မိုးကုတ်မြို့ တွင် ဖျားနာသူတစ်ဦးအား RDT Test Kit ဖြင့် စစ်ဆေးခဲ့ရာCovid-19 ပိုးတွေ့ရှိ
မန္တလေးတိုင်းဒေသကြီး၊ မိုးကုတ်မြို့နယ်တွင် အသက် ၅၁ နှစ်အရွယ် ကိုဗစ်-၁၉ ကာကွယ်ဆေးနှစ်ကြိမ်ထိုးပြီးသူ အမျိုးသားသည် ဖျားနာနေသဖြင့် မိုးကုတ်ပြည်သူ့ဆေးရုံ၌ ကိုဗစ်ပိုး ရှိ/ မရှိ RDT Test Kit ဖြင့် စစ်ဆေးခဲ့ရာမှ Covid-19 ပိုးတွေ့ရှိခဲ့ပါကြောင်း အဆိုပါ ကိုဗစ်ပိုးတွေ့လူနာအား မိုးကုတ်ပြည်သူ့ဆေးရုံကြီး အထူးကြပ်မတ်ကုသဆောင်၌ လိုအပ်သော ဆေးဝါးကုသမှုများ ဆောင်ရွက်ပေးထားပြီး ၎င်းနှင့် ထိတွေ့ဆက်စပ်ခဲ့သူများအား ကိုဗစ်ပိုး ရှိ/မရှိ ဆက်လက်စစ်ဆေးသွားမည် ဟု မိုးကုတ်မြို့နယ် Covid -19ကာကွယ်ထိန်းချုပ်ရေးနှင့် အရေးပေါ်တုံ့ပြန်ရေးကော်မတီဝင် တစ်ဦး ကပြောကြားသည်။
“မိုးကုတ်မြို့ အရှေ့ပိုင်းက ၅၁အရွယ် အမျိူးသား ဖြစ်ပါတယ် သူက ကာကွယ်ဆေး ၂ကြိမ် ထိုးပြီးပြီး ဒါပေမဲ့ သူက ဖျားနေလို့ မသကာင်္ လို့ ဆေးရုံကို လာပြီး စစ်ခိုင်းတာ RDT စစ်တော့ ကိုဗစ်ပိုးတွေ့ခဲ့တယ် ။ ပိုးတွေ့တဲ့ အတွက် ဆေးရုံမှာ တခါတည်း အထူးကြပ်မတ်ဆောင်မှာ လိုအပ်တဲ့ ကျန်းမားရေးစောင့်ရှောက်မူတွေ လုပ်ထားပါတယ် ။ သူနဲ့ ဆက်စပ်တဲ့ သူ မိသားစု ဝင်တွေကို ထပ် စစ်ဖို့ လုပ်နေပါတယ် ။ လုပ်ရှိ လူနာ အနေအထား က ကောင်းပါတယ် ။အောက်စီဂျင် ကျ တာတို့လည် မရှိပါဘူး လက်ရှိက BA4 BA5 တို့က ရှိနေတော့ သူရဲ့ စစ်ထားတာကို ယူပြီးတော့ မန္တလေး ပြည်သူဆေးရုံကြီး ကို ပို့ပြီး စစ်ဖို့ လုပ်နေပါတယ် မိုးကုတ်မှာ ပိုး အမျိူ းအစား ခွဲခြားလို့ မရဘူး လောလောဆယ် ကိုဗစ်၁၉ ပိုးတွေ့ လို့ ပြောလို့ရပါအုံးမယ် မန္တလေး ပို့ပြီးမှ စစ်တာ အဖြေ ရပြီးမှ ကျန်တာ ပြောလို့ ရပါမယ် သူ ရဲ့ လက္ခဏာ မှာ ထူးထူးခြားခြား မတွေ့ပါဘူး” လို့ ဟု မိုးကုတ်မြို့နယ် Covid -19ကာကွယ်ထိန်းချုပ်ရေးနှင့် အရေးပေါ်တုံ့ပြန်ရေးကော်မတီဝင် တစ်ဦး ကပြောကြားသည်။
၎င်း ပိုးတွေ့လူနာ၏ ကျန်းမာရေး အခြေအနေမှာ လက်ရှိတည်ငြိမ်လျက်ရှိပြီး၊ ကိုဗစ်ပိုးအမျိုးအစား သိရှိနိုင်ရေးအတွက် ဓါတ်ခွဲနမူနာရယူပြီး MHL သို့ ပေးပို့စစ်ဆေးသွားမည် ဖြစ်ပါကြောင်းသိရပါသည်၊၊