့ခြင်းမရှိဘဲ အနားပေးခံခဲ့ရပါတယ်။ အဲဒီနောက် ပွဲမပြီးခင် ကွင်းထဲကနေ ထွက်သွားခဲ့လို့ ဝေဖန်ခံခဲ့ရပါ သေးတယ်။ ရော်နယ်ဒိုဟာ ချန်ပီယံလိဂ်ပြိုင်ပွဲကို ဆက်လက်ကစားချင်နေပြီး အသင်းသစ်ရှာဖွေရာမှာလည်း ချန်ပီယံလိဂ်ကစားခွင့်ရမယ့် အသင်းကို ဦးစားပေး ပြောင်းရွှေ့မယ်လို့ သိရပါတယ်။
