ကွင်းလယ်လူဒီဂျောင်ကို ခေါ်ယူဖို့ ဘာစီလိုနာနဲ့ မန်ယူ ဆွေးနွေး
မန်ယူအသင်းဟာ ကွင်းလယ်လူ ဖရန်ကီဒီဂျောင်ကို ပေါင်(၆၅)သန်းနဲ့ခေါ်ယူဖို့ ဘာစီလိုနာနဲ့ ဆွေးနွေးလျက်ရှိပါ တယ်။ အသက်(၂၅)နှစ်အရွယ် နယ်သာလန်ကစားသမားကလည်း အခုနွေရာသီမှာ မန်ယူအသင်းကို ပြောင်းရွှေ့ဖို့ ဆန္ဒရှိတယ်လို့ သိရပါတယ်။ သတင်းတွေရဲ့ဖော်ပြချက်အရ မန်ယူအသင်းဟာ ဒီဂျောင်အတွက် ကနဦးကမ်းလှမ်းမှု တောင်လုပ်ခဲ့ပြီးပြီဖြစ်ပြီး ကလပ်အသင်းနှစ်သင်းကြား သဘောတူညီမှုမရသေးပါဘူး။ ဘာစီလိုနာအသင်းအတွက် ကွင်းလယ်လူဒီဂျောင်အတွက် ပြောင်းရွှေ့ကြေး ပေါင်(၆၅)သန်းရရှိဖို့ ဆန္ဒရှိနေပါ တယ်။ မန်ယူနည်းပြသစ် တန်ဟတ်ဟာ ပြီးခဲ့တဲ့ရာသီက ရုန်းကန်ခဲ့ရတဲ့အသင်းကို ပြန်လည်တည်ဆောက်ဖို့ စီစဉ်နေပြီး ဒီဂျောင်ဟာ အခုနွေရာသီမှာ မန်ယူအသင်းရဲ့နံပါတ်(၁)ပစ်မှတ်ဖြစ်ပါတယ်။ လာမယ့်ရာသီသစ်မတိုင်မီ ဒီဂျောင်ရဲ့ အပြောင်းအရွှေ့နဲ့ ပတ်သက်ပြီး သဘောတူညီမှုရဖွယ်ရှိတယ်လို့ သတင်းတွေထွက်နေပါတယ်။ ဒီဂျောင်နဲ့ တန်ဟတ်တို့ဟာ အေဂျက်ဇ်အသင်းမှာ အတူလက်တွဲခဲ့တဲ့အချိန်ကတည်းကစလို့ ရင်းနှီးတဲ့ဆက်ဆံရေးရှိပါတယ်။ ပေါ့ဘာနဲ့ မာတစ်တို့ ထွက်ခွာသွားတာကြောင့် လစ်လပ်နေတဲ့ ကွင်းလယ်ဗဟိုနေရာကို အစားထိုးဖို့ မန်ယူအသင်းစီစဉ်နေတယ်လို့ သိရပါတယ်။
