ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ ဒုတိယဥက္ကဌ ဦးခင်ရီ တရုတ်ကွန်မြူနစ်ပါတီနှင့် ကမ္ဘာ့နိုင်ငံရေးပါတီများ ထိပ်သီးညီလာခံသို့ video linkဖြင့်တက်ရောက်

ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ ဒုတိယဥက္ကဌ ဦးခင်ရီ သည်တရုတ်ကွန်မြူနစ်ပါတီ နိုင်ငံတကာရေးရာဌာန၏ ဖိတ်ကြားချက်အရ ၂၀၂၁ခုနှစ်၊ ဇူလိုင်လ(၆)ရက်နေ့(၁၉၀၀)နာရီချိန်တွင် ကျင်းပသည့် တရုတ်ကွန်မြူနစ်ပါတီနှင့် ကမ္ဘာ့နိုင်ငံရေးပါတီများ၏ ထိပ်သီးညီလာခံတွင် “For the People’s wellbeing; the Responsibility of Political Parties ” ခေါင်းစဉ်အား video linkဖြင့် ဆွေးနွေးခြင်းတွင် တက်ရောက်ခဲ့သည်။
အဆိုပါညီလာခံတွင် တရုတ်ကွန်မြူနစ်ပါတီ၊ အထွေထွေအတွင်းရေးမှူး၊ တရုတ်ပြည်သူ့သမ္မတ နိုင်ငံသမ္မတ H.E.Mr .Xi Jinping မှ ဦးဆောင်ဆွေးနွေးခဲ့ပြီး ကမ္ဘာ့နိုင်ငံရေးပါတီများမှ ခေါင်းဆောင်များ တက်ရောက်ခဲ့သည်။
ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ ဒုတိယဥက္ကဌ ဦးခင်ရီ နှင့်အတူ ဗဟိုအတွင်းရေးမှူး ဒေါက်တာကျော်ကျော်ဌေး၊ ပါတီပြောရေးဆိုခွင့်ရှိသူ ဒေါ်နန်းမြမြမီမီဇော်တို့ တက်ရောက်ခဲ့ပြီး ဆွေးနွေးသည့် ခေါင်းစဉ်နှင့်ပတ်သက်၍ ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ၏ ဆွေးနွေးအကြံပြုချက်များ ပေးပို့ခဲ့ပါသည်။