မြန်မာ့ ကိုဗစ်တိုက်ဖျက်ရေး ကန် ဒေါ်လာ ၄ သန်းထပ်မံကူညီ
မြန်မာနိုင်ငံအတွင်း ကိုဗစ်–၁၉ ရောဂါကူးစက်ပျံ့နှံ့မှု တိုက်ဖျက်ရေးအတွက် အမေရိကန်ပြည်ထောင်စုက ဒေါ်လာ ၄ သန်း ထပ်ပေးမယ့်အကြောင်း ရန်ကုန်မြို့မှာရှိတဲ့ အမေရိကန်သံရုံးက ဇွန်လ ၁၇ ရက်နေ့မှာ ကြေညာပါတယ်။ အခု ထပ်မံပေးအပ်တဲ့ ဒေါ်လာ ၄ သန်းနဲ့ပါဆိုရင် ဖေဖော်ဝါရီလကစလို့ မြန်မာနိုင်ငံရဲ့ ကိုဗစ်–၁၉ တုံ့ပြန် တိုက်ဖျက်ရေးလုပ်ငန်းစဉ်တွေအတွက် အမေရိကန်က ထောက်ပံ့ပေးနေတာ စုစုပေါင်း ဒေါ်လာ ၁၃ သန်းခွဲ ရှိသွားပြီ ဖြစ်ပါတယ်။
ဒီ ထပ်ဆောင်းအကူအညီကိုတော့ USAID အမေရိကန် နိုင်ငံတကာဖွံ့ဖြိုးအေး အေဂျင်စီရဲ့ ကျန်းမာရေး စောင့်ရှောက်မှု လက်လှမ်းမီရရှိရေး ရန်ပုံငွေအစီအစဉ်ကတစ်ဆင့် မြန်မာပြည်သူများကို ပေးအပ်မှာဖြစ်ကြောင်း အမေရိကန်သံရုံးရဲ့ ကြေညာချက်မှာ ဖော်ပြထားပါတယ်။
“မြန်မာနိုင်ငံရဲ့ ကိုဗစ်–၁၉ တုံ့ပြန်တိုက်ဖျက်ရေးအတွက် ပေးအပ်တဲ့ ဒီအမေရိကန်ရဲ့အကူအညီ ဒေါ်လာ ၁၃.၅ သန်းဟာ နိုင်ငံတစ်ဝန်းကျန်းမာရေးကဏ္ဍအတွက် ကျွန်တော်တို့ရဲ့ ရေရှည်ပူးပေါင်း ဆောင်ရွက်မှုကို အားဖြည့်တာဖြစ်ပါတယ်။ အခုအကူအညီဟာ ကျန်းမာရေးကဏ္ဍအတွက် ပေးအပ်ခဲ့တဲ့ ဒေါ်လာ ၁၇၆ သန်းအပါအဝင် လွန်ခဲ့တဲ့ အနှစ် (၂၀) အတွင်း မြန်မာနိုင်ငံအတွက် ကာလရှည်ကြာ အကူအညီ ပေးအပ်ခဲ့မှု စုစုပေါင်း ဒေါ်လာ ၁.၃ ဘီလျံအပြင် ထပ်ပြီးပေးတာ ဖြစ်ပါတယ်” လို့ အမေရိကန်သံရုံး ယာယီတာဝန်ခံ George Sibley က ပြောပါတယ်။ -Ref:VOA
